အခန်း(၅၇၉)
ထိတ်လန့်ဖွယ် ဘယ်သူက ဖိအားပေးခံနေရလဲ။
နောက်တစ်နေ့မနက်တွင် စုံတွဲမှာ ချုမျိုးနွယ်နှင့်အတူ ဗုဒ္ဓတစ်ထောင်ဂူသို့ ဝင်ရောက်မည်ဖြစ်ကြောင်း Chu Xifeng နှင့် Tang Li မှာ Long Feiye ထံမှ သတင်းရလိုက်လေသည်။ သူတို့က နောက်ထပ် အမိန့်အတွက် ဂူအပြင်တွင် စောင့်နေရမည်။
“ဂူအပြင်မှာ အမိန့်စောင့်နေရမယ်။ ဟင်းဟင်းဟင်း..” Gu Qishao မှာ အေးစက်စွာ ရယ်မောလိုက်သည်။
“မင်းက မသွားလဲရတယ်။" Tang Li မှာ မထိမဲ့မြင်ဖြင့် ပြောလိုက်သည်။ အစ်ကိုကြီးမှ သဘောမကျသော သူတစ်ယောက်အား သူကလည်း သဘောကျမည် မဟုတ်ပေ။
သို့တိုင် Gu Qishao မှာ ရိုးရှင်းစွာဖြင့် သူ့အား အဆိပ်ခတ်လိုက်ကာ Tang Li မှာ စကားမဆိုနိုင်တော့ပေ။ ပထမတွင် Tang Li မှာ သတိမပြုမိသော်လည်း Gu Qishao ၏ တိတ်နေမှုအား ထေ့ငေါ့ရန် ကြိုးစားလိုက်စဥ် စကားမပြောနိုင်တော့ကြောင်း တွေ့သွားတော့သည်။
ဒါက ငါ့ကို Han Yunxi က စကားမပြောနိုင်တော့အောင် လုပ်ခဲ့တဲ့အချိန်ကနဲ့ ခံစားချက် အတူတူပဲ။
Tang Li မှာ ချက်ချင်းပင် Gu Qishao အား လက်နက်များဖြင့် ပစ်လိုက်သော်လည်း ထိုအမျိုးသားထံ မရောက်ခင် ရုတ်တရက် အမွှေးထူသော နွယ်များမှာ လက်နက်များအား ဘေးသို့ ရိုက်ထုတ်လိုက်လေသည်။
“နောက်လိုက်ကောင် မင်းသခင်ဘေးမှာ ဒီအဘိုးကြီးက ဘာမှမလုပ်တာနဲ့ ငကြောက်များ မှတ်နေတာလား။” Gu Qishao မှာ အေးစက်စွာ မေးလိုက်သည်။ သူက Han Yunxi ၏ ရှေ့တွင် တက်ကြွ ညင်သာသူဖြစ်သော်လည်း သူ၏ သဘာဝအစစ်အမှန်မှာ ရန်ငြိုးများဖြင့် ပတ်သက်လာလျှင် အတော်လေး တွက်ကပ်သူဖြစ်သည်။ သူက အနည်းငယ်မျှပင် အလျော့မပေးချင်ပေ။ Tang Li မှာ ထန်မျိုးနွယ်၏ ခေါင်းဆောင်ငယ်မှန်း သိနေသည့်တိုင်အောင် သူက နောက်လိုက် အစေအပါးဟု ခေါ်လိုက်လေသည်။
နည်းလမ်းကျစွာဆိုရလျင် ထန်မျိုးနွယ်တစ်ခုလုံးမှာ Long Feiye ၏ အစေအပါးပင် ဖြစ်သော်လည်း အဖိုးတန်သခင်ငယ်လေးအား ဘဝတစ်လျှောက်လုံးတွင် မည်သူတစ်ဦးတစ်ယောက်မှ အစေခံဟု ခေါ်ဆိုခြင်း မပြုခဲ့ပေ။ သူ၏ လက်ချောင်းများတွင် သီးသန့် လက်နက် ဆယ်မျိုး ပေါ်လာကာ သူက Gu Qishao ၏ အသက်အား ယူရန် ပြင်လိုက်သည်။
YOU ARE READING
အဆိပ်ပါရမီရှင်ကြင်ယာတော် Book 3
Ficción histórica**Book 3** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွင...
