အခန်း(၅၂၉)
ဆေးဝါးစမ်းသပ်နှီးနှောဖလှယ်ပွဲမှ တန်ပြန်တိုက်ခိုက်ခြင်း။
အဆိပ်တစ်ရာဂိုဏ်းရဲ့ သခင်။ ထိုသည်အား ကြားရလျှင် နှီးနှောဖလှယ်ပွဲမှာ ရုတ်ရုတ်သဲသဲ ဖြစ်သွားတော့သည်။ Mu Yingdong ၏ အမူအရာမှာ အသိသာဆုံးပင်။ Jun Yixie တွင် မြောက်ပိုင်းလီခန်မြို့စားနှင့် အဆိပ်တစ်ရာဂိုဏ်း၏ ဂိုဏ်းချုပ်ဟူသော သရုပ်နှစ်မျိုး ရှိနေသည်။ သို့တိုင် ဆေးပညာအလုပ်သင်ငယ်လေးမှာ တမင်ပင် အနောက်မှ ဂုဏ်ပုဒ်ဖြင့် သူ့အား ခေါ်ဆိုလိုက်သည်။ အဲ့တာ ဘာအဓိပ္ပါယ်လဲ။ ခေါင်းဆောင်အကြီးအမှူးရှဲ့က တစ်ခုခု ရှာတွေ့သွားပြီလား။
Mu Yingdong မှာ သံသယများဖြင့် ခေါင်းဆောင်အကြီးအမှူးရှဲ့အား အနည်းငယ် တွေဝေကာ ကြည့်လိုက်သည်။ နောက်ဆုံးတွင် သူက အနီးရှိ အစေအပါးအား ကြည့်လိုက်ပြီး ထောင်ချောက် ဖြစ်နိုင်ကြောင်း သတင်းပို့ခိုင်းလိုက်သည်။ Mu Yingdong မှာ ကြံစည်ရဲသည့် သတ္တိရှိနိုင်သော်လည်း မည်သည့် ဆုံးရှုံးမှုမှ မတတ်နိုင်သဖြင့် သတိထားနေသည်မှာ ကောင်းလိမ့်မည်။
လက်ရှိတွင် Jun Yixie မှာ အပြင်၌ ရှိနေဆဲ ဖြစ်ကာ အထဲမှ နှီးနှောဖလှယ်ပွဲမြေပြင်တွင် ဖြစ်ပျက်သမျှအား မသိသေးချေ။ သူက အထဲမှ ရုတ်ရုတ်သဲသဲ ဖြစ်နေသံများသာ ကြားရကာ နှုတ်ခမ်းများမှာ အေးစက်သော အပြုံးအဖြစ် ကွေးညွှတ်သွားတော့သည်။ ငါက မင်္ဂလာသတင်းကို ကြေငြာလိုက်ရင် ဒီထက်ပိုပြီးတောင် ဝရုန်းသုန်းကား ဖြစ်သွားဦးမယ်။
"အဆိပ်တစ်ရာဂိုဏ်းက ငါတို့ ဆေးဝါးမြို့တော်ကို နှောင့်ယှက်ဖို့ သတ္တိရှိနေတာလား။ သူ့ကို ခေါ်လာခဲ့...သူက ဘာလုပ်ချင်တာလဲဆိုတာ ကြည့်ရအောင်။" ခေါင်းဆောင်အကြီးအမှူးရှဲ့မှ ပြောလိုက်သည်။
အလုပ်သင်လေးမှာ ထွက်သွားရန် ပြင်လိုက်စဥ် Mu Yingdong မှာ အလျင်စလို တားဆီးလိုက်သည်။ "နေပါဦး.. ခေါင်းဆောင်အကြီးအမှူးရှဲ့.. ကျုပ်တို့က ဆေးဝါးစမ်းသပ်နှီးနှောဖလှယ်ပွဲကို ဒီမှာ ရပ်ထားလို့ မရဘူး။ ခန်မြို့စားက ဘာပဲလုပ်နေပါစေ ကျုပ်တို့က နှီးနှောဖလှယ်ပွဲပြီးမှ တစ်ခါတည်း ဆွေးနွေးလို့ ရတာပဲ။"
YOU ARE READING
အဆိပ်ပါရမီရှင်ကြင်ယာတော် Book 3
Ficción histórica**Book 3** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွင...
