#لارين_تحكي
قمت من بلاصتي معاه بعد ما سمعنا نداء لرحلتناا.. غزرتلو كيف قربلي يحكي
عيسى :" متأكدة انك مليحة ؟شوف روحك مدامناا هنا "
هزيت تاليفوني وليناتي نحكي
انا :" مليحة ياعيسى تهنى "
هزلي براسو باهي يحكي
عيسى :" باهي هياا مالا "
كبست على ساكي ومشيت معاه.. اول ماوصلنا لباب المغادرة عطينا البسبورات للعون وين تأكد منهم وسمحلناا نتعداو.. بقيت نمشي بجنبو ساكتة حتى وصلنا للطيارة وطلعنا مع بعضنا.. لحظتهاا تصويرة نور رجعت هفت قدامي فكرة اني بش نبعد وممكن مانرجعش حسستني كاني تقلعت من جذوري.. خذيت نفس طويل وريتو كيف عدا بعينيه عالكراسي واشرلي يحكي
عيسى :" غادي بلاصتناا "
هزيتلو براسي باهي وقربت معاه.. قعدت عالكرسي لي وين الشباك وغزرتلو كيف حط السيكان لفوق وقعد بجنبي.. ربطت لحزام وتكيت براسي لتالي نحكي
انا :" ياخي احنا وين بش نقعدو ف ليون ؟"
عيسى :" تو نشوفو وتيل "
هزيتلو براسي باهي نحكي
انا:" باهي.. وحسب رايك قداه انجمو نبقاو ؟"
تنهد بالشوي يحكي
عيسى :" نهارين 3 مانفوتوش "
انا :" باهي.. مالا غدوة تو نطلب ماياا بش تقص وتخلط عليناا "
عيسى :" اي هكاكا "
هزيتلو براسي باهي واستويت ف قعدتي اول ماسمعتهم اعلنوا على قلوع الطيارة.. طبست راسي على يديه لي شدتني يحكي
عيسى :" اهداا ماتخافش كيف لمرة لخرى "
تبسمت نحكي
انا :" انا مانخافش اما ك تطلع الطيارة نحس قلبي يولي يضرب معاهاا "
هزلي براسو باهي من غير حتى كلمة.. كبست على يديه لي شدتني وغمضت عينيا حتى طلعت الطيارة..
رجعت حليت عينيا وغزرتلو نحكي
انا :" شرايك نحطو فيلم نتفرجو مع بعضناا ؟"
عيسى :" مش كان ترتاح خير.. كانك ناقصة نوم "
هزيتلو بكتفي نحكي
انا :" لا مانحبش نرقد.. اصلا لحكاية لكل ساعة.. تو ك نوصلو نرقد "
عدا بعينيه عليا يحكي
عيسى :" باهي حط "
ضحكت نحكي
انا :" تصدق فرحانة خاطر قاعد قدامي راجل "
هز بحاجبو يحكي
عيسى :" شنوة ؟"
انا :" تي نقصد خاطر الراجل ماعندوش شعر.. مش كيف الغولة لأخرى لي قعدت قدامي اخر مرة.. وترتلي عصابي هي وشعرها "
تكا براسو لتالي يحكي
عيسى :" انت كل شي يوترك "
انا :" شوف شكون يحكي.. مخيبك يا صنعتي..وزيد هي عمايلهاا توتر غير كلامهاا اففف اففف "
غزرلي يحكي
عيسى :" تو شمذكرك فيها ؟"
انا :" مانعرفش هكاا تذكرتهااا وحسيت روحي مازالت مغزلة علاهاا.. خاصة ك تقلي يا صغروونة "
تبسم على جنب يحكي
عيسى:" عيب علاهاا تقلك هكاا "
انا :" ريت بلاهي.. ولا كيفاه تغزرلك وتحكي معاك "
ضيق عينيه فيا يحكي
عيسى :" كيفاه ؟"
درتلو ورجعت شعري لتالي نحكي
انا :" شوف هكاا "
وطيت ف صوتي وذبلت عينيا نحكي
انا :" صار الصغرونة هاذي اختك.. اممم مدامهاا اختك بش نعدي لي صار على خاطرك.. مايرضينش غشك مسيو..انشالله معرفة طيبة..بااااااي "
حك على جبينو وتبسم يحكي
عيسى:" هي تحكي هكا ؟"
هزيتلو براسي اي نحكي
انا :" اي والله هكااا.. ياخي ماريتهاش "
رجع تكا براسو لتالي يحكي
عيسى :" لا "
انا :" احسن ك ماريتهاش وماركزتش معااها.. خاطرها خايبة وتفدد.. وماتحشمش من فوق "
عيسى :" اي احسن "
رجعت تكيت بظهري لتالي نحكي
انا :" اصلا كان لقيت راني نتفتهولها شعرهاا.. شعرة شعرة.. كيما ينتفو ريش الدجاجة "
نفخ بالشوي يحكي
عيسى:" يا لارين وفات لحكاية.. شمذكرك فيهاا مافهمتش.. قاعدة تعارك وحدك "
قحرتلو نحكي
انا :" باهي هاني سكتت.. مانعرفش علاش متقلق كانك ماتحبش فيهاا "
عدا بيديه على وجهو يحكي
عيسى:" صبرني يارب.. شوفي ماتعدليش الساعة ونص هكاا.. اسكتتتي "
غزرتلو على جنب نحكي
انا :" باهي برك هاني سكتت.. مايعجبكش كلامي مش عارفة علاش.. وانت نهار كامل اسكت اسكت اسكت"
ريتو كيفاه قحرلي.. لحظتهاا قربت حطيت فيلم قدامناا وغزرتلو نحكي
انا :" اتفرج "
نفخ بالقوي وغزر قدامو..بقيت نتفرج معاه حتى جات المضيفة خذيناا فطورنا وبقينا نفطرو مع بعضناا.. غزرتلو نحكي
انا :" عيسى ياخي احناا بش نمشيو بش نعديو وقتنا لكل ف الوتال ؟"
عيسى :" مانعرفش "
انا :" خليناا ندورو شوي.. فما معرض مشيتلو مرة مع نور.. نحب نرجعلو.. هزني ليه امان "
هزلي براسو باهي يحكي
عيسى:" باهي "
انا :" باهي سؤال اخر ؟"
عض على شفايفو وقحرلي يحكي
عيسى :" انطقي "
تبسمت نحكي
انا :" بش تهزني معاك لخدمتك مش هكاا ؟"
هز بحاجبو يحكي
عيسى :" علاش نهز فيك ؟ انت تبقى ف الاوتيل "
حليت عينيا على وسعهم نحكي
انا :" شنوة شنوة ؟ نبقى محصورة انا ف البيت حتى تكمل انت ؟ لا لا مايساعدنيش هكاا "
رس على سنيه وقحرلي يحكي
عيسى :" شوفي مانيش نشاور فيك.. انا قتلك لي بش يصير "
انا :" وانا قلت لا.. نقلق وحدي امان.. وشوف انت قداه تبقى عاد "
مسح يديه يحكي
عيسى:" انا مانقعدش برشة.. حكاية ساعتين من زمان "
انا :" ولو حتى ساعة لا.. كيما انا خرجتك معاياا انت تخرجني معاك "
نفخ بالقوي يحكي
عيسى :" ياخي خارج نلعب انا "
قحرتلو نحكي
انا :" جابر قلي امشي مع عيسى "
عدا بيديه على وجهو يحكي
عيسى:" باهي اسكتي توو.. ك نوصلو تو نتفاهموو "
قحرتلو وطبست راسي بقيت ناكل حتى كملت.. لحظتهاا رجعت نتفرج معاه ساكتة.. تكيت براسي لتالي ك حسيت روحي بديت ننعس.. حسيت تعب لبارح بدأ يرجع علياا.. مانعرفش كيفاه تكيت براسي على كتفو وغفيت من غير مانحس..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
