وقبل مايوصلون للقرية بأطرافها توقفت السيارة ونزل قايد منها بقصد الراحة فرش فرشتهم وساعد امه على النزول والبتول سبقته جهزت كرسيها
صبا بتذمر : كان كملت قايد خلاص وصلنا
قايد وهو يهمز اقدام امه : امي تعبت من الخط
صبا اغمضت عينها ونامت اما هتون في الجهه الأخرى متمددة
البتول تقدمت ناحيتها مسحت رأسها بحنان ونطقت : هتون كيف صرتي
بخير
هتون : بخير
جلست عند رجول ام قايد وصارت تنتقي لها من الأصناف اللي على السفرة
أم قايد : بس بس يابنتي كلي انتي واتركيني
التفتت ناحية قايد النائم : حبيبي نام من التعب ماأكل شي
صبا بصوت ساخر بعد ماطار نومها : انتي ماتشبعين من أدوار الأمومة بعدين قايد من طلعنا من مكة وهو يبلع من فطاير خالة راوية خلص الصحن علينا
ام قايد رمتها بقشرة برتقالة : اذكري الله على ولدي
والبتول رمتها بكوب ورقي : بنت قولي ماشاء الله
نغم وهي تاكل برتقالة ناولتها ام قايد : والله متحمسة اشوف ملكة اللي قطع اخويه اميال طويلة عشانها
صبا ضحكت : يعني بنت قرية وش ممكن تتخيلي تكون مثلاً
البتول وهي تشرب الشاي : وش يعني بنت قرية ؟ والله كل البنات حلوات يعني الجمال توزع على كل الناس واستثنى اهل القرى ايش القناعة الرخيصة هذي بالله ابلعي برتقال ونقطينا بسكوتك
نغم اقتربت وضعت رأسها على رجل خالتها ام قايد : خالة راوية حكيني عنها
أم قايد : وش تبغين اقول لا وصلنا بتشوفينها قدامش بس احسبي حساب الصدمة من ذلحين
صبا فتحت عينها : يعني حلوة والله قايد مايلعب صام وبيفطر فطور دسم
البتول وكوب الشاي بيدها : المهم نشوفه متهني ومبسوط والله قايد حبيبي يستاهل
صبا ردت : هتون ماتشبع نوم بنت هتون خلصنا الأكل
البتول ضربت يدها بخفة : بنت اتركيها تعبانة
نغم بصوت عالي : قبل نطلع جاتها اخذت مسكت ومافاد
صبا بضحكة : بنت مو لحالنا احنا عشان تاخذين راحتك غمزت بعينها ناحية قايد
نغم بعناد : وعادي يعني ماقلت شيء
البتول عضت على شفتها بغضب : انا وش اسوي بحياتي امسك مين واخلي مين بنت استحي الكلام هذا ينقال بيننا
راوية الأم بتملل : البتول أمي دقي على سهم شوفي وصل الجنوب والا باقي
قايد بصوت ثقيل من النوم : سبقنا يا أمي من ساعتين
اخفت نغم شهقة الخجل اعتلت الحمرة خديها بعد مانهض قايد وهو يتأملها بنظرة تلاعب : وين راح التمرد اللي قبل شوية ؟
نغم : والله ماقصدت شي سوالف بنات عادي
نهض وهو يتقدم ناحية هتون غطاها بفروته الثقيلة وقال : ليه ماقلتي انك تعبانة ؟
هتون بصوت باكي : صرت احسن بس سكت خواتك خصوصاً نغم لأن لو قمت برميها من الجبل وارتاح
ضحك من قلبه وهو يشاهد نغم تجعد وجهها بطريقة ساخرة شدت رجل ام قايد : خالة راوية بتحطني بحضنها ماحد يقوى يلمسني وهي موجودة صح علي ياخالة؟
•
قرية ساري
ملكة تتأمل فستانها بتبلد رفعت كفوفها وهي تشاهد نقوش الحناء الممتده على يدها بعد مارفضت تحط حنا لكن البنات أجبروها وهي اشترطت يكون نقش ناعم تريد التخلص من هذا الكابوس بأقل الأضرار
فتحت شباك غرفتها وهي تستنشق نسمات الجنوب الباردة ليصلها صوت حفصة المرح : ملكة قفلي الدريشة تزكمين وعرسش بعد يوم
ملكة بضيق : خلاص بس بس كل شوية تذكروني بذا العرس ليت يصير شي ومايتم
رقية وهي ترتب ملابس ملكة بحقائب العرس : قولي عسى الله يكتب اللي فيه خير دخلنا بالثلث الأخير توضي وصلي بيروح الضيق اللي محتل صدرش من مدة
زفرت ملكة وهي تتأمل السما : هنت عليهم يارقية ابويه اللي كنت اثمن شخص بالنسبة له رماني وابخس بحقي ليه يسلمني لولد راوية بدون لايشاور ليه يعطيهم كلمة وأنا وين كنت
حفصة وقفت بجانبها امام الشباك : راوية تصير عمتش ازعلي منهم كلهم بس ام قايد مالها ذنب
ملكة بضيق : ماتهون علي عمتي والله ماتهون
رقية بعد ما انتهت من أول حقيبة : ملكة سوي اللي قلت لش لاتنشغلين بحظش وتندبينه على الفاضي خلاص باقي يوم وش بتسوين يعني
ملكة دست وجهها بحضن حفصة وهي تخرج زفراتها بمرارة وقهر حفصة ضمتها وقالت : ابكي ابكي بتندمين بعدين لايتراكم شي بصدرش انا ورقية سترش وغطاش
ملكة : ليت والله اقدر ابكي ليت عجزت حتى اعبر بدموعي
رقية نهضت لتحتضنها هي الأخرى : ماتدرين وين الخيرة وبعدين طول عمرش تبغين احد يوقف بأزمة علاج ابوش تقدرين تسافرين وتزورينه وماحد يقول شيء صح علي ؟
ملكة : بس سمعت عمي نادر بإذني يقول نبغاها تلهى بأمور العرس يوسف ماعليه شر جلستها عنده مالها لزمة يبغوني اخلي ابوي والبس واتزين ياقسوتهم ..
أنت تقرأ
ساري الجبل واخوان ساري
General Fiction.حينما تضيق بك الحياة ، تختنق بآلامك وحيداً ، تتنفس من خرم إبرة ، تولد أحاسيس خيالية ، وأخرى من رحم الواقع ، "هنا يكمن نتاج المعاناة " وهنا البداية تنطوي الأيام بحلوها ومرها ،نوقد مصابيح للفرح ونتخطى العثرات نغلق ابواب الألم وتفتح ابواب اخرى مؤلمة...
