أنت قلبي الجزء الثالث

الجزء الرابع / الحلقة ١

#أنت_قلبي٤
_________
الحلقة ١

بعد مرور ٣ شهور من أحداث أخر حلقة في الجزء الثالث نبدأ الجزء الرابع والبداية في فيلا مراد.

مراد بيحدف المفاتيح والموبايل على الطربيزة وبيقعد.
زينة : ايه مالك؟
مراد : راجع تعبان ومصدع.
زينة : أطلع استريح.
مراد : شويه كده امال فين مريم؟
زينة : جوه بتعمل رضعه لريان.
مراد : طب هاتيه كده.
زينة : اتفضل دا من ساعة ما جيت وهو مبطلش زن ايه الواد ده؟
مراد : آآآه متفكرنيش أنا مبقتش بنام.
مريم خارجه من المطبخ وبترج الببرونه.
مريم : قولتلك أخده وأنام في اوضة مريم أنت اللي مرضتش.
مراد : يعني هو لا كده لا كده؟!
مريم : طب اعمل ايه بيبي لسه يدوب مكملش خمس شهور اسيبه ينام لوحده؟!
زينة : لا طبعًا بطل دلع يا أستاذ أتحمل المسؤلية بقى.
مراد : أكتر من كده؟!
مريم : هاتيه يا زينة.
زينة : اتفضلي.
بتاخد مريم ابنها ترضعه بالببرونه.
مراد : يعني مسمعتش منك ايه دا أنت جيت؟!
ولا حتى وحشتني.. عامل ايه اخبارك ايه خلاص مبقاش ليه لازمه خلاص؟!
زينة : هههههههههههه
مريم : ايه دا أنت جيت؟!
وحشتني.. عامل ايه اخبارك ايه؟
زينة : هههههههههههه
مراد : لا كتر خيرك امال فين مامي؟
زينة : مامي فوق؟
مراد : ليه؟
مريم : هي مش من حقها تستريح في اوضتها يعني ولا ايه؟
مراد : لأ بس غريبه يعني مقعدتش معاكم هي تعبانه؟
زينة : لا مامي كويسه.
أمل : أنت جيت يا مراد؟
مراد : حضرتك شايفه ايه؟
أمل وهي بتسلم عليه : بطل هزارك ده؟
مراد : شايفه السلام مش جاي من بره الاقيكي في المطبخ!
أمل : أنت بتقول لمين الكلام ده ؟
مراد : لزوجتي العزيزة.
مريم : قبل ما يجي اخوكي.. ريان كان بيعمل ايه؟
زينة : هو فصل يا ابني
دا أنا هكره البيبيهات بسببه.
أمل : أهو سكت اهو مش قولتلك إنه جعان يا مريم.
مريم : اهو كويس إنه نام.
مراد : اه علشان يكمل السهرة معانا للصبح وأقوم على الشغل على طول.
مريم : بكرة اجازة.
مراد بابتسامة : اه صح نسيت.
زينة : أنا هقوم اتمشى في الجنينة صدعت دماغي أنت وابنك.
مريم : هههههههههههه
زينة : عارفين كلامكم دا بيجيبلي اكتئاب وبحس إني داخله على مرحلة صعبه قوي.
أمل : مراد بيهزر يا حبيبتي ما أنا اهو بتحايل عليه أخد ريان مبيرضاش خصوصا إنه بيرضع طول الليل من الببرونه.
مريم : هههههههههههه دا كلام بس بيقوله قدامك كده متقلقيش كله بيعدي..
زينة : امتى البطيخه دي تنزل؟
مراد : هههههههههههه مستعجله على ايه مريم كانت بتقول زيك كده.
مريم : تصدق البطيخه كانت حلوة.
مراد : ايه وحشك الحمل نفسك تجربيه تاني؟
مريم : لا لا أنا خلاص استويت.
مراد : اه بحسب بتلمحي لحاجه كده ولا كده علشان أنا استويت أكتر منك.
أمل : هههههههههههه
طب تنكر إنهم أحلى حاجه في حياتك؟
مراد : لا طبعًا منكرش بس انتي الأول يا ست الكل.
زينة : تثبيت دا على فكرة شكله عاوز حاجه يا مامي أنا عارفه مبيبقاش طيب وكيوت كده غير لو في مصلحة ولا حاجه.
مراد : فاهماني غلط على فكرة هو هيكون ايه مصلحه ابن عند مامته غير إنه ينول رضاها.
ويُقبل يد والدته.
زينة : اوك هصدق حاضر هطلع أكلم مجدي بره علشان بيتصل.
مراد : بايته ولا مروحه؟
زينة : لا ابات ايه أنا مروحه هشوفه بس جاي في الطريق ولا ايه.
مراد : تمام سلميلي عليه.
ويقوم يقعد جنب مريم.
مراد : ازيك يا جميل؟
مريم بخجل وارتباك ونظرت لـ أمل : كويسه.
مراد : ايه مالك؟
مريم : مفيش بس ممكن تقعد كويس.
مراد : ازاي يعني مش فاهم؟
مريم : يعني شيل ايدك اللي على كتفي دي وابعد شويه.
نظر لوالدته بابتسامة وقعد كويس زي ما قالت مريم.
أمل : باباك قال لك إنه
هيتأخر يا مراد؟
مراد : لا مقاليش حاجه أنا أصلا مشوفتوش خالص النهاردا.
أمل : ليه هو مجاش الشركة؟!
مراد : لأ جه بس أنا مدخلتش المكتب عند بابي ولا لمحته خالص النهاردا بس عرفت إنه جه يعني.
مريم : عمي أصلا نزل قبلك.
مراد : ومين اللي أخرني؟
مريم : أنا يعني؟!
مراد : لأ الأستاذ اللي نايم على رجلك ده هاتيه انيمه فوق.
مريم : هيصحى.
مراد : يبقى احسن علشان ينام معانا.
أخد مراد ابنه وطالع فوق.
مراد ' معلش يا مريم اعملي لي فنجان قهوة.
مريم : حاضر.
أمل : مش هتتعشا الأول؟
مراد : لما بابي يجي بقى
حد يقول لزينة تدخل الجو شكله هيمطر.
_________
في التليفون... 📞
فريدة : خلاص طالما رايحه بكرة المستشفى اروح معاكي.
ندى : ماشي بس أنا هروح الصبح بدري.
فريدة : ليه اجازة بكرة من المدرسة؟
ندى : بكرة الجُمعة يا فريدة.
فريدة : اه صح نسيت.
ندى : طبعا ما انتي من ساعة ما سيبتي إدارة المدرسة وقعدتي في البيت مبقتيش عارفه الأيام من بعضها.
فريدة : ما انتي عارفه السبب يا ندى.
ندى : صدقيني دي الحاجه اللي كانت هتروح عن نفسك وتسلي وقتك.
فريدة : جميلة مسليه وقتي وزين بمشاكله مش مخليني لاقيه وقت لنفسي.
ندى : لسه برضو زعلان مع خطيبته؟
فريدة : عاوزه يفركش وأنا بقوله بلاش تعمل مشاكل لـ أخوك.
ندى : ودي مالها بدي بس يا فريدة لأ ميرا عاقله ومش هتزعل يعني كل شيء نصيب بس المهم يكون مقتنع باللي هيعمله ده ميرجعش يقول بحبها يا ماما.
فريدة : نفسي بس أفهم ايه اللي مش عاجبه فيها البنت زي القمر يا ندى والعيله عندها ناس محترمة ايه اللي حصل بقى خلاه عاوز يسيبها مش عارفه.
ندى : يا حبيبتي هو اللي هيتجوز مش احنا سيبيه هو حر اهو يركز في دراسته على الأقل.
فريدة : خلاص ماشي هروح معاكي بكرة نشوف شهد رني عليه أول ما تصحي.
فريدة : ما بلاش انتي بكرة اجازة جوزك خليكي في البيت.
فريدة : هروح ساعة وارجع هو أنا هبات هناك.
ندى : طيب ماشي أول ما أقوم من النوم هكلمك علشان تجهزي وتعدي عليه.
فريدة : ماشي تصبحي على خير.
ندى : وانتي من أهل الخير.
_______
في التليفون... 📞
هنادي : لا يا حبيبي كنت صاحيه لسه منمتش أنت عارف بقى بكرة اجازة وبحب أسهر ليلة الجُمعة
مراتك وبنتك عاملين ايه؟
مازن : بخير يا ماما سهر بتسلم عليكي بس هي في المطبخ دلوقت بتحضر لقمه أكلها لسه جاي من بره.
هنادي : بألف هنا وشفا يا حبيبي سلملي عليها وعلى رهف كتير.
مازن : هههههههههههه حاضر اهي قاعدة بتشاور لك اهي.
هنادي : هي عارفه إنك بتكلم تيته؟
مازن : اه امال ايه صح يا رهف تكلمي تيته؟
بتتكلم البنت بكلام مش مفهوم وهنادي بتضحك.
سهر جهزت السفرة وبتشاور لمازن.
مازن : طيب يا ماما معلش هسيبك دلوقت وهبقى أكلمك بكرة.
هنادي : ماشي يا حبيبي مع السلامة.
__________
في منزل عُمر.
ياسمينا : عُمر مش هتيجي علشان تاكل ولا هتنام ولا ايه؟
عُمر : حاضر يا ياسمين جاي.
ياسمينا واقفه عند باب الغرفة : بتعمل ايه وايه الفلوس اللي قاعد رصصهم على السرير دي؟
عُمر : شقا عمري يا ياسمين.
ياسمينا : أنت سحبت الفلوس من البنك؟
عُمر : ايوه.
ياسمينا : امتى مقولتليش يعني؟!
عُمر : مش أنا كنت كلمتك من اسبوع كده إني بفكر اعمل مشروع أنا وواحد صاحبي؟
ياسمينا : حصل بس وقتها قولت لك بلاش من مشروع الكافيه ده معرفش إنك هتسحب الفلوس بالسرعة دي.
عُمر : بيني وبينك يا ياسمين أنا خلاص هطلع معاش أهو ولازم أعمل حاجه اهو تدخل لينا حاجه جنب المعاش اللي هاخده.
ياسمينا : بس احنا منفهمش حاجه في شغل الكافيهات ده ومبحبش ادخل في حاجه مش فهماها.
عُمر : دياب أكد لي إن المشروع دا مربح جدًا وكمان المكان اللي هناخده
دا مكان حيوي وهيبقى الزباين عليه ايه بقى مقولكيش.
ياسمينا : اه يا خوفي يا عُمر نحط تحويشة العمر في مشروع يخسرنا اللي ورانا واللي قدامنا.
عُمر : اتفاءلي خير بقى.
ياسمينا : طب يلا علشان واقعه من الجوع.
عُمر : طب امسكي عدي معايا علشان نأستكهم.
ياسمينا : طب ما تجيب رزمه من دي.
عُمر : هههههههههههه ليه هتعملي بيها ايه ما احنا بكرة نشغل الكافيه وأي مكسب هيجيلي أول سنة هجيب لك كل اللي نفسك فيه.
ياسمينا : وعد؟
عُمر بابتسامة : وعد يا حبيبتي.
ياسمينا : ماشي أما نشوف سيبني بقى علشان متلخبطش في العد.
_________
في فيلا آسر.
في التليفون.. 📞
مليكة : طب خلاص طالما هتتأخر امشي أنا.
سيف : تمشي فين بس دلوقت يا مليكة وبعدين أنا مقولتش إني هتأخر دي هي نص ساعة ولا عاوزه تنامي؟
مليكة بابتسامة : بصراحه اه مريحتش خالص النهاردا.
سيف : ليه بتعملي ايه عندك؟
مليكة : لسه يدوب الولاد نايمين بعد خناقات ومشاكل بين يوسف وحلا.
سيف : هههههههههههه معلش معلش بس نيمتيهم ليه بس دلوقت؟!
مليكة : متقلقش هيناموا طول الليل أنت تيجي تاخدهم زي ما هما كده لحد السرير في البيت عندنا وهما مش هيصحوا غير الصبح أنا عارفه دول لعبوا لعب يخليهم يناموا يومين تلاته.
سيف : طب كويس طمنتيني نازل أهو هشغل العربية ومسافة السكه أكون عندك.
________
في منزل عائلة كريم وفريدة.
في شقة علاء.
كريم : وبعدين معاك يا علاء بقى؟!
علاء : عاوزني اعمل ايه يا كريم؟
كريم : عاوزك تفوق لنفسك مينفعش اللي بتعمله في نفسك ده.
علاء : كريم أنت متأكد إن شهد ملهاش علاج بره؟
كريم : ما أنا قولت لك قبل كده يا علاء وبعدين هكدب عليك ليه يا أخي؟!
علاء : أنا عارف إنك مبتكدبش بس اتأكد مش يمكن يكون الدكتور اللي اتواصلت معاه ده ميفهمش قوي في حالة شهد وشخص غلط.
كريم : لا هو مش صغير ولا خبرته محدوده علشان ميفهمش زي ما بتقول هو واثق من كلامه.. واحنا رغم كل ده بندعي إنها تخف متوقفش دعاء ادعيلها تقوم بالسلامة.
علاء : الولاد صعبانين عليه قوي واحد سايب شغله وبيته وقاعد ليل نهار في المستشفى والتاني مش طايق يقعد في البيت وأنا حياتي اتلخبطت مش عارف اشوف شغلي ولا مركز في أي حاجه خالص.
كريم : أنا حاسس بيك ومقدر الحاله اللي أنت فيها بس لازم تبقى أقوى من كده علشان الولاد مينفعش يشوفوك في الحاله دي.
معتز خارج من المطبخ : القهوة يا عمي.
كريم : متشكر يا معتز تسلم ايدك.
معتز : اتفضل يا بابا.
علاء : طيب سيبها عندك يا ابني.
معتز : بعد اذنك يا عمي هدخل بس أنام علشان رايح المستشفى الصبح لماما.
كريم : تمام اتفضل.
علاء : اقفل الشباك اللي عندك الجو برد.
معتز : حاضر.
كريم بيشرب القهوم وقايم : هقوم أنا بقى علشان شكلها كده هتمطر.
علاء : استنى هنزل معاك.
كريم : لأ خليك الجو برد بره.. تصبح على خير.
علاء : وأنت من أهل الخير.
يخرج كريم ونازل تحت يقابل حازم جاي من بره.
حازم بيسلم : اهلااا ازيك يا دكتور؟
كريم : تمام اخبارك ايه؟
حازم : أنا بخير فريدة والولاد عاملين ايه محدش شافهم من زمان؟
كريم : بخير أنت عارف بقى لما الدراسة بتبدأ فريدة بتنشغل مع جميلة.
حازم : اه عارف احنا شطبنا من زمان.
كريم : يلا هنعمل ايه
سلملي على طنط ميرفت علشان طلعت خبطت تقريبا كانت نايمه.
حازم : ماشي يوصل بس اطلع اشرب حاجه.
كريم : معلش مرة تانية الوقت اتأخر.
حازم : خلاص ماشي سلملي على فريدة والولاد.
كريم : حاضر.. سلام عليكم.
حازم : وعليكم السلام.
__________
في فيلا آسر.
مليكة : هههههههههههه
لا اصبر شويه هتحمرق كده من أولها.
مجدي : الحقي يا زينة بتقول لك هحمرق من أولها يعني دي لسه أولها؟
مليكة : هههههههههههه طبعاً.
زينة : أنا مش شاغله بالي غير بـ اسم البيبي.
سهر : هههههههههههه دا أمره سهل لما تقومي بالسلامة ابقي اختاري الاسم اللي يعجبك.
مجدي : انتي هتباتي هنا يا مليكة ولا هتروحي؟مليكة : لأ هروح.
مجدي : طب ما تيجي أوصلك.
مليكة : لأ سيف زمانه جاي.
مجدي : سامع صوت عربية في الجنينة.
مليكة بتقوم : يبقى سيف جه.
خرجت تشوفه.
مجدي : هو بابي اتأخر ليه كده ؟
سهر : معرفش مكلمني من ساعة قال هيخلص الشغل ويجي.
مجدي : هو الشغل بيخلص.
زينة : هههههههههههه كلمة مامي لبابي.
مجدي : أنا عارف هنضيع صحتنا وشبابنا في الشغل
الواحد شويه كده وشويه كده مش كله شغل يعني.
سهر : ياريت تقول الكلام دا لباباك.
مجدي : أنا؟!
لا وأنا مالي.
سهر : كده.. طيب.
تقوم سهر ومجدي يسلموا على سيف.
_______
في الصباح.. في شقة مجدي.
داليا : مروان... مروان قوم بقى الساعة عشرة ونص هتفضل صاحي لـ امتى؟
مروان : مامي بقى سيبيني أنام شويه.
داليا : طبعاً لو سارة اللي بتتصل كان زمانك قومت جري تشوف التليفون فين علشان ترد.
مروان بابتسامة : حاضر يا مامي هقوم بس في فطار الأول؟
داليا : الفطار جاهز على السفرة من بدري.. ايوه يا مجدي حاضر جايه.. قوم بقى أنت علشان باباك قاعد بره مستني حضرتك.
ببقوم مروان من السرير : حاضر بس هدخل اخد شاور الأول.
داليا : طيب بس متتأخرش.
مجدي : اللبن برد هتقول لي مبشربوش غير سُخن.
داليا : لأ هشربه عادي كنت بصحي مروان.
مجدي : هي قسمت ورقية مش جايين النهاردا؟
داليا : معرفش محدش كلمني وكنت فاكره اكلمهم بالليل نمت محستش بنفسي.
مجدي : طب كلميهم شوفيهم هيجو ولا لأ.
داليا : ليه وراك حاجه النهاردا؟
مجدي : في كام مشوار كده هقضيهم وارجع البيت بس اعرفي جايين ولا لأ علشان اشوف أنا ظروفي ايه.
داليا : حاضر.
مروان : صباح الخير.
مجدي : صباح النور
اقعد علشان تفطر.
مروان : حاضر.. مامي مشوفتيش شاحن موبايلي؟
داليا : شوفه عندك على الطربيرة.
مروان : مش موجود.
داليا : يبقى في اوضتك.
مروان : دورت ملقتوش.
مجدي : ايوه يعني نعملك ايه ابقى انزل اشتري واحد.
مروان بيقعد بتنهيدة.
مجدي : ايه مالك؟
مروان : مفيش.
داليا : شوف مين بيتصل يا مروان؟
مروان : دي قسمت.
داليا : طب هات التليفون.
_____
في فيلا كريم.
كريم : لا متروحيش.
فريدة : ليه؟
كريم : مانعين الزيارة.
فريدة : ازاي وندى مكلماني امبارح علشان نروح مع بعض.
كريم : هي متعرفش لو سألت كريم هيقول لها متجيش.
فريدة : طب وكريم ازاي معاها وهما مانعين الزيارة؟
كريم : علشان مرافق لازم حد يكون معاها لكن الزيارة ممنوعه حتى علاء حاول يدخلها امبارح رفضوا.
فريدة : طب هي أخبارها ايه يا كريم؟
كريم : ادعيلها يا فريدة.
فريدة : أنا بدعيلها بس بقول لك حالتها عامله ايه؟
كريم : غير مستقرة.
فريدة : طيب مفيش حل يعني تنتقل مستشفى تانية يمكن يعرفوا يعالجوها احسن من المستشفى دي؟
كريم : الحل مبقاش في العلاج اللي بتاخده سواء في المستشفى دي أو أي مستشفى تانية.
فريدة : يعني ايه؟
كريم : جهزتي الفطار؟
فريدة : ايوه.
كريم : طيب هدخل أخد شاور صحي زين وجميلة علشان نفطر مع بعض.
فريدة : حاضر.
________
في فيلا مراد.
على السفرة..
هشام : مراد لسه نايم؟
أمل : معرفش.
هشام نظر في الساعة : الساعة حداشر مش يدوب كده يقوم ولا ناسي إن النهاردا الجُمعة؟
أمل بابتسامة : وهو لو ناسي كان فضل نايم كل ده دا كان صحي الصبح بدري زي كل يوم.
هشام : فين الصبح بدري ده الأستاذ جاي الشركة امبارح الساعة عشرة.
أمل : كنت فين بقى امبارح؟
هشام : كنت فين!
مش فاهم سؤالك.
أمل : مراد قال إنه مشافكش امبارح خالص.
هشام : مشافنيش فين؟
أمل : في الشركة.
هشام : طب وهو لازم يشوفني؟
أمل : يعني أنت كنت في مكتبك؟
هشام : في ايه يا أمل؟
أمل : مفيش.
مراد نازل من فوق : صباح الخير.
يرددوا : صباح النور.
أمل : كام معلقة سكر؟
هشام : من غير سكر أفضل.
مراد : السؤال دا ليه أنا؟
أمل : أيوه.
مراد : معلقة.
هشام : متحطيش سكر.
نظر مراد لوالدة.
هشام : حاول تقلل سكر شويه.
مراد : حاضر.
أمل : مريم نايمه؟
مراد : اه بعد ما الأستاذ ريان نام بابي أنا بقول يعني كفاية كده ونرجع بيتنا بقى.
أمل : ترجع فين؟!
هشام : سيبيه براحته يا أمل.
أمل : ايوه يا هشام بس الولاد لسه صغيرين.
هشام : وايه علاقة إن الولاد صغيرين بـ إنه عاوز ياخدهم ويرجع شقته؟!
أمل بحزن : خلاص يا مراد اعمل اللي يريحك.
__________
في فيلا آسر.
سهر : القهوة.
آسر : تسلم ايدك يا حبيبتي اقعدي كملي أكلك.
سهر : شبعت.
آسر : مالك يا سهر؟
سهر : رجعت البيت امتى يا آسر؟
آسر : تقصدي بالليل؟
سهر : امال بالنهار يعني؟!
آسر : رجعت واحدة ونص.
سهر : محصلش أنا نايمة اتنين إلا عشرة علشان عيني كانت بتغمض وأنا باصه للساعة.
آسر : حوالي اتنين كده.
سهر : ليه كنت بتعمل ايه كل دا بره؟
آسر : عديت على منه.
سهر : متأخر كده؟!
آسر : عادي وفيها ايه هي كانت سهرانه وإياد مكانش في البيت.
سهر : ودا مبرر للتأخير يعني إياد مكانش في البيت علشان اشوف إن الموضوع عادي.
آسر : في ايه يا سهر أنا بحكيلك اللي حصل.
سهر : اه وبعدين؟
آسر : وبعدين ايه؟
سهر : ايوه يعني كان في حاجه مهمه علشان تروح في وقت متأخر زي ده
مليكة ومجدي كانوا هنا وقعدوا مستنينك وفي الاخر جوزها اخدها ومشي ومجدي كمان اخد مراته وقاموا مشيوا.
آسر : مكلمتنيش ليه وقولتيلي؟
سهر : ما أنا قولتلك إن مليكة هنا أنت بتنسى ولا ايه؟
آسر : بس مقولتيش إن مجدي هنا.
سهر : بجد؟
يعني لو ملكية لوحدها مش هتيجي تشوفها؟!
آسر بابتسامة : لا طبعا هاجي بس منه كانت عاوزاني في موضوع كده.
سهر : سر يعني؟
آسر : مش سر ولا حاجه يا سهر كانت عاوزاني اتصالح مع وليد.
سهر : اه.
آسر : بس أنا مش قادر.
سهر : براحتك.
آسر : طب بقولك ايه.
سهر : نعم.
آسر : تيجي نعدي على الولاد نقعد شويه عند مجدي وعلي وبعدين نطلع على مليكة نقعد معاها واحنا راجعين نعدي على ملك في طريقنا.
سهر بابتسامة : ماشي.
آسر : فكيتي التكشيرة أخيراً.
سهر : متتأخرش بره تاني.. ماشي؟
آسر بابتسامة : ماشي.
_________
في شقة طارق.
مريم : تعالي يا مريم هنا.
هنادي من المطبخ : سيبيها تلعب براحتها يا مريم.
مريم : عماله تروح عندك يا ماما وخايفه توقع حاجه على نفسها.
هنادي : لا متخافيش أنا واخده بالي منها.
تقوم مريم بعد ما تنيم ابنها وتوقف عند المطبخ.
مريم : ايه يا ست الكل عاوزاني اعمل معاكي ايه؟
هنادي : ولا حاجه يا بنتي أنا خلصت كل حاجه مش باقي غير السلطة بس.
مريم : أنا هعملها.
بتخرج مريم الخضار من التلاجة.
هنادي : قوليلي بقى عامله ايه؟
مريم : تمام يا ماما هو مازن بيكلمك؟
هنادي : اه مكلمني بالليل قبل ما أنام كان لسه يا حبيبي راجع من الشغل وصوته تعبان.
مريم : اه.. أصل ما بيكلمنيش خالص.
هنادي : معلش يا حبيبتي محدش يعرف ظروفه ايه سأل عليكي على فكرة وقال لي سلميلي على مريم.
مريم : فيه الخير.
هنادي : هههههههههههه ما خلاص بقى وبعدين لو واحشك كلميه.
مريم : كلمته من حوالي اسبوع كده سهر اللي ردت وقالت نايم لما يصحى هخليه يكلمك ومن ساعتها بقى لا حس ولا خبر.
هنادي : معلش يا حبيبتي يمكن نسيت تقول له.
مريم : وهو ما افتكرش على العموم براحته.
هنادي : هاتي حاجة السلطة وتعالي اعمليها بره.
وتشيل هنادي مريم الصغيرة وتخرج من المطبخ.
هنادي بتقعد وتقعد مريم الصغيرة على رجلها وفي ايدها طبق.
هنادي : هيبرد الرز والبطاطس دي وتاكلي ماشي.
مريم الصغيرة : كوكو.
هنادي : بتقولي ايه؟
مريم : بتقول لك كوكو يا ماما عاوزه تاكل فراخ.
هنادي : يا قلبي.. حاضر هتبرد وادهالك تاكليها علشان سُخنه.
مريم : يعني نفسك مفتوحه هنا يا مريم امال مطلعه عيني في البيت ليه مبترضاش تاكل غير مع طنط أمل.
هنادي : هههههههههههه أصلها بتحبها فنفسها بتتفتح معاها.
مريم : بصراحه طنط أمل شايله عني كتير المشكلة بقى إن مراد عاوزنا نرجع شقتنا.
هنادي : طب وفيها ايه على الأقل أعرف اجيلك.
مريم : ليه يا ماما هو انتي مبتجيش علشان أنا قاعدة هناك مع طنط أمل؟!
هنادي : ايوه مبروحش هناك كتير علشان مش هينفع كل شويه رايحه جايه كده عليهم يا بنتي.
مريم : بصراحه بقى كده أنا زعلانه.
هنادي : وتزعلي ليه بس يا بنتي محبش ابقى تقيله على حد ومهما كان دا بيت حماكي ولازم الواحد يبقى خفيف صحيح في بيتك برضو مش هاجي كتير بس اهو يعني كل يومين ولا حاجه هروحلك وهقعد معاكي براحتي لحد قبل ما يرجع جوزك من بره بساعة ولا حاجه علشان معطلكيش بس في بيت حماكي لأ مينفعش.
مريم : طب تعرفي بقى إن طنط أمل دايمًا تسألني مامتك مبتجيش ليه وتقول لي كلميها خليها تيجي تقعد معايا شويه واوقات تقول لي كلمي مراد وقوليله إنك رايحه عند مامتك وأنا الولاد اللي بتحوشني اللي تعبانه واللي مقريف واللي عاوز ينام فبكسل واقعد.
هنادي : بتكسلي!
بقى كده ماشي.
مريم : هههههههههههه متزعليش مني يا ماما بس الواحد كان خفيف دلوقت مربوطه بالولاد.
هنادي : هههههههههههه كبرتي يا مريم.
مريم : هههههههههههه من زمان.
هنادي : هههههههههههه طب خلصي السلطة دي افتحي بؤك يا مريوم
انتي هتنامي ولا ايه لأ مش وقته.
مريم : مريم صحصحي مفيش نوم دلوقت.
هنادي : صحصحت اهي افتحي بؤك بقى.
________
في شقة علي.
مجدي : هههههههههههه
تعالى هنا هتروح مني فين؟
علي : سيبه يا مجدي هيجي لوحده.
رقية : سيبه متتعبش نفسك هو بيتقل شويه كده وهيجي.
سهر : بقى كده مش عاوز تيجي أنا بقى معايا حاجه حلوة هسيبها للبيبي بتاع عمو مجدي لو ماجتش.
آسر : هههههههههههه
علي : إلحق العرض مغري جدًا لو ماجتش هتضيع الفرصة دي وهتروح لغيرك.
مجدي : هاتيها يا مامي هاخدها للبيبي وهو بقى يبقى باباه يجيبله.
آدم : أنت صغير؟!
مجدي : مين أنا؟
آدم : اه أنت.
آسر : هههههههههههه
مجدي : لأ مش صغير سامع ابنك يا علي؟!
علي : هههههههههههه عاوز ايه يا آدم تعالى قول لي.
آدم : عاوز شكولاته.
علي : طب ما تيجي تاخدها من نانا.
آدم : لأ.
سهر : ليه يا حبيبي؟
آدم بحزن : بتاعة البيبي.
سهر تقوم تروح عنده : لا يا حبيبي دي بتاعتك أنت احنا لما يجي البيبي هنجيبله.
آدم : وأنا لأ؟
مجدي : هههههههههههه يا ابني أنت مالك ومال بنتي حد طلب منك حاجه؟
علي : يا عم مش عاوزين حاجه منك هههههههه
زينة : تعالى يا آدم امسك دي.
سهر : ابسط بقى يا عم اهي طنط زينة جايبلك حاجه حلوة كمان.
آدم : دي ليه؟
زينة :"اه يا حبيبي ليك.
آدم : والبيبي؟
مجدي : يا ادي البيبي أنت مالك ومالها؟
اسمع يا علي ابنك خليه في حاله ملوش دعوة خالص ببنتي.
علي : هههههههههههه حاضر تعالى يا آدم محسس الناس كلها إني مبجبلكش حاجه خالص.
آسر : وهي حاجتك زي حاجتنا؟
علي بابتسامة : لا طبعا يا بابي أكيد لها طعم تاني.
آسر : تعالى يا آدم.
آدم : حاضر يا جدو اخلص اللي معايا واجيلك.
الجميع : هههههههههههه
مجدي : أنت عامل ايه في الواد؟
علي لرقية : شايفه ابنك وعمايله؟!
رقية : آدم عيب كده.
سهر : سيبيه يا رقية هو فرحان علشان احنا موجودين تعالى لجدو يا آدم.
آدم : نعم يا جدو.
آسر : طب قرب.
آدم : مش عاوز شوكولاته أنا أكلت خلاص.
علي : قنوع قوي!
آسر : طب ايه رأيك في دي.
خرج آسر اللعبة من تحت الكرسي اللي قاعد عليه.
آدم : طيارة!
آسر : شوفها كده هتطير لحد فين.
بيجرب آسر الطيارة فتطير وآدم بيهلل ويتنطط.
علي : متشكر قوي يا بابي
دي بقى تلعب بيها في اوضتك.
آدم : ماشي.
وياخد آدم الطيارة ويجري يدخل جوه بسرعة.
سهر : على مهلك هتوقع.
مجدي : هو خلاص مبقاش مركز مع حد خالص غير الطيارة هههههههه.
آسر : ايه أخبار الشغل ماشي كويس؟
علي : اه تمام ماشي الحال.
__________
في شقة مجدي وداليا.
داليا : لا رقية قالت هتيجي بالليل علشان انكل آسر وطنط سهر عندهم.
قسمت : اه أصل كلمتها بالليل قالت جايه.
داليا : ما هي كانت لابسه وجايه علي كلمها وقال لها إن باباه ومامته جايين لهم فأجلوا بقى الخروجه لـ بالليل الحمل عامل ايه؟
قسمت : تمام ريتان اللي بقيت زنانه قوي معرفش دي غيره من البيبي ولا ايه عاوزاني افضل شايلاها كده على طول.
داليا : متطوعهاش اشغليها في اللعب.
قسمت : هو أنا بقيت اعمل حاجه غير الاعبها علشان تنسى حوار الشيل ده أنا مبقدرش اشيلها.
داليا : غلط متطوعهاش.
قسمت : ايه يا عم قاعدين بقالنا ساعة إلا ما عبرتنا.
مروان : قسمت!
ههههههههههههه ازيك؟
قسمت : تمام.. مالك بتقول قسمت كده وأنت مندهش رايح فين كده؟
داليا : هيكون رايح فين يعني النهاردا الجُمعة.
قسمت : اممم.. رايح للعروسة طبعاً.
مروان : طب ما انتي عارفه اهو.
قسمت : سلملي عليها.
مروان : يوصل ايه جايه وماشيه على طول ولا هتقعدي لـ بالليل؟
قسمت : هقعد بقى علشان رقية جايه بالليل.
مروان : طب كويس أنا ساعة كده وهجي اقعد معاكي.
قسمت : ساعة!
مروان : ايه مش مصدقه؟
قسمت : ساعة دي عقبال ما توصل بس على العموم لو اتأخرت مفيش مشكلة خليها مرة تانية بقى.
مروان : ما تيجي في يوم تاني يا قسمت.
قسمت : ما أنت بتكون في الشغل هو أنت بقيت فاضيلنا يا متر.
مروان : هههههههههههه عندك حق مشاغلي كتير اليومين دول.
داليا : طب يلا علشان متتأخرش.
مروان : سلام.
يرددوا : مع السلامة.
_________
في منزل عُمر.
نادين : حد كان قال لك تفكري في الحمل؟
ياسمينا : ايه الكلام دا يا نادين؟
نادين : مش هي يا ماما اللي من ساعة ما قعدت وهي عماله تقول تعبانه ودايخه ونفسي مش جايه ناحية الأكل ومش قادرة أعمل حاجه في شقتي؟!
فريدة : ايوه بس دا مش معناه اني مضايقه من الحمل على العموم خلاص مش هتكلم خالص أنا كويسه.
ياسمينا : معلش يا فريدة هو الحمل في الأول كده.
نادين : وفي الاخر يعني اللي حلو؟ أهو كله تعب وخصوصا بقى بعد الولادة وزن البيبي والسهر وبعد ما يكبر مناهده في المذاكرة.
فريدة : تصدقي يا نادين انتي قفلتيني خالص بفكر ما ادخلش ابني مدرسة.
ياسمينا : هههههههههههه سيبك منها هي أصلا بتزعق للعيال على الفاضي والمليان.
نادين : علشان بس يا ماما مبتشوفيهمش في البيت بيعملوا ايه.
فريدة : بس حماتك شايله عنك كتير يا نادين.
نادين : الصراحه اه شايله كتير بس حمزة اللي بدأ كده يلمحلي إني اخف شويه على مامته خصوصا بعد التعب الأخير ده.
ياسمينا : هي عامله ايه يا بنتي دلوقت بتمشي على رجلها زي الأول؟
نادين : لا يا ماما ما حضرتك عارفه عضم اللي في سنها صعب يرجع زي الأول.
ياسمينا : اللي في سنها!
ما تحسني ألفاظك يا نادين.
نادين : هههههههههههه مش قصدي يا ست الكل وبعدين مامت حمزة أكبر من حضرتك.
ياسمينا : يعني مش كتير ما هو حمزة قد سيف وبينك وبينه سنتين.
فريدة : هو بابا هيتأخر يا ماما؟
ياسمينا : لأ زمانه جاي.
نادين : هو بابا فين اصلا؟
ياسمينا : نزل يشتري شوية طلبات للبيت.
نادين : مبقتيش تنزلي ولا ايه؟
ياسمينا : لأ بنزل بس علشان أنتو جايين قولت له ينزل بس معرفش اتأخر ليه؟
فريدة : الغايب حجته معاه.
نادين : سامعه صوت عربية هشوف بابا ده.
ياسمينا : شوفي أما أقوم أنا أشوف اللي على النار.
فريدة : هقوم أنا.
ياسمينا : لأ خليكي اتصلي بس بجوزك علشان أول ما باباكي يجي هنحط الأكل.
فريدة : هههههههههههه اقول لياسين يعني يا تلحق يا متلحقش؟
ياسمينا : هههههههههههه اه هو مجاش معاكي ليه بالمرة.
فريدة بتكلم مامتها اللي كانت في المطبخ : العربية في الورشة هيخلصها ويجي.
ياسمينا : لا خليه ياخد تاكسي بقى العربية دي موالها طويل.
فريدة : ما هو لو مكانش خلصها هقول له ياخد تاكس صحيح ويجي.
ياسمينا : طب كلميه نادين كلمي جوزك يا بنتي وشوفي العيال دي سكتوا كده ليه؟
نادين : أكيد بيعملوا مصيبه.
فريدة : بابا اللي جه تحت؟
نادين : لأ.. كوكي هاتي اخوكي وابن خالتك وتعالوا.
ياسمينا : هحط لهم ياكلوا الأول زمانهم جاعوا.
نادين : كنت عاوزه اقول لك يا ماما أصل نزلت على طول حتى شيلت الأكل من قدامهم علشان منتأخرش.
ياسمينا : اخص عليكي يا نادين طب مش تقولي أول ما جيتي هاتيهم يلا علشان ياكلوا احنا بقى نستنى الكبار لما يجو.
فريدة : أنا عن نفسي مش فارقه مليش نفس اصلا.
نادين : هههههههههههه خليكي كده ملكيش نفس هاخد طبقك بقى.
فريدة : هههههههههههه بألف هنا وشفا.
___________
في فيلا مراد.
في المطبخ.
ياسمين : حلو لون الفراخ كده يا طنط اخرجها من الفرن؟
أمل : اه يا ياسمين خرجيها واللحمه كمان.
ليلى : شوفي كده الرز استوى يا طنط.
أمل بتاخد رزايه تدوقها : اه يا ليلى استوى شيليه من على النار علشان اعمل صلصة الفتنه مكانه.
ليلى : حاضر.
ياسمين : العيش اتحمص يا طنط.
أمل : تسلم ايدك يا ياسمين يا بختك يا واد يا هشام.
ياسمين : هههههههههههه
ليلى : طب وأنا؟
أمل : يا سلام دا انتي عليكي شوية رز يا لولا يتاكلو أكل.
ليلى : لا مش حساها يا طنط بتجاملي صح؟
أمل : هههههههههههه مبعرفش اجامل يا ليلى ناوليني المعلقة اللي عندك دي أقلب بيها.
ليلى : اتفضلي.