ရှင်ခံစားရမှာကို မမြင်ချင်ဘူး
ဝူဂေါင်၏ပြတ်ထွက်သွားသော ခြေထောက်နေရာများမှ သွေးများ အဆက်မပြတ်စီးကျနေသည်။ သူ့ခန္ဓာကိုယ်က အရှိန်ပြင်းစွာ တုန်ခါနေပြီး သူ့မျက်လုံးများက ပြင်းထန်စွာနာကျင်ခြင်းများဖြင့် ပြည့်နေ၏။
“ ဒါက မင်းရဲ့ အရှက်မရှိသူရဲဘောကြောင်တဲ့ လုပ်ရပ်အတွက် ပြစ်ဒဏ်ပဲ ”
လင်းဖန်၏လေသံက အေးစက်နေသည်။ သူ့ဓားက ပတ်ဝန်းကျင်တစ်ခုလုံး လင်းလက်သွားပြန်ပြီး နာကျင်စွာ အော်သံတစ်ခု ထပ်မံထွက်ပေါ်လာ၏။ ဝူဂေါင်၏ဘယ်ဘက်လက် ပြတ်တောက်သွားပြီဖြစ်သည်။
နာကျင်မှုက အလွန်ပြင်းထန်ရာ ဝူဂေါင်မှာ ငိုကြွေးခြင်းပင် ပြုလာ၏။ အဆုံးအစမဲ့ နာကျင်မှုကြောင့် သူ့ကိုယ်သူ မုန်းတီးလာပြီး ဖြစ်ခဲ့သမျှကိစ္စများအတွက် များစွာ နောင်တရနေသည်။ ဘာကြောင့်လဲ။ ဘာကြောင့်လဲ။ ဘာကြောင့် မွန်းစတားတစ်ကောင်ကို သူရန်စမိခဲ့ရတာလဲ။ သူ့လုပ်ရပ်က သူ့ကိုယ်သူဖျက်ဆီးလိုက်သည်နှင့် ထူးမခြားနားခဲ့ပေ။ ဤအဆုံးစွန်သော နာကျင်ခံစားမှုတွေက လင်းဖန်ကို ရန်စမိခဲ့ခြင်းကြောင့်သာ။
“ ဒါက ငါ့ကို စော်ကားခဲ့တဲ့အတွက်ပဲ ”
လင်းဖန်က မထူးခြားသည့်လေသံဖြင့် ပြောလိုက်၏။ သူ့ပုံစံက ခံစားချက်ကင်းမဲ့နေသည့်အသွင် ဖြစ်နေသည်။
“ နောက်ဆုံးတစ်ချက်ကတော့ ယွမ်ရှီအတွက်ပဲ ”
လေထဲတွင် အလင်းရောင်တစ်ချက် လက်သွားပြီး ဝူဂေါင်၏ကျန်နေသေးသော လက်တစ်ဖက် အဖြတ်ခံလိုက်ရ၏။ ချက်ချင်းပင် မြွေလေးက ဝူဂေါင်၏ခန္ဓာကိုယ်ကို လွှတ်ပေးလိုက်ရာ မြေပြင်ထက်သို့ လဲကျသွားသည်။
“ မင်းက အရှက်မရှိ၊ သူရဲဘောကြောင်တဲ့ကောင်ဖြစ်သလို ရက်စက်တယ်။ ငါက မင်းထက်ပိုရက်စက်တတ်တယ်။ မင်းကို ငါမသတ်ဘူး။ သေတာထက် ပိုဆိုးတဲ့ဘဝနဲ့ အသက်ရှင်စေရမယ် ” လင်းဖန်က အေးစက်စွာ ပြုံးလိုက်၏။ ခရမ်းရောင်မြွေများ ပျောက်ကွယ်သွားပြီး ဖြည်းညင်းစွာ ချာခနဲလှည့်လိုက်သည်။
“ အား…..”
နာကျင်စွာအော်သံတစ်သံ ထပ်မံ၍ ထွက်ပေါ်လာ၏။ နောက်ဆုံးကျန်နေသော ရွှမ်ချီအဆင့်သုံး ကျင့်ကြံသူကို သခင်ချီနှင့် သခင်ဟောင်က သတ်ပစ်လိုက်ခြင်း ဖြစ်သည်။
