#انت_قلبي٣
__________
الحلقة ١٣٤
في التليفون.. 📞
سيف : ايوه يا حبيبتي بقولك محتاجه حاجه اجيبها وأنا جاي؟
مليكة : لأ.
سيف بابتسامة : أخر كلام؟
مليكة بتنهيده : قولتلك مش عاوزه حاجه.
سيف : طب خلاص خلاص متنرفزه ليه طيب؟
مليكة : مفيش.
سيف : الولاد صاحيين؟
مليكة : يوسف نايم.. حلا اللي صاحيه.
سيف : طيب متناميش.
مليكة : لو حلا نامت أنا كمان هنام.
سيف : ماشي براحتك.
وقفل سيف مع مليكة.
_______
في شقة معتز.
هدى : هشتري المحل من أخواتي وأنا اللي هشغله.
معتز : براحتك يا هدى.
هدى : ايه مالك؟
معتز : مفيش ما أنا بقول لك براحتك.
هدى : طيب أنا كنت عاوزه مبلغ كده وهسدده ليك لما المحل يشتغل.
معتز : ايه اللي بتقوليه ده
تسددي ايه هو أنا هداينك يا هدى؟!
هدى : بس أنا مش عاوزه فلوس اصرفها في البيت أنا هشتري نصيب أخواتي في المحل.
معتز : اااااه.
هدى : ايه مالك.. غيرت رأيك؟
معتز : بس دا مبلغ كبير أنا كل اللي معايا ميشتريش عشرة متر في المحل.
هدى : خلاص أنا هتصرف.
معتز : والمواعيد بقى رتبتيها بحيث يعني ترجعي البيت بدري؟ أظن دا حقي.
هدى : اطمن يا معتز دا مش هيأثر عليك في حاجه.
معتز : طيب تصبحي على خير.
وغطا معتز نفسه ونام.
هدى : يا ترى كلامك دا يا معتز معناه إنك رافض الفكرة من أساسها ولا أنت مش عاوزني أفتح أنا المحل؟
طب ما تقول إنك مش موافق.. يا ترى إيه اللي بيدور في دماغك مش فاهمه؟
_________
في التليفون... 📞
مراد : يعني انتي لسه في المستشفى؟
مريم : اه مع ماما وتيته.
مراد : طيب وبعد ما جدتك تخرج من المستشفى هتيجي هنا ولا تفضلي قاعدة في البلد؟
مريم : هقعد في البلد ازاي يعني ودراستي ثم ايه اللي يخليني أنا وماما نقعد هنا اصلا؟
وبيت جدي مبقاش يصلح للقعاد فيه لما تيته تخف ماما قالت هتجيبها تعيش عندنا.
مراد : أحسن برضو علشان متسافريش البلد دي تاني.
مريم : ايه أنت خايف أسافر البلد ولا ايه؟
مراد : بصراحة مبقتش مستريح لقعادكم هناك.
مريم : هنعمل ايه مضطرين لده.. ثواني يا مراد هشوف بس ماما عاوزه حاجه كده ولا ايه علشان بتنادي عليه.
مراد : اوك.. تصبحي على خير.
مريم : وأنت من أهله.
بيقفل مراد مع مريم.
تخبط أمل.
مراد : ادخل.
أمل بابتسامة : أنت لسه منمتش يا مراد؟
مراد : هنام اهو يا مامي.
أمل : ايه مش جاي لك نوم ولا ايه؟
مراد : قلقان على مريم وطنط هنادي من قعادهم في البلد بعد اللي حصل ده.
أمل : الولد هربان مش هيقدر يعمل حاجه وكمان أهل البلد مش هيسيبوه بعد ما كلهم اتهموه إن هو السبب في الحريق.
مراد : ازاي إنسان توصل بيه القذاره إنه يعمل كده طب مخافش على ارواح الناس اللي موجودة في البيت ده دي بنت عمه ووالدتها وجدتها يعني تلات ارواح كان ممكن يروحوا في الحريق ده.
أمل : الانتقام بيوصل الإنسان لـ أكتر من كده يا ابني نام ومتشغلش بالك بحاجه طالما هما كويسين دلوقت... تصبح على خير.
________
في التليفون... 📞
سهر : لسه بابي داخل البيت وقال لي الخبر ده
مامتك ومريم عاملين ايه؟
مازن : بخير أنا كنت عندهم الصبح بس رجعت على طول علشان كان عندي امتحان.
سهر : عندك امتحان!
مقولتليش يعني؟!
مازن : ما هو أنا عندي امتحانات على طول هقولك ايه.
سهر : صح مش لازم تقول لي مش مهم.
مازن : هو ايه اللي مش مهم؟
سهر : أنا.
مازن : فيه ايه يا سهر مالك بتكلميني كده ليه؟
سهر : معلش مضطره أقفل علشان هنام تصبح على خير.
مازن : وانتي من أهله.
تقفل سهر مع مازن.
يخبط إياد على باب الغرفة.
سهر : اتفضل يا بابي.
إياد بابتسامة : عرفتيني من غير ما اتكلم يعني؟!
سهر : أكيد عارفه صوت خبطة ايدك.
إياد : دا ايه الناس اللي بتاخد بالها من التفاصيل دي هههههه ايه كلمتي مازن اطمنتي على مامته وأخته وجدته؟
سهر : اه كلمته.
إياد : ايه مالك؟
سهر : مش مبسوطه يا بابي.
إياد : أكيد يعني في الظروف دي محدش هيكون مبسوط بس يا ترى اتكلمتي مع خطيبك بهدوء ولا شديتي معاه؟
سهر : معرفش بس قفلت معاه وأنا مضايقه.
إياد : طب مش نصبر كده لما الفترة دي تعدي انتي شايفه الظروف عامله ازاي يعني مينفعش نتكلم في أي حوارات تانية أكيد فاهماني.
سهر : فاهمه.. بس غصب عني.
إياد : حبيبتي الحياة مشاركة يعني بعد كده لما تتجوزي هتشاركي اللي هترتبطي بيه أحزانه وأفراحه.
سهر : طب ولو هو اللي مابيشاركنيش يا بابي اعمل ايه؟
دا حتى مكلمنيش ولا قال لي على اللي حصل في البلد عندهم.
إياد : هو اللي هيكلمك برضو يا سهر؟!
سهر : اوك بلاش اللي حصل امبارح أي حاجه حصلت في يوم تاني كان عنده امتحان النهاردا وسافر البلد ورجع وكل ده مقاليش عليه ولا كأن ليه أي دور في حياته.
إياد : معرفش ليه بدأت أحس إنك مزوداها حبتين يمكن عندك فراغ ومحتاجه حاجه تشغلك بدل ما انتي واخده بالك من كل تصرفات خطيبك.
سهر : يعني أنا اللي غلطانه يا بابي؟!
إياد : مقولتش إنك غلطانه بس انتي محتاجه فعلاً تعملي أي حاجه تشغلك وتملا الفراغ اللي عندك ده مفكرتيش تشتغلي؟
منه : أنا بقى عندي ليها شغل في مكان هتستريح فيه قوي.
سهر : عند بابي مش كده؟
منه : لأ عند خالك آسر محتاج محاسبه شاطرة ومعاها لغة وكمان بتعرف تستخدم الكمبيوتر كويس
وانتي عندك كل دول.
إياد : مين اللي قال لك الكلام ده؟
منه : عرفت وخلاص المهم تتقدم يمكن تقبل.
سهر : ليه هو في ناس كتير مقدمين؟
منه : أكيد يا حبيبتي.
سهر : اوك هفكر.
منه : تمام تصبحي على خير.. يلا يا إياد؟
إياد : يلا.
وخرج وقفل الباب.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
