أنت قلبي الجزء الثالث

الحلقة ١٧٢

#انت_قلبي٣
_________
الحلقة ١٧٢ (الأخييييييرة).

في شركة مراد.
هشام : رايح فين يا مراد؟
مراد : بابي!
أنا كنت جاي لحضرتك علشان استأذن بس اروح البيت اطمن على مريم لإنها تعبانه من بالليل وقلقان عليها ومش عارف اشتغل بصراحه.
هشام : طب مقولتليش يا ابني.
مراد : كنت متردد وقلقان إن حضرتك تضايق يعني خصوصا إن عندنا شغل كتير.
هشام : بس في الظروف اللي زي دي مينفعش تسيب مراتك وأنت عارف إنها تعبانه روح يلا اطمن عليها.
مراد بفرحه : متشكره قوي بعد اذن حضرتك.
ونزل مراد بسرعة وبيشغل العربية.. التليفون يرن.
📞
مراد : الو.. ايوه يا مامي
في حاجه؟
أمل : أنت فين؟
مراد : خارج اهو من الشركة وجاي على البيت علشان مريم تعبانه.
أمل : ايوه
تعالى علشان تعبانه قوي.
مراد : ايه... دا بجد؟!
أمل : امال بهزر هي مش كلمتك؟
مراد : لأ دا أنا قولت استأذن من بابي واروح اطمن عليها.
أمل : طيب يا حبيبي تعالى يلا علشان هناخدها ونروح المستشفى نطمن شكلها ولادة يا مراد.
مراد : حاضر.. حاضر مسافة السكه.
___________
في منزل والد معتز.
معتز : مش فاهمك يا شهد مش كنتي يا بنتي عاوزه ترجعي وبتقولي لسه بحبه؟
شهد : ايوه.
معتز : طيب ما هو جالك لحد عندك وموافق ترجعوا انتي اللي رجعتي في كلامك ممكن افهم ليه بقى؟
شهد : هو عاوز يرجعني ليه يا معتز؟
معتز : بتسأليني أنا طب ما تسألي صاحب الشأن على العموم يعني في أسباب كتير واظن إنك عارفه اغلبها دا لو مش عارفه كلها يعني.
شهد : علاء عاوز ست تونسه بعد ما يجوز معتز والبيت يفضى عليه هو على العموم فاضي من دلوقت علشان معتز قاعد معايا بس كلها كام شهر
ويتجوز هو بقى يدور على عروسة ويتجوز.
معتز : هو مين؟!
شهد : صاحبك.
معتز : علاء!
طب وهو يدور على عروسة ليه وانتي موجودة؟
شهد : هياخدني يعمل بيه ايه يا معتز لو فاكر إني اقدر اخدمه زي زمان ولا حتى هونسه في البيت يبقى غلطان هيرجعني علشان يلف بيه في المستشفيات واقعد طول الليل اشتكيله إني تعبانه لحد ما يزهق مني ويطلقني لا يا معتز أنا بقصر عليه الطريق من دلوقت وبقوله يشوف واحدة لسه صحتها كويسه تعرف تخدمه وتبقى ونس ليه ومش زعلانه على فكرة أنا راضيه باللي أنا فيه.
معتز : مالك يا شهد؟
شهد : عندي عملية الشهر الجاي والدوا مبقاش جايب نتيجة ادعيلي يا معتز.
معتز : مين قال لك الكلام ده؟
شهد : الدكتور نادر زميلك في المستشفى وكشفت بره قال لي نفس الكلام ودكتور كريم عارف الكلام دا كويس.
معتز : ومقولتليش ليه؟
علاء : هقولك ايه بس أنت هتقدر تعملي حاجه ما هو دكتور كريم كتر خيره كان بيجري معايا وهو حولني للدكتور اللي بره ده علشان كنت عاوزه اتأكد ونفس الكلام سمعته منه.
بيحضنها معتز وبيبكي.
شهد : متعيطش يا معتز أنا كل اللي عاوزاه منك لو حصل لي حاجه ابقى ود ولادي ولو في حاجه عندهم متتخلاش عنهم وقول الكلام دا لعلاء وخليه يسامحني.
معتز : انتي هتبقي كويسه يا شهد هتعملي العملية وتاخدي الدوا وتخفي وترجعي احسن من الأول كمان.
شهد : ادعيلي يا اخويا
حتى لو مخفتش ومقومتش من العملية دي بالسلامة ادعيلي برضو وسامحني لو كنت غلطت في حقك وخلي هدى تسامحني وعلاء كمان.
معتز : سامحيني أنتي يا شهد وعلشان خاطري بلاش اليأس ده هتخفي وتبقي كويسه.
__________
في المستشفى.
مريم في غرفة العمليات وأمل ومراد وهنادي واقفين منتظرين بره.
أمل : روحي استريحي يا هنادي.
هنادي : مش قادرة يا أمل اجيب بال منين وارتاح ازاي وبنتي جوه.
أمل : مراد انزل هات لطنط هنادي حاجه تشربها.
هنادي : لأ لا يروح ولا يجي خليه جنب مراته احنا مش عارفين يمكن يطلبوا حاجه.
مراد : طب اقعدي استريحي يا طنط.
هنادي : شوفت يا مراد
شوفت مريم عامله ازاي علشان عمرك ما تطلب منها تحمل تاني.
أمل : يا ست ودي حاجه بـ ايد حد فينا مش وقته يا هنادي.
هنادي : اتأخروا يا أمل صح؟
أمل : انتي اللي موتراني يا هنادي لأ متأخروش ولا حاجه اهدي بقى.
_________
في شقة زوج علا.
علا : وهو بيديكي الشقة دي انتي واخوكي وهيسيب الشقة اللي هو فيها للهانم مراته وبنتها هي دي قسمه الحق يا عمار؟!
ياسمين : بعد الشر على بابا يا ماما وبعدين الشقة اللي هما فيها حاليا دي طنط وفاء دافعه فيها لإنها  أكبر من شقتنا القديمة بتاعة تيته.
علا : اه عاوز يلحق قبل ما حد منكم يوقفلها ويطالبها بحقه وانتو اصلا عمركم ما هتعملوا كده عارفه ليه لإنكم ولاد وفاء مش علا.
ياسمين : يا ماما يا حبيبتي زي ما بابا اتجوز حضرتك كمان اتجوزتي.
علا : بس بتحبو انكل جاد زي وفاء دا انتو بتقولوا لها يا ماما.
ياسمين : بس ماما وفاء عيشنا معاها فترة طويلة يا ماما قبل ما أنا وإياد نتجوز وبصراحه كانت
بتعاملنا كويس ولحد دلوقت لكن انكل جاد احنا معشناش معاه فأكيد معاملتنا ليه مش هتبقى زي ماما وفاء.
علا : انتي بتغظيني يعني ولا ايه؟!
قومي روحي يا ياسمين يلا مستنيه ايه؟!
ياسمين : حاضر يا ماما ماشيه.
وفتحت ياسمين باب الشقة وخرجت.
في التليفون... 📞
ياسمين : لأ معرفش أنا لسه نازله من عند ماما.
هشام : لا هي قامت بالسلامة لسه مكلم مراد
روحيلهم على هناك بقى.
ياسمين : حاضر مع السلامة.
______
في المستشفى.. في غرفة مريم.
ياسمين داخله وبمزح : لولولولي هههههههه مبعرفش ازغرط يا مريم.
هنادي : تعالي يا ياسمين.
ياسمين : هههههههههههه مبروك يا مريم عملتيها خلاص هههههههه
مريم بصوت متعب : كنت بموت يا ياسمين.
هنادي : ألف بعد الشر عليكي يا بنتي.
ياسمين : يا أختي عقبال المرة الجايه.
هنادي : لا جايه ولا رايحه يا ياسمين كده كويس انتي مش شايفه عامله ازاي.
ياسمين : هي بس تاكل الفراخ اللي مجهزهملها وهتقوم بعدها تجري زي الحصان والسنة الجايه نتقابل في نفس المكان.
أمل داخله : هههههههههههه
شوفتي مش قولتلك يا هنادي.
هنادي : قولتيلي ايه هتفضلي تقولي الكلام دا قدام ابنك لحد ما تحطيها في دماغه ابص الاقي بنتي حامل!
أمل : بهزر يا هنادي.
هنادي : لا جد ولا هزار يا أمل بنتي استوت اظن شوفتيها المرة دي كانت عامله ازاي.
ياسمين : قمر يا ناس.
وبتشيل البيبي : ها يا مريم هتمسي ايه؟
مريم : مش عارفه مراد يختار بقى براحته.
مراد بيخبط على الباب
وبابتسامة : أنا جيت.
أمل : ادخل يا ابني.
مراد : ازيك يا ياسمين؟
ياسمين : تمام.. مبروك ما جالك يا مراد.
مراد : عقبال لكم.
أمل : هههههههههههه
نظرت ياسمين لـ أمل وسكتت.
مراد : ها يا مريم عامله ايه دلوقت؟
مريم : مريم عامله ايه؟
مراد : هتعمل ايه يعني روحت لاقيتها نايمه.
أمل : رباب مش معاها؟
مراد : روحت لاقيتها هناك أنا قولتلها خليكي متروحيش.
مريم : مجبتهاش معاك ليه؟
مراد : هتقعد بقى تعيط وتشبط فيكي قولت لأ خليها بقى في البيت وكويس إني لاقيتها نايمه
جيبت لك الحاجه اللي طلبتيها.
مريم : متشكره.
ليلى بتخبط يجري يزيد على السرير.
ليلى : سلام عليكم.
يرددوا : وعليكم السلام.
مراد : رايح فين أنت تعالى هنا طنط تعبانه.
يزيد : اشوف البيبي.
ليلى : يزيد تعالى هنا.
مراد : خليه معايا بس متروحش هناك عند طنط مريم.
يزيد : علشان تعبانه؟
مراد : اه.
يزيد : طب أنا عاوز اشوف البيبي.
ياسمين : اتفضل بس متمدش ايدك سامع؟
يزيد : حلو.
مراد : مالك بتقولها كده من غير نفس؟
هنادي : هههههههههههه
يزيد : تيم أخويا أحلى منه.
مراد : لا يا شيخ.. طب مش هخليه يلعب معاك.
مراد : اصلا هو صغير.
مراد : ماشي لما يكبر.
يزيد : هلعب مع تيم ويمان مش عاوز ألعب مع ابنك ده.
ليلى : يزيد بطل غلاسه.
مراد : سيبهولي أنا بقى هاخد حقي منه بره عاوزه حاجه يا مريم؟
مريم : لأ.
مراد : تعالى بقى معايا.. أنت عاوز ايه أنت كمان؟
كان تيم بيمد ايده علشان مراد ياخده معاه.
مراد : يا عم هو أنا ناقص خليك هنا.
أمل : هههههههه هاتي تيم يا ليلى.
ليلى : سيبيه معايا يا طنط هو بيحب يزيد وكان عاوز يطلع معاه.
هنادي : يا حبيبي بكرة تكبر وتلعبوا مع بعض.
ليلى : قصدك يا طنط يضربوا بعض يزيد طول ما أنا شايله أخوه كده يقعد يمسك ايده علشان انزله في الأرض.
هنادي : العيال كلها كده بتبقى غيره بس مبتطولش.
ليلى : عامله ايه يا مريم دلوقت؟
مريم بصوت متعب : كويسه يا ليلى.
ليلى : معلش بكرة تقومي بالسلامة.
ياسمين : أنا بقول بس تتغذا كويس وهي هتبقى زي الحصان.
ليلى : هههههههههههه صح يا ياسمين فاكرة كنتي بتعملي معايا ايه
كانت يا مريم تجيبلي الفرخه تقولي لازم تخلصيها ومتخرجش غير لما اخلصها فعلا.
ياسمين : لا يا شيخه هههههههه
يعني مكونتيش بتوزعيها على العيال علشان تقولي خلصتها كلها؟!
ليلى : دي حته صغيرة
ههههههههههههه
هنادي : جدعه يا ياسمين عقبال ما يعملوا معاكي كده.
أمل بتدعي.
ياسمين : ايه يا طنط عاوزه هشام يقولي على بيت أبوكي ولا ايه؟!
ليلى : هههههههههههه
أمل : ابقي تعالي عندي وملكيش دعوة بيه.
هنادي : هههههههههههه
ياسمين : أحمل علشان اجي اقعد معاكي واسيب بيتي بقى.
أمل : مش هو اللي عاوز كده.
هنادي : بعد الشر عليكي يا ياسمين ابقي تعالي اقعدي معايا أنا.
ليلى : ليه يا جماعة ما العمارة فيها شقق كتير تيجي عندي.
ياسمين : هههههههههههه انتي عاوزاني اعملها وخلاص كده كويس يا أختي.
زينة بتخبط بابتسامة : مامي فين؟
ياسمين : تعالي يا زينة مامتك هنا.
زينة بتسلم على مامتها : هههههههههههه أنا أقصد مامي اللي نايمه هناك دي
مبروك ما جالك يا مريم.
مريم : حبيبتي يا زينة عقبالك.
زينة بتسلم على مريم : دعيتي لي بقى؟
مريم : دعيتلك كتير.
زينة : ازيك يا طنط؟
وتقرب تسلم على هنادي.
هنادي : تمام يا حبيبتي اقعدي استريحي.
__________
في الاوتيل في الغردقة.
فريدة بتجفف شعرها بعد ما اخدت شاور.
فريدة : بصراحه يا كريم المياه كانت لذيذة قوي هههههههه كانت نقصاك
اظن أنت بقى نمت وروقت على الأخر
كريم... كريم أنت سامعني؟
كريم : سامعك يا فريدة.
فريدة : سامعني ايه أنت ماسك الموبايل ومعرفش بتقرا ايه وأنا عماله اتكلم مردتش عليه بكلمة واحدة هو في ايه؟
كريم : اتبسطتي انتي والولاد يعني؟
فريدة : اه اتبسطنا مش عاوز تتبسط معانا أنت كمان؟
كريم : بكرة نبقى ننزل كلنا.
فريدة : طيب اطلبلنا حاجه ناكلها أنا متعشتش الولاد أكلوا تحت وأنا قولت أطلع اصحيك ناكل مع بعض.
كريم : حاضر.
بيطلب الأكل ويحط السماعه.
فريدة قعدت جنبه : ها مشغول في ايه بقى؟
كريم : ولا حاجه يا فريدة.
فريدة : ولا حاجه ايه وريني كده.
بتاخد التليفون : ايه دا كله بالانجليزي دي تحاليل دي؟
بياخد منها التليفون : ايوه.
فريدة : ثواني بس وريني كده.
كريم : عاوزه تشوفي ايه مش هتفهمي حاجه من ده.
فريدة : ماشي مش هفهم لإنه تقرير طبي بس أنا شوفت اسم مكتوب فوق شهد صح؟
كريم : ايوه.
فريدة : في حاجه ولا ايه؟
كريم : مفيش يا فريدة ظبطي شعرك علشان نعرف ناكل.
فريدة بتسرح شعرها.
فريدة : هو أنت ليه زعلان؟
كريم : مش زعلان ولا حاجه انتي ليه أسئلتك كلها غريبة النهاردا؟
فريدة : علشان قلبي حاسس إن في حاجه مخبيها عليه التقرير دا في ايه؟
كريم : الأكل جه.
بيشد الستارة الفاصله ما بين السرير وباقي الغرفة ويفتح الباب ياخد الأكل ويدخل جوه.
بتسحب فريدة الطربيزة ينزل عليها الأكل.
فريدة : الريحه تجوع.
كريم بابتسامة : انتي اللي شكلك جعانه.
فريدة : واقعه من الجوع.
يخبط ها على ايدها : اغسلي ايدك الأول.
فريدة : اه نسيت اقفل علبة الكريم.
كريم بيقعد ويراجع التقرير مرة تانية وهو مهموم وحزين.
فريدة : شوفت ايه بقى تحت يا كريم حاجه متتوقعهاش.
وبتمد ايدها وتاكل.
فريدة : مسألتنيش يعني ايه هي.
كريم : ايه هي؟
فريدة : لأ ما هو أنا مش هتكلم كده وأنت مش سامعني.
كريم : أظن نقعد ناكل لا كلام على الطعام.
فريدة : حاضر.
___________
في شقة عمار(زوج ملك).
ملك : حضانة!
مليكة : اه حضانة أنا فكرت اعملها لوحدي بس قولت ليه أختي حبيبتي مدخلهاش شريكه معايا واهو تسلي وقتك في حاجه مفيدة.
ملك : مش عارفه يا مليكة بس أصل الفكرة دي عمرها ما جات على بالي.
مليكة : خُدي وقتك وفكري أنا هستنى منك رد علشان لو وافقتي نبدأ بقى نخلص ورقنا المكان موجود محتاج بس شوية تعديلات كده.
ملك : معلش هو دا هيبقى مشروعك انتي ولا مشروع سيف؟
مليكة : تقصدي مين اللي مساهم فيه يعني؟
ملك : اه.
مليكة : مش هتفرق لإن أنا اللي هديره وعلشان اريحك يا ستي سيف اللي اقترح فكرة الحضانة دي وانتي عارفه إني من زمان كان نفسي اعمل حاجه لها علاقة بالأطفال فلاقيتها فرصة وهيساهم معايا طبعاً لاني مش هقدر لوحدي والحلو إن الشغل فيها هيكون صباحي ومسائي وعلى حسب وقت كل واحدة فينا جوزك مش موجود بعد الضهر هتكوني في الحضانة جوزي هيرجع بدري يبقى أكون أنا الصبح موجودة وهكذا.
ملك : رتبتي لكل حاجه يعني.
مليكة : هههههههههههه علشان بس متحمسه فتلاقيني عماله اقفل كل الثغرات اللي ممكن تحبطنا واهو حلا احطها في فصل من الفصول والواد الشقي دا كمان.
ملك : واللي جاي في السكه كمان خُديه معاكي.
مليكة : هههههههههههه
ألف مبروك مش تقوليلي من بدري.
ملك : اقولك ايه أنا لسه عارفه امبارح بس.
مليكة : طب تمام كده بقى هتكون الحضانة مصلحه ليكي.
ملك : هههههههههههه ما أنا بقول كده برضو بس هاخد رأي عمار الأول.
مليكة : طبعاً لازم تاخدي رأيه وهو أنا يعني كلمتك غير لما اتفقت مع سيف على كل حاجه.
ملك : تمام أنا معنديش مانع بس هاخد رأي عمار وأرد عليكي.
____________
تاني يوم في فيلا مراد.
مريم بتنام على سريرها وهنادي بتنيم البيبي في سريره.
مراد : مستريحه كده يا مريم؟
مريم : اه يا حبيبي متشكرة.
مراد : على ايه بس دي أقل حاجه يا حبيبتي.
هنادي : ها استقريتوا على اسم؟
مراد : اه هنسمي ريان بكرة هاخده علشان اسجله.
هنادي : اسم حلو عقبال ما تفرح بيه هو ومريم.
مراد : في حياتك يا طنط.
أمل تخبط على الباب.
مراد : اتفضلي يا مامي.
أمل : رباب جايه بالأكل واوعي تقولي مليش نفس.
مراد : لأ ملهاش نفس ايه أنا هأكلها غصب عنها.
مريم : عاوزه مريم هي فين؟
أمل : جوه في اوضة زينة بتلاعبها خلصي بس أكل واحنا نجيبهالك.
مراد بيشكر رباب وبياخد منها صنية الأكل ويبدأ يأكل مريم.
أمل لهنادي : سيبيهم بقى يأكلوا بعض هههههه وتعالي احنا ناكل تحت علشان واقعه من الجوع.
هنادي : بس أنا....
تقاطعها أمل : اسمعي ولا كلمة هتاكلي معايا ولا تروحي تاكلي في بيتكم؟
هنادي : يعني امشي واسيب بنتي؟
أمل : خلاص اقعدي بس هتفضلي قاعدة كده من غير أكل ولا ايه؟!
هنادي بابتسامة : حاضر.
أمل : متعمليش فرق يا هنادي احنا اخوات ودا بيت بنتك يعني بيتك.
هنادي : بصراحه يا أمل كتر خيرك على اللي بتعمليه مع بنتي شايلاها طول الحمل هي والبنت الصغيرة ولحد دلوقت كمان.
أمل : ايه اللي بتقوليه دا يا ست انتي هي بنتك دي تبقى مين مش مرات ابني والحمل دا كان في مين مش ابن ابني والمثل بيقول أعز من الابن ابن الابن وأنا عندي مريم الصغيرة زي زينة بالظبط
ههههههههههههه ونوطي صوتنا لتسمعنا.
هنادي : مين زينة؟
دي حتة سكره.
أمل : أصلك متعرفيش بتغير عليه قوي حتى من باباها فخلينا كده موطيين صوتنا وناكل عيش يا أختي.. اه احنا مش ناقصين.
هنادي : هههههههههههه
أمل : يلا
بسم الله.
_____________
في شقة مجدي.
داليا : ها.. وقالت لك ايه؟
مروان : لما اخلص أكل يا مامي.
داليا : يا ابني قول لي بقى وطمني.
مروان : ابتسمت كده بخجل وسابتني ومشيت.
داليا : يعني ايه؟
مروان : معرفش ما هو علشان كده لما سألتيني مكنتش عارف ارد أقول ايه.
داليا : لا متشغلش بالك هي كده مكسوفه أنا عارف البنات لما بتتكسف.
مروان : طب يعني أنا مفروض اعمل ايه دلوقت؟
داليا : سيب الباقي عليه مش أنت ادتها فكرة إنك بتحبها وعاوز تتقدم لها.
مروان : اه.
داليا : خلاص سيب الباقي عليه بقى.
مروان : يعني هتعملي ايه يا مامي طمنيني أنا مش عاوز تهور.
تخبطه داليا في كتفه.
مروان : آي... هههههه مقصدش يا ست الكل بس أنا يعني عاوز ابقى على علم بكل خطوة هتحصل علشان بس ابقى مطمن.
داليا : عارف عنوان بيتهم؟
مروان : ها..؟
داليا : بقولك عارف عنوان بيتهم؟
مروان : هو مع بابي علشان عنده الملف اللي فيه كل بياناتها.
داليا : تمام دي سهله.
مروان : هتاخدي الملف من وراه ولا ايه؟
داليا : أنا؟!
مروان : امال ايه اللي هيحصل؟
داليا : هطلب عنوانها من باباك.
مروان : وبسهوله كده هتاخديه؟!
داليا : اه امال أنت مفكر ايه؟!
مروان يغمز لها : شكلك مسيطرة على الأخر يا ست الكل.
داليا : ولد!
مروان : هههههههههههه
بهزر يا مامي.
داليا : طب كُل بقى علشان الحكاية محتاجه ترتيب.
مروان : ترتيب!
داليا : وتخطيط وتنفيذ ونستعد للنتيجة.
مروان : هو احنا داخلين امتحان؟
داليا : طبعاً يا حبيبي كُل أنت بس وملكش دعوة.
_________
بعد مرور يومان.
في التليفون... 📞
كريم : بتهزر يا علاء صح؟
علاء : هههههههههههه اعمل ايه يا كريم الواد مستعجل.
كريم : بعد بكرة ازاي يعني فهمني ولا مش عاوزني اجي؟!
علاء : أنت قدامك كام يوم في الغردقة؟
كريم : بكرة وبعده وهنوصل بالليل.
علاء : خلاص مفيش مشكلة.
كريم : مفيش مشكلة!
يعني ابقى لسه جاي وأجري أروح عندك.
علاء : الخطوبة هتبقى على الضيق يا كريم.
كريم : يا حبيبي مختلفناش اللي بتكلم فيه إن الميعاد كان يبقى بعيد شوية بعد بكرة ايه بس؟!
علاء : هههههههههههه
معلش اهي جات كده بقى.
فريدة بتفتح باب الغرفة وتدخل وهي مضايقة : كريم احنا بقالنا ساعة قاعدين تحت مستنينك
بتعمل ايه عندك؟
علاء : خلاص يا كريم نتكلم بعدين.
كريم : طيب سلام.
ويقفل كريم مع علاء.
كريم : ايه يا فريدة مش شايفاني بتكلم في التليفون؟!
فريدة : أنا آسفة ماأخدتش بالي بس أنت كمان قاعد كل دا ليه؟!
كريم : حاضر يا فريدة جاي معاكي يلا بينا.
فريدة : في ايه؟
كريم : مفيش هو أنا شكلي في حاجه غريبة؟
فريدة : لأ بس كإنك مضايق من حاجه.
كريم : لا مفيش يلا بينا.
_________
في شقة مجدي.
مجدي : عاوزه عنوانها ليه افهم بس الأول؟
داليا : أنت عارف ليه.
مجدي : طب ومروان عارف؟
داليا : طبعاً.
مجدي : وموافق؟
داليا : طبعا.
مجدي : وهتروحي لوحدك؟
داليا : طبعا.
مجدي : هو ايه اللي طبعا طبعا في ايه يا داليا؟
داليا : هههههههههههه
أنت هأخدك معايا في الزيارة اللي بعد دي.
مجدي : تاخديني؟!
داليا : هههههههههههه لا أنت اللي هتاخدنا كلنا معاك في ايه يا مجدي مالك يا حبيبي بقيت حساس قوي كده ليه؟
مجدي : بصفتي الراجل يعني مش أنا اللي بحدد كل ده؟
داليا : طبعا يا حبيبي.
مجدي : بلاش طبعا دي علشان بتعصبني.
داليا : هههههههههههه حاضر.
________
في شقة آدم (ابن رحمه)
رُقية : طبعا عرفت.
قسمت : من مين؟
رُقية : من مامي هيكون مين اللي قال لي يعني؟!
قسمت : امممم ورايحين امتى بقى؟
رُقية : دي مامي لسه هتروح تجس نبضهم الأول.
قسمت : طيب.
رُقية : ايه مالك؟
قسمت : كنت مفكره خلصوا واتفقوا بقى
والخطوبة قريب علشان نفرح كلنا..
رُقية : اصبري مستعجله على ايه؟ هههههههه
______
في منزل عُمر.
ياسمينا : ايه اللي بتقوله دا يا عُمر؟
عُمر : وفيها ايه لما ادي على كل بنت مبلغ كده يعني يساعدهم يعملوا بيه حاجه ليهم ولولادهم؟
ياسمينا : مفيهاش حاجه طبعا بس أنت خلاص اهو هتطلع معاش واللي هتاخده من الشركة دي يدوب يكفينا واحنا يا حبيبي مش هنتأخر على واحدة فيهم لو احتاجت حاجه بس إنك توزع كل اللي معاك دا مش مريحني بصراحه ولو شايف إن دي أنانية مني قول لي.
عُمر : مش حوار أنانية يا نادين بس أنا عاوز اساعد كل واحدة باللي اقدر عليه وهسيب برضو مبلغ نعيش منه أنا عارف ومش ناسي إنك ياما وقفتي جنبي ودفعتي جزء من ميراثك اللي اخدتيه حطتيه في البيت ده وهاحفظلك حقك نص البيت
هيتكتب بـ اسمك.
ياسمينا : ليه الكلام ده هو أنت مفكر يعني إني بقولك كده علشان عاوزه حاجه أنا يا حبيبي بتكلم فيما بعد أحنا عارفين ايه اللي هيحصل لنا اهو لما نموت يبقوا ياخدوا اللي سايبينه لكن توزع عليهم واحنا عايشين ويمكن نحتاج الفلوس دي يبقى غلط دا في حالة لو واحدة محتاجه مفيش مانع.
عُمر : ماشي يا ياسمين وجهة نظرك تحترم برضو.
ياسمينا : أنا ببص لقدام يا عُمر صحيح احنا مش صغيرين في السن لكن كمان الواحد لما بيكبر مجهوده بيقل وجسمه بيضعف ومبيبقاش عارف هيجراله ايه ولا هنصرف الفلوس دي في ايه البنات يبقوا ياخدوا اللي هنسيبه.
عُمر : ماشي يا ياسمين.
ياسمينا : اوعى تكون زعلت من كلامي.
عُمر : لا وهزعل من كلامك ليه يا ياسمين انتي مقولتيش حاجه غلط.
ياسمينا بابتسامة : طيب تصبح على خير.
_________
بعد يومين.
كريم : يلا يا فريدة.
فريدة : حاضر يا كريم خلصت اهو.
التليفون يرن.. 📞
فريدة : ثواني بقى.
كريم : هستنى تحت سلام.
فريدة : الو.. ايوه يا ندى.
ندى : انتي فين؟
فريدة : لسه متحركناش من الاوتيل ليه في حاجه؟
ندى : لأ بكلمك بس اطمن عليكم.
فريدة : لسه كريم بيقولي الصبح ان الليلة خطوبة معتز أنا مكونتش أعرف.
ندى : أنا عرفت من حازم امبارح معرفش مستعجلين على ايه؟!
ههههههههههههه
فريدة : خليه يفرح يا ندى ايش معنى هو يعني.
ندى : على رأيك القصد يعني يقولوا قبلها علشان اللي بعيد يعمل حسابه أنا قومت الصبح كلمت أنس علشان يجي لو ينفع يعني بس قال لي إنه في الشغل وهيخلص متأخر لو عرف بقى ممكن يجي بس هيكون بالليل.
فريدة : احنا كمان كريم قومنا من النوم علشان نجهز حاجتنا بسرعة بقوله ليه مش مسافرين أخر النهار فراح قالي بقى.
ندى : طيب يا حبيبتي عقبال جميلة والليلة الكبيرة لزين.
فريدة : حبيبتي يا نونه عقبال احفادك.
ندى : هههههههههههه
__________
وبعد كام يوم في فيلا مراد.
ليلى بتجري ورا ابنها : تعالى هنا.
زينة : أنا تعبت كل البلالين يزيد عمال يفرقعها.
مراد داخل من بره يمسك يزيد : أنت يالا مش عاوز تسكت ليه هعلقك هنا شايف دي؟
يزيد : شايفها علقني هناك.
ليلى : نزله يا مراد معلش.
مراد : دا عاوزني كمان اعلقه هنا خليه كده بقى زي ما هو.
ليلى : ما هو بيهرب من الأكل نزله ياكل.
ياسمين : يلا اللي جعان يقرب.
مراد : ينفع أنا كمان؟
ياسمين : يا خبر يا مراد اتفضل.
شادي نازل من فوق : لا يتفضل ايه أنا وهو ليلى تعملنا طبق وناكل بعيد كده وخليكم براحتكم.
ليلى : حاضر.
شادي بياخد مراد على جنب وبيقعدوا يدردشوا.
شادي : كنت فين؟
شادي : كنت بشتري باقي الحاجات بتاعة السبوع كل أما اجيب حاجه مريم تفتكر حاجه تقوم ترجعني تاني.
ليلى : اتفضلوا بألف هنا وشفا.
شادي : تسلم ايدك يا حبيبتي.
ليلى : وماله لما تجيب هو أنت عندك أغلى من ريان؟!
مراد : اه عندي أخته.
شادي : هههههههههههه
يتربوا في عزك ويربوك أنت كمان.
مراد : ما بلاش نتكلم.
ليلى : بعد اذنكم.
شادي : مش فاهم عاوز تتكلم في ايه أنا معنديش حاجه اخاف منها يا حبيبي.
مراد : لا عندك فكر كده بس هتلاقي.
هشام بياخد ساندوتش من قدامهم : هههههههههههه
انتو عندكم أسرار معرفهاش ولا ايه؟
شادي : الأستاذ ده معرفش بيقول ألغاز ولا ايه هو ايه اللي عندي يا أستاذ مراد؟
هشام : هههههههههههه خلاص يا جماعة ايه مالكم ما تهدوا كده دا سبوع ريان باشا الليلة.
شادي : هو في حد يعمل سبوع لـ ابنه وهو عنده شهر!
هشام : هههههههههههه أربعين يوم متلخبطش الأيام أنا حاسبهم علشان أنا اللي مسجله.
مراد : اعمل ايه بابي يزنقني في الشغل معرفش اسجل ابني.
شادي : هههههههههههه كويس إنك لاقيت حد يسجل لك ابنك.
هشام : هههههههههههه
مراد : هو الواحد هينام ويستريح امتى؟
شادي وهشام نفس واحد :  انسى :
هههههههههههه
مراد : انتو متفقين مع بعض؟!
هشام : أبدًا هي جات كده
ههههههههههههه