#انت_قلبي٣
__________
الحلقة ١٣٩
في البلد... في منزل خالة هنادي.
هنادي : أمي ماتت قبل ما دارها تتشطب وترجع زي
ما كانت
كنت بقولها يا أمه تعالي اقعدي معايا وسيبي البلد باللي فيها جالنا ايه منها غير وجع القلب آآآآآه
روحتي وسيبتيني يا أمه.
أمل : شدي حيلك يا هنادي ادعيلها بلاش اللي بتعمليه ده.
ياسمينا : سبيها تفضفض يا أمل.
هنادي : كانت بتحمل همي تقولي خُدي بالك من نفسك يا هنادي محدش هينفعك يا بنتي مين هيقولي الكلام ده بعد كده
مين هيطبطب عليه يا أمه؟
فريدة : شدي حيلك يا هنادي دا حال الدنيا نفارق ناس ونعيش نتوجع ونتكوي بنار فراقهم.
داليا تهمس لفريدة : صبريها يا فريدة الكلام دا هيوجعها أكتر.
فريدة : ما دي الحقيقة يا داليا.
داليا : ايوه الحقيقة بس يا حبييتي هي عاوزه اللي يطبطب عليها.
داليا : اجمدي كده يا هنادي علشان ولادك.
هنادي : ظلموني كتير يا داليا طول عمرهم بيحاربوا فيه على ايه معرفش مع إني عمري ما اذيتهم لكن هما دايمًا بيدوروا على وجع قلبي أنا مش هسيبهم.
سهر : عدي اليومين دول واحزني على أمك براحتك وبعدين ابقي اعملي اللي تعمليه يا هنادي.
هنادي : اني المرة دي عليه وعلى أعدائي كفاية كده أنا اتحملتهم كتير موتوا أمي بحسرتها يا سهر.
سهر : شدي حيلك يا هنادي انتي ياما اتحملتي.
هنادي : علشان كده خلاص مش هسيب حقي تاني.
______
في عزاء الرجال أمام المنزل.
هشام : مالك يا دكتور كريم؟
كريم : مفيش.
هشام : لا شكلك تعبان.
كريم : لا أبدًا مصدع بس شويه.
هشام : معايا بنادول تاخد؟
كريم : لا لسه واخد قرصين.
هشام : طب اشرب القهوة.
كريم : الجو حر ولا أنا اللي حران؟
هشام : لا الجو كويس الظاهر الضغط عندك عالي شويه.
كريم : الظاهر كده.
مراد : شد حيلك يا مازن.
مازن : متشكر يا مراد.
مراد : على ايه احنا أهل
ولا ايه؟
مازن : طبعاً.
ويقرب يسلم على إياد وعمار اللي لسه كانوا جايين.
إياد : شد حيلك يا مازن.
مازن : سعيكم مشكور يا عمي.. اتفضل.
يعزي عمار مازن ويقعد جنب إياد.
يلمحوا آسر يقوموا يسلموا عليه.
آسر بيرد على سؤال إياد : لا لسه جايين من نص ساعة كده.
في التليفون...📞
فيروز : حاضر يا وليد هستأذن وجايه...سلام.
ياسمينا : وليد ده؟
فيروز : اه.. ياسمين أنا همشي بقى.
ياسمينا : ماشي روحي عزي هنادي وامشي.
فيروز : طيب انتي هتيجي مع مين؟
ياسمينا : ما هو عُمر جه بره.
فيروز : كده طيب مع السلامة.
تسلم فيروز على هنادي وتعزيها وتخرج.
في التليفون... 📞
فريدة : خلاص يا كريم طالما تعبان روح.
كريم : وانتي هتيجي لوحدك؟!
فريدة : هاجي مع أمل ولا سهر.
كريم : لأ نص ساعة كده واستأذني وتعالي هتقعدي تعملي ايه؟
فريدة : حاضر.
وقفلت فريدة مع كريم.
هشام : ايه لسه تعبان؟
كريم : شويه.
هشام : طيب روح استريح ولا مش هتقدر تسوق؟
كريم : لا مش للدرجة دي شويه كده.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
