ငါ့ကိုသတ်ရဲရင် သတ်ကြည့်လိုက်စမ်းပါ
ပတ်ဝန်းကျင်တစ်ခုလုံးတွင် အံ့မခန်းဓားအလင်းရောင်ဖြင့် လင်းလက်နေလေ၏။ ၎င်းဓားအလင်းရောင်တွင် သန့်စင်သောဓားချီ၊ အဖျက်အဆီးချီနှင့် အတိုက်အခိုက်ချီတချို့ပင် ပါဝင်နေလေ၏။
ထိုဓားသည် အံ့မခန်းသေမင်းလက်နက်ဖြစ်နေပြီး ၎င်း၏စွမ်းအားများက ကြောက်မက်ဖွယ်ကောင်းလှသည်။
တုဂျုန်သည် အံ့အားသင့်မှုကြောင့် ဆွံ့အနေ၏။ ပြိုးခနဲပြက်ခနဲလင်းလက်နေသည့် သူ၏သန့်စင်သောချီဖြင့်ပြုလုပ်ထားသော အလုံးသည်လည်း မိုးခြိမ်းသံ တဂျိမ်းဂျိမ်း မြည်ဟည်းလျက် တိုးဝင်လာသော သန့်စင်သောချီများဖြင့် ပြည့်နေသည့်ဓားကို ဟန့်တားလိုက်သည်။
သို့ရာတွင် လင်းလက်နေသည့် သန့်စင်သောချီအလုံးက သန့်စင်သောချီဖြင့် ဖန်တီးထားသည့် တားဆီးနိုင်ခြင်းမရှိချေ။ လင်းဖန်၏ဓားသည် လေခွင်းသံမြည်ဟည်းလျက် ပတ်ဝန်းကျင်တစ်ခုလုံးသို့ ပြင်းထန်သော ခရမ်းရောင်ချီများ လွင့်ပျံသွားစေကာ ဓားသွားဦးတည်ရာကို ဆက်လက်ဝင်ရောက်လာသည်။
“ မီးတောက်အမြုတေကို ငါမလိုချင်တော့ဘူး ”
တုဂျုန်သည် လင်းဖန်၏ဓားကို ဟန့်တားနိုင်ခြင်းမရှိတော့သဖြင့် အော်ပြောလိုက်သည်။ အကယ်၍ လင်းဖန်သာ သူ၏တိုက်ခိုက်မှုကို မရပ်တန့်ခဲ့လျှင် သူ့ကို သတ်မိသွားပေတော့မည်။ သို့ဖြစ်ရာ လွတ်မြောက်လိုလွတ်မြောက်ငြား အော်ပြောလိုက်ခြင်းလည်း ဖြစ်ပေ၏။
“ သူအရှုံးပေးနေပြီ။ တုဂျုန်အရှုံးပေးနေပြီ ”
လူအုပ်ကြီးမှာ တအံ့တသြဖြစ်သွားကြ၏။ တုဂျုန်သည် အလွန်အစွမ်းထက်သဖြင့် မောက်မာလှပြီး မီးတောက်အမြုတေကို လုယူချင်သည့်အတွက်ကြောင့် လင်းဖန်ကို လိုက်ရှာခဲ့သည်။ လင်းဖန်အနေဖြင့် အသက်မသေရင်တောင်မှ မီးတောက်အမြုတေကို ဆုံးရှုံးသွားလိမ့်မည်ဟူ၍ လူအားလုံး ထင်နေခဲ့ကြသည်။
တုဂျုန်၏စကားကို လင်းဖန်ငြင်းဆန်ခဲ့စဉ်က လင်းဖန်သေတော့မည်ဟု သူတို့လုံးဝယုံကြည်ခဲ့သည်။
သို့ရာတွင် အံ့အားသင့်စရာကောင်းသည်မှာ လင်းချီစုဆောင်းမှုအဆင့်ရှိ မည်သည့်ကျင့်ကြံသူမျှ မယှဉ်ပြိုင်နိုင်သော တုဂျုန်က လင်းဖန်၏အစွမ်းကို အံမတုနိုင်ခြင်းပင်။ ထို့ပြင် ယခုအချိန်မှာ လင်းချီစုဆောင်းမှုအဆင့်၏ အထွတ်အထိပ်သို့ ရောက်နေသော တုဂျုန်က လင်းဖန်ကို အရှုံးပေးစကားပင် ဆိုနေလေပြီ။
“ ဟမ့်…ဘာလုပ်ရမှာလဲ ”
လင်းဖန်က အေးစက်စွာပြုံးလျက် ပြောလိုက်သည်။ တုဂျုန်သည် အရာအားလုံးကို သူစိတ်တိုင်းကျဖြစ်ရမည်ဟု ထင်နေသည်။ သူတိုက်ခိုက်ချင်လျှင် တိုက်ခိုက်ရမည်။ သူမတိုက်ခိုက်ချင်လျှင် မတိုက်ခိုက်ရဘူးဟု ထင်နေရာ သူက မီးတောက်အမြုတေကို မယူတော့ဘူးဟုပြောရုံနှင့် ပြေလည်သွားမည်ဟု ယူဆနေ၏။
