ဝိညာဉ်နတ်ဆိုးဘုရင်
ဝိညာဉ်နတ်ဆိုးသုံးဖော်အနက် ကျန်ရှိသော ဆယ့်နှစ်ယောက်က မြေပြင်အထက်မှာ ထွက်ပေါ်လာသော လူရိပ်ကိုကြည့်ကာ ရိုသေလေးစားစွာဖြင့်
“ ဝိညာဉ်နတ်ဆိုးဘုရင်ကို ကျွန်ုပ်တို့ ကြိုဆိုပါတယ် ”ဟု ပြောလိုက်လေ၏။
“ ဝိညာဉ်နတ်ဆိုးဘုရင် ဒီရောက်နေတယ်။ ဒါ ဘယ်လိုလုပ်ဖြစ်နိုင်မှာလဲ ”
သက်လတ်ပိုင်းအရွယ်လူမှာ မျက်မှောင်ကြီးကြုတ်လျက် တွေးနေ၏။ ထျန်းရှကျောင်းတော်မှလူများသည် အလွန်တရာ စည်းကမ်းတင်းကြပ်သည်။ ထို့ပြင် ဝိညာဉ်နတ်ဆိုးသုံးဖော်အားလုံးက ရွှမ်ချီအဆင့်မှာ ရှိနေပြီး အလွန်တရာ အစွမ်းထက်၏။
ဝိညာဉ်နတ်ဆိုးသုံးဖော်က ရွှီယွဲ့နိုင်ငံမှာ စခန်းချထားသည်။ သူတို့က တောင်ပံနက်အင်ပါယာမှာရှိသော တခြားဝိညာဉ်နတ်ဆိုးများကဲ့သို့ အစွမ်းထက်ခြင်းမရှိသော်လည်း ရွှမ်ချီအဆင့်နှစ်နှင့်အထက်မှာ ရှိ၏။ ဘုရင်အဆင့်ကို စဉ်းစားကြည့်လျှင် တောင်ပံနက်အင်ပါယာမှာ တျန်ချီအဆင့်သို့ ရောက်ရှိနေရသည်။
ထိုစဉ် ဝိညာဉ်နတ်ဆိုးဆယ့်နှစ်ယောက်သည် သူတို့၏ဘုရင်ရှေ့မှာ ဒူးထောက်နေကြ၏။ ခန့်မှန်းထားသည့်အတိုင်း အလောင်းက တျန်ချီအဆင့်ရှိသည်။ သူ့မှာ ကြောက်မက်ဖွယ်စွမ်းအားများ ရှိပြီး တစ်နိုင်ငံလုံးကို ဖျက်ဆီးပစ်နိုင်သည်။
“ ထျန်းရှကျောင်းတော်က လူတွေက အရမ်းမြန်တာပဲ ”
သက်လတ်ပိုင်းအရွယ်လူ၏မျက်လုံးများ ကျဉ်းမြောင်းသွားသည်။ သူက ထွက်ပေါ်လာသော အလောင်းကိုကြည့်ကာ စိတ်မသက်မသာ ခံစားနေရ၏။
မကောင်းဆိုးဝါးချီများမှ လူတစ်ယောက်ပုံစံ ဖြစ်ပေါ်လာခြင်းမှာ ပြီးသွားပြီး အံ့အားသင့်စရာကောင်းအောင် ထိုလူသည် မြေပြင်မှာ တွားသွားနေသည်။ ထိုလူက ခေါင်းကိုမော့လိုက်ပြီး ချက်ချင်းမတ်တတ်ရပ်လိုက်၏။
သို့ရာတွင် ထိုလူ၏ပုံစံက မီးခိုးရောင်ပုံရိပ်တစ်ခုပမာ ဖြစ်နေပြီး မျက်လုံးများအစား တွင်းနက်ကြီးနှစ်ခုသာ ရှိလေရာ ကြောက်မက်ဖွယ်ကောင်းနေသည်။
“ ထျန်းရှကျောင်းတော်က လူတွေက ဒီနေရာကိုလာရမှာ ကြောက်ရွံ့နေတယ်လို့ ထင်နေကြတာလား….ဟား ဟား ဟား ”
နက်ရှိုင်းသော ကြောက်မက်ဖွယ်ရာ ရယ်မောသံတစ်သံ ထွက်ပေါ်လာ၏။ ထိုအသံက မီးခိုးရောင်လူထံမှ ထွက်ပေါ်လာခြင်း ဖြစ်သည်။ ထိုလူ၏ပုံစံက ပုံရိပ်ယောင်တစ်ခုအသွင်ရှိသော်လည်း သူ့အသံက အလွန်ကြည်လင်ပြီး ပြတ်သားနေသည်။
“ ဒီနေရာကို ငါတို့ လူသတ်ဖို့လာခဲ့တာပဲ ”
ဝိညာဉ်နတ်ဆိုးဘုရင်က ပြောလိုက်သည်။ ဝိညာဉ်နတ်ဆိုးဆယ့်နှစ်ယောက်လုံးသည် မတ်တတ်ရပ်လိုက်ပြီး အဆုံးအစမဲ့ သံကြိုးများကို ထုတ်ဖော်လိုက်ရာ လေထဲတွင် ပြည့်သွား၏။ လျှပ်တစ်ပြက်အတွင်း သံကြိုးများက ဝင်ရောက်လာရာ လူအများစုမှာ ရှောင်တိမ်းခြင်းမပြုနိုင်ဘဲ ချက်ချင်းပင် ဘုရင်ထံသို့ ဆွဲခေါ်ခြင်းကို ခံလိုက်ရသည်။
