ရောင်နီလာဓားကွက်
“ ဦးရီးတော် ”
အဘိုးအိုကိုမြင်သောအခါ ကျစ်ယင်က အလွန်တရာလေးစားစွာဖြင့် အရိုအသေပေးလိုက်၏။ သူ့မျက်လုံးများထဲတွင် အေးစက်စက်အလင်းရောင်တစ်ချက် လက်သွားသည်။ သူ၏ဦးရီးတော်သည် ရွှမ်အဆင့်ကျင့်ကြံသူတစ်ယောက်ဖြစ်၏။ သူလာခဲ့ခြင်းက လင်းဖန်သေရန်သေချာသွားပေသည်။
ထိုအဘိုးအိုက ကျစ်ယင်ထက်အသက်ကြီးပုံမပေါ်ဘဲ ရွယ်တူထင်ရ၏။ ထိုအခြင်းအရာအတွက် လူအုပ်ကြီးမှာ တအံ့တဩဖြစ်မနေပေ။ တစ်စုံတစ်ယောက်၏ကျင့်ကြံခြင်းအဆင့်က မြင့်သွားလေလေ သူ့သက်တမ်းကပိုရှည်လေဖြစ်သည်။ အစွမ်းထက်သော ကျင့်ကြံသူများက လူငယ်လေးများအသွင်ရှိပေ၏။ အလွန်တရာအစွမ်းထက်သော ကျင့်ကြံသူများက အံ့မခန်းသန်မာပြီး တစ်သက်တာလုံးငယ်ရွယ်နုပျိုစွာနေနိုင်ကြသည်။
ကောင်းကင်တိမ်တိုက်ကိုးခုဒေသတွင် လူအချို့က သေခြင်းတရားမှလွတ်မြောက်သည့်အဆင့်ထိ ကျင့်ကြံနိုင်ကြသည်ဟု ကောလာဟလရှိ၏။ ကျင့်ကြံသူအများစုက ဖြစ်နိုင်သမျှအသက်ရှည်ရှည်နေချင်ကြသလို အစွမ်းထက်ချင်ကြသည်။
ကျင့်ကြံခြင်းက ကောင်းကင်တိမ်တိုက်ကိုးခုတွင် အရေးကြီးဆုံးအရာတစ်ခုဖြစ်၏။
“ ငါ့ကို ဦးရီးတော်လို့ ခေါ်ရဲတဲ့သတ္တိရှိသေးတယ်ပေါ့ ”
ဦးရီးတော်က အေးစက်စက်ပြောလိုက်သည်။ မြေပြင်ထက်မှာ လဲကျနေသောလူများထဲတွင် ကျစ်အုပ်စိုးသူနယ်မြေရှိလက်ရွေးစင်လူအချို့ပါဝင်သွားခဲ့သလို မျိုးဆက်သစ်အားလုံး ချေမှုန်းခံလိုက်ရလုနီးပါးဖြစ်သွား၏။
ကျစ်ရှာတစ်ယောက်သာ ကျန်ရှိတော့သည်။ သားသမီးဆင်းသက်သူမရှိလျှင် ကျစ်အုပ်စိုးသူနယ်မြေဆိုတာ ရှိနိုင်လိမ့်မည်မဟုတ်တော့ပေ။
“ ကျွန်တော် အမှားတစ်ခုလုပ်ခဲ့မိပါတယ် ”
ကျစ်ယင်က ဝန်ခံလိုက်၏။ ကျစ်အုပ်စိုးသူနယ်မြေ၏ခေါင်းဆောင်ဖြစ်သော သူက သူတို့ကို အလွန်ခက်ခဲသောအခြေအနေသို့် ရောက်စေခဲ့သည်။ သူ၏လုပ်ရပ်ကြောင့် သူ့သားပင်အသတ်ခံလိုက်ရ၏။
