#Zawgyi
ရောင်ခြည်ဓား
လင်းဖန်သည် စိတ်စွမ်းအားလေ့ကျင့်ရာ မျှော်စင်၏ထိပ်မှာ မတ်တတ်ရပ်နေသည်။ သူရပ်နေသော နေရာနှင့် သူ၏ဒူပိကို ရှုတ်ချစွာပြောသည့်လေသံတို့က လွန်စွာ လိုက်ဖက်ညီနေသည်။
လူအုပ်ကြီးနှင့် ဒူပိမှာ အတော်လေးအံ့အားသင့်သွား၏။ လင်းဖန်ကား အံ့အားသင့်စရာကောင်းလောက်အောင် စိတ်စွမ်းအားလေ့ကျင့်ရာ မျှော်စင်၏ထိပ်ဆုံးမှာ တစ်ချိန်လုံး ရှိနေခဲ့သည်။ လူအုပ်ကြီးက သူ့ကို သတိမထားမိတာ လက်ခံနိုင်သော်လည်း ဒူပိက သတိထားမိသင့်သည်။ သူက ရွှမ်ချီအဆင့်ကျင့်ကြံသူတစ်ယောက် ဖြစ်သော်လည်း သူ့မှာကင်းမဲ့နေသည့်အရာတွေ များစွာရှိပုံရ၏။ ထို့ပြင် လင်းဖန်က လင်းချီစုဆောင်းမှုအဆင့်သာ ရှိသေးသည်။
ဒူပိ၏မျက်နှာ အရုပ်ဆိုးသွားသည်။ သူက ခေါင်းကို မော့လိုက်ပြီး လင်းဖန်ကို ရန်လိုသည့်အကြည့်ဖြင့် ကြည့်ကာ ရေခဲတမျှအေးစက်စက်လေသံဖြင့်
" ဝင့်ကြွားလား။ မဝင့်ကြွားဘူးလားဆိုတာ သိရအောင် တိုက်ကြည့်ကြတာပေါ့ "ဟု ပြောလိုက်၏။
" ဟမ့် "
လင်းဖန်အေးစက်စွာ ပြုံးလိုက်သည်။ သူ၏ဓားစွမ်းအင်များသည် ပြင်းထန်ပြီး စူးရှနေသည်။ ရုတ်တရက် လင်းဖန်၏ခြေထောက်အောက်မှာ ဓားပုံရိပ်ယောင်တစ်ခု ထွက်ပေါ်လာပြီး ပျံသန်းရန် အသုံးပြုလိုက်၏။ ထိုဓားသည် သန့်စင်သောချီများဖြင့် ပြုလုပ်ထားခြင်း ဖြစ်သည်။ လင်းဖန်သည် သန့်စင်သောချီများကို ဤမျှများပြားစွာ စုစည်းနိုင်နေပြီဖြစ်၏။
" လင်းဖန်က ရွှမ်ချီအဆင့်ကို ရောက်သွားတာများလား "
လူအုပ်ကြီး တွေးလိုက်ကြ၏။ ထိုဓားကို ပြုလုပ်ထားသော သန့်စင်သောချီများသည် လင်းချီစုဆောင်းမှုအဆင့်ရှိသူတစ်ယောက် လုပ်နိုင်သော အရာတစ်ခု မဟုတ်ချေ။ အကယ်၍ လင်းဖန်က ရွှမ်ချီအဆင့်သို့ မရောက်သေးဘူးဆိုရင်တောင် ထိုအဆင့်သို့ ရောက်ရှိရန် အနည်းငယ်သာ လိုတော့လိမ့်မည်။
ထိုစဉ် လင်းဖန်နှင့် ဒူပိတို့သည် တစ်ယောက်ကိုတစ်ယောက် စိုက်ကြည့်နေကြ၏။ ဒူပိသည်လည်း လင်းဖန်နည်းတူ နှစ်ဖက်သွားဓားပေါ်မှာ မတ်တတ်ရပ်နေသည်။ သူတို့နှစ်ယောက်စလုံးက ကောင်းကင်ထက်မှာ ရှိနေပြီး ပြင်းထန်သောချီများကို ထုတ်လွှတ်နေကြ၏။
" လင်းချီစုဆောင်းမှုအဆင့်ပဲရှိတဲ့ ကျင့်ကြံသူလေးတစ်ယောက်အဆင့်ပဲ ရှိတယ်။ အဲ့ဒါကို မင်းက တစ်ချိန်လုံး လေကြီးလေကျယ်တွေ ပြောနေတယ်။ ဒီနေ့ ဒုတိယဓားကွက်ကို ငါထုတ်ဖော်လိမ့်မယ်။ အဲ့ဒီအခါကျရင် မင်းကိုယ်မင်း ဝင့်ကြွားနေတဲ့အရူးတစ်ယောက်ဆိုတာ နားလည်သွားလိမ့်မယ် "
ဒူပိက အေးစက်စက်လေသံဖြင့် ပြောကြားလိုက်သည်။
