ပိလော်၏ ရူးသွပ်ခြင်း
ကောင်းကင်ဝေဟင်ပြင်ထက်မှာ ထိုမာနကြီးသောလူငယ်သည် ဝင့်ကြွားစွာပြုံးနေ၏။
“ အပြာရောင် ဟင်းလင်းပြင် ဝိညာဉ် ထွက်ပေါ်လာစမ်း ”
ထိုလူငယ်က ပြောလိုက်ရာ သူ၏စိတ်ဝိညာဉ် ချက်ချင်း ထွက်ပေါ်လာသည်။
အပြာရောင် ဟင်းလင်းပြင်ဝိညာဉ်သည် အပြာရောင်ရှိပြီး ရေကဲ့သို့ ကြည့်လင်သန့်စင်သည့်အသွင်ရှိကာ မိုးသားတိမ်တိုက်များ ကင်းစင်နေသော ကောင်းကင်ပြင်ကို ကြည့်လိုက်ရသည့်ပမာ ခံစားချက်ပေး၏။ ၎င်းက မိုးရေစက်လေးများအဖြစ်သို့ အသွင်ပြောင်းသွားသော်လည်း ထိုမိုးရေစက်လေးများက မြေပြင်သို့ကျဆင်းလာခြင်းမရှိဘဲ ပုံရိပ်ယောင်နှင့်ဆင်တူနေ၏။
“ ဘယ်လောက်တောင် ထူးဆန်းလိုက်တဲ့ စိတ်ဝိညာဉ်လဲ။ အရင်တုန်းက ကျန်းပိလော် သူ့ရဲ့စိတ်ဝိညာဉ်ကိုထုတ်တာ ငါတစ်ခါမှ မမြင်ဖူးဘူး။ သူ့ရဲ့ အပြာရောင်ဟင်းလင်းပြင်ဝိညာဉ်က ဘယ်လောက်အစွမ်းထက်လဲ ငါသိချင်တယ် ”
လူအုပ်ကြီးက ရေကဲ့သို့ ကြည်လင်နေသော အပြာရောင်ဟင်းလင်းပြင်ဝိညာဉ်ကို မြင်သောအခါ အံ့မခန်းထူးဆန်းလှသည်ဟု တွေးထင်နေသလို ထိုအရာနှင့်ပတ်သက်ပြီး သိချင်စိတ်များလည်း ပြင်းပြနေ၏။
“ အပြာရောင် ဟင်းလင်းပြင်ဝိညာဉ် ”
ကျန်းပိလော်သည် သူ၏စိတ်ဝိညာဉ်ကို အာရုံခံမိသောအခါ ဝင့်ကြွားစွာပြုံုးလိုက်ရင်း
“ ဒီနေ့ကစပြီး ကျန်းပိလော်ဆိုတဲ့ငါက ကောင်းကင်ဘုံသင်တန်းကျောင်းရဲ့ အထူးချွန်ဆုံးကျောင်းသားပဲ။ ဒူပိ ဒါမှမဟုတ် ဝမ်ရိန်ရန်တို့က ငါ့ရဲ့ပြိုင်ဘက်တွေ မဟုတ်တော့ဘူး။ လင်းဖန်ကို စဉ်းစားမယ်ဆိုရင်လည်း သူက ရွှမ်ချီအဆင့်ကို ရောက်ရှိသွားမယ်ဆိုရင်တောင် ငါ့မျက်လုံးထဲမှာ သူက သာမန်ပဲ ” ဟု ပြောလိုက်လေ၏။
ကျန်းပိလော်သည် ကိုယ့်ကိုယ်ကိုယ် ယုံကြည်မှုများဖြင့် ပြည့်နေ၏။ သို့ရာတွင် သူ့အသံမှာ ဝင့်ကြွားသည့်လေသံများ ရောယှက်ပါဝင်နေရာ လူအများစုကို အံ့သြတုန်လှုပ်သွားစေသည်။
ကျန်းပိလောက်သည် ကောင်းကင်ဘုံသင်တန်းကျောင်း၏ အဆင့်နှစ်ရှိသူ ဖြစ်သည်။ ဝမ်အော်ရွှယ်က သူ့ကို မယှဉ်နိုင်ဘူးဟု ပြောခြင်းက သူတို့လက်ခံနိုင်၏။ ထို့ပြင် သူ့အမြင်မှာ လင်းဖန်ကို သာမန်မျှသာ သဘောထားနေတာကိုလည်း သူတို့လက်ခံပေးနိုင်၏။ သို့သော် အချိန်ကြာမြင့်စွာ ကောင်းကင်ဘုံသင်တန်းကျောင်း၏ အထူးချွန်ဆုံးကျောင်းသားအဖြစ် ရပ်တည်လာခဲ့ပြီး ရွှမ်ချီအဆင့်သို့ ရောက်ရှိနေခဲ့သူ ဒူပိကို သူနှင့်မယှဉ်နိုင်ဘူးဟူ၍ ပြောခြင်းက အလွန်ဝင့်ကြွားလွန်ရာ ဖြစ်နေသည်။
