ဆိုးရွားစွာ ဝိုင်းရံခံရခြင်း
“ ကောင်းကင်နဲ့ မြေကြီးက သူတို့ဖန်တီးထားတဲ့ သတ္တဝါတွေကို ခိုင်းရာလုပ်တဲ့ ခွေးတွေလိုဆက်ဆံတယ် ”
ဤအေးစက်ပြီး ရက်စက်သော ကမ္ဘာမှာ ကျင့်ကြံခြင်းက အကြင်နာတရားကင်းမဲ့သည့်စည်းမျဉ်းအပေါ်မှာ အခြေခံထား၏။ လူတစ်ယောက်က အလွန်တရာ အစွမ်းထက်မြက်နေမှသာလျှင် ကောင်းကင်နှင့်မြေကြီး၏ ရက်စက်ခြင်းတွေကို ကိုင်တွင်ဖြေရှင်းနိုင်မည်ဖြစ်သည်။ အရှုံးပေးခြင်းနှင့် သေဆုံးခြင်းက ဤကမ္ဘာမှာ လွယ်ကူသောအရာများ ဖြစ်နေသည်။
လျန်ချန်းလန်သည် စကားပြောပြီးသောအခါ မတ်တတ်ရပ်လိုက်ပြီး ချက်ချင်းပင် ထွက်ပေါက်ရှေ့သို့ လျှောက်သွား၏။
“ ငါတို့သွမ့်ရိန်မြို့ကို ပြန်ကြရအောင် ”
ပိုဂျွန်နှင့် ဟန်မန်းသည် လင်းဖန်ကို တစ်ချက်ကြည့်လိုက်ပြီး ခေါင်းညိတ်လိုက်ကာ လျန်ချန်းလန်၏နောက်သို့ လိုက်ပါသွားလေသည်။
လင်းဖန်ကား နေရာမှာပင် ငြိမ်သက်တိတ်ဆိတ်စွာဖြင့် ဆက်လက်ထိုင်နေ၏။ ဘယ်လိုအကြောင်းပြချက်ကြောင့် လျန်ချန်းလန်ထွက်သွားခဲ့သည်ဖြစ်စေ သူ၏လာရင်းမှာ လင်းဖန်နှင့်အတူ အရက်အတူသောက်ခဲ့ပြီး စကားပြောရန်သာ ဖြစ်သည်။
သို့သော်လည်း သူ့စကားလုံးများ၏အဓိပ္ပာယ်က ဤမျှရိုးရှင်းမလား။
လင်းဖန်က ဖန်ခွက်ကို မြှောက်ကာ သောက်လိုက်ပြီး စားပွဲပေါ်သို့ ပြန်ထားလိုက်၏။ သူက စားသောက်ဆိုင်အတွင်းမှာထိုင်ရင်း ထိုစကားလုံးများ၏ အဓိပ္ပာယ်ကို စဉ်းစားကြည့်နေမိသည်။
လျန်ချန်းလန်သည် သွမ့်ရိန်မြို့မှ အင်ပါယာမြို့သို့ အပြေးရောက်လာခဲ့ရခြင်းမှာ လင်းဖန်ကို
“ ကောင်းကင်နဲ့ မြေကြီးက သူတို့ဖန်တီးထားတဲ့ သတ္တဝါတွေကို ခိုင်းရာလုပ်တဲ့ ခွေးတွေလိုဆက်ဆံတယ် ” ဆိုသည့်စကား ပြောချင်သောကြောင့်ဖြစ်နေသည်။
ထိုစကားလုံးများထဲမှာ ဖုံးကွယ်ထားသော အကြောင်းတရားများ ပါဝင်နေသလား။
အချိန်အတော်ကြာသွားပြီးနောက် လင်းဖန်သည် မတ်တတ်ရပ်လိုက်ပြီး စားတသာက်ဆိုင်အတွင်းမှ ချက်ချင်းထွက်ခွာသွားလေသည်။
