အခန်း(၅၁၈)
အမျိုးသားတွေ။
ချကြမယ်!!!
Long Feiye မှ မတုံ့ပြန်နိုင်ခင် Han Yunxi မှာ မတ်တပ်ရပ်လိုက်သည်။ “ Gu Qishao…. Mu Linger ကို ကယ်ဖို့ နည်းလမ်းစဥ်းစားရမယ့်အစား ရှင်က တိုက်ခိုက်ချင်နေတယ်။” သူမက သူ့အား ဆူပူလိုက်တော့သည်။
Gu Qishao မှာ Long Feiye ထံမှ ဆွံ့အအဘွား၏ ကိစ္စအတွက် တရားမျှတမှု လိုချင်သကဲ့သို့ Long Feiye မှာလည်း Gu Qishao ၏ မသေနိုင်သော ခန္ဓာကိုယ်၏ လျှို့ဝှက်ချက်အား သိချင်နေမှန်း Han Yunxi မှ မသိထားပေ။ Gu Qishao မှာ Mu Linger အတွက် အတွေးများစွာ မရှိပဲ Long Feiye ထံ မျက်ခုံးပင့်ပြလိုက်သည်။ “မင်းက မဝံ့ရဲဘူးလား။”
Long Feiye မှာ စကားမဆိုသော်လည်း မတ်တပ်ရပ်ကာ ထွက်သွားလေသည်။ သူ၏ အပြုအမူမှာ အကယ်၍ သူတို့က တိုက်ခိုက်မည်ဆိုလျှင် ဤနေရာတွင် စကားများနေမည့်အစား အပြင်တွင် ပြုလုပ်သင့်ကြောင်း Gu Qishao အား ပြောနေသည်။
“ဝမ်ရယ်…”Han Yunxi မှာ အော်လိုက်တော့သည်။ သူမက သူ့အား နားချရန် မဖြစ်နိုင်မှန်း သိသော်လည်း Long Feiye ထံ သူမ၏ စကားများအား သတိပေးလိုခြင်းသာ ဖြစ်သည်။ ကျန်းနန်မက်မန်းပွင့်ပင်လယ်တွင် Gu Qishao မှာ အဆုံးတွင် သူမအား ကယ်တင်ပေးခဲ့သူဖြစ်ကြောင်း သူ့အား ပြောခဲ့သည်။ ယခုအချိန်တွင် Long Feiye ၏ အတွင်းဒဏ်ရာများမှာလည်း သက်သာသွားသဖြင့် Gu Qishao နှစ်ယောက်ပင်လျှင် သူ၏ လက်ထဲရှိ ဓါးအား ယှဥ်နိုင်မည် မဟုတ်ပေ။ Long Feiye မှာ သက်ညှာမှု ပြသရန် Han Yunxi အား မျှော်လင့်မိသည်။ အသေအချာပင် တစ်ကြိမ်တစ်ခါလောက် Gu Qishao မှာ ပါးစပ်ပိတ်ထားမည်အား သူမက ပို၍ သဘောကျလေသည်။ သူမက အမျိုးသားနှစ်ယောက်၏ နောက်သို့ စိုးရိမ်စွာ လိုက်လာသော်လည်း ခြံဝန်းထဲရောက်လာချိန်တွင် နှစ်ယောက်မှာ ပျောက်ကွယ်သွားပြီ ဖြစ်သည်။
သူတို့ ဘယ်သွားကြတာလဲ။
“Long Feiye.... Gu Qishao… ထွက်လာခဲ့.." သူမ၏ စိတ်ဆိုးမာန်ဆိုးဖြင့် အော်သံမှာ ဆေးနတ်ဆိုးဆေးပေးခန်းတစ်ခုလုံး ပျံ့နှံ့သွားတော့သည်။ သို့တိုင် သူမက တိတ်ဆိတ်သော ညချမ်းဖြင့်သာ နှုတ်ဆက်ခြင်း ခံရလေသည်။ အမျိုးသားနှစ်ယောက်လုံးမှာ သူမအား တမင် နောက်တွင် ချန်ထားရန် ရွေးချယ်ခဲ့ကြပြီး သူမက ဆေးပေးခန်းတစ်ခုလုံး ရှာပြီးသည်အထိ သူတို့အား အရိပ်အယောင်ပင် မတွေ့ရချေ။
YOU ARE READING
အဆိပ်ပါရမီရှင်ကြင်ယာတော် Book 3
Ficção Histórica**Book 3** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွင...
