အခန်း(၄၅၈)
မမျှော်လင့်ထားသော အခြေအနေ။
“ လက်ရှိအခြေအနေကနေ ဆုံးဖြတ်ရရင် သူမက ဦးနှောက် ထိခိုက်သွားတာ ဖြစ်နိုင်ပါတယ်။ ဘယ်လောက် အတိုင်းအတာ ထိလည်း ဆိုတာကတော့… အဲ့တာက ပြောဖို့ခက်တယ်။" Gu Beiyue မှာ တုံ့ပြန်လိုက်သည်။
အပူလောင်တာက သူမရဲ့ ဦးနှောက် အာရုံကြောတွေကို ထိခိုက်သွားတာ ဖြစ်ရမယ်။ Han Yunxi မှာ စဥ်းစားလိုက်သည်။ မဟုတ်ရင် ဦးနှောက်ထဲက သွေးကြောတွေကို ထိခိုက်သွားတာလား။ အဲ့တာဆိုရင် တကယ်ပဲ ပြောဖို့ ခက်လိမ့်မယ်။ ဆေးပညာသင်တန်းကျောင်း ဦးစီးအကြီးအမှူးတောင် ပြောနိုင်မှာ မဟုတ်ဘူး။
သူတို့က ရွေးချယ်စရာ မရှိပဲ စောင့်ကြည့်နေရတော့မည်….
Han Yunxi မှာ သူမက Gu Qi Sha နှင့် စာရင်းရှင်းလိုသေးကြောင်း မှတ်မိနေသော်လည်း ရွေးချယ်စရာမရှိပဲ Su Xiaoyu အား အရင်ဖြေရှင်းရမည်။ ပြီးခဲ့သည့် ရက်အနည်းငယ်အတွင်း သူမက ဘာမှမလုပ်နိုင်ပဲ ထိုမိန်းကလေးမှ သတိရလာမည်အား စောင့်နေခဲ့သော်လည်း ထိုမိန်းကလေးမှာ အိပ်နေဆဲပင်။ ထိုစဥ် Long Feiye မှာလည်း အိမ်၌သာ ရှိနေကာ Chu Xifeng မှာ Su Xiaoyu မှ ပြောခဲ့သော တည်းခိုခန်းအား စုံစမ်းနေလျှင် အလွတ်သာ ကျန်တော့ကြောင်း တွေ့လိုက်ရသည်။ သူ၏ ယခင် သဲလွန်စမှာ အရာမထင်တော့ပေ။
“အရှင့်သား.. သခင်မလေး.. တခြားဖက်က သတိရှိလွန်းပါတယ်။ သူတို့က သဲလွန်စတစ်ခုတောင် ချန်မထားခဲ့ဘူး။” Chu Xifeng မှာ ထိုသူများ၏ စေ့စပ်သော အားထုတ်မှုအတွက် လေးစားရပေမည်။
“ Su Xiaoyu ပေါ်ကကော ဘာမှ ရှာမတွေ့ခဲ့ဘူးလား။” Long Feiye မှာ အေးစက်စွာ မေးလိုက်သည်။
“ကျွန်မတို့က သူမနဲ့ သူမရဲ့ အခန်းကို ရှာခဲ့ပေမယ့် ပုံမှန်မဟုတ်တာ ဘာမှ မရှိဘူး။” Han Yunxi မှ ပြောလိုက်သည်။
“တစ်နေရာမှာတော့ သဲလွန်စရှိရမယ်။ Chu Xifeng အကွာအဝေးကို ဖြန့်ပြီး ဆက်ရှာ။" Long Feiye မှာ ခက်ထန်စွာ အမိန့်ပေးလိုက်သည်။
Han Yunxi မှာ ထွက်သွားရန် ပြင်လိုက်စဥ် ရုတ်တရက် ရပ်တန့်ကာ ပြောလိုက်သည်။ “ဝမ်ရယ် .. Su Xiaoyu က သတိရလာပြီးရင် ဆေးမိစ္ဆာတောင်ကြားကို သွားရအောင်။"
YOU ARE READING
အဆိပ်ပါရမီရှင်ကြင်ယာတော် Book 3
Ficción histórica**Book 3** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွင...
