#عيسى_يحكي
حليت عينيا على وسعهم اول ماريتها جرات لبيتها وخلاتني وتقف نعمل وحدي.. للحظة حسيت عصابي سايي فلتت مني ومعادش انجم نتحمل أكثر من هكاا.. اسم خالد لي ريتو ف تليفونها خلاني نخرج من عقلي وننسى كل شي ومعاد نخمم ف شي كان اني نعرف علاش مازالت تحكي معاه.. رميت الريدوات من يدي وخرجت نجري بش نخلط علاهاا..فاللحظة هاذي ماخممت ف شي وماهمني لا احنا وين ولا شكون هناا ولا حتى شي.. تفكيري لكل فيه سؤال واحد علاش خالد يكلم فيهاا.. نار شعلت فيا من داخل ك تفكرت ضحكتها وقت شافت اسمو.. اول ماوصلت قدام باب بيتهاا حليتو طول وهديت علاهاا.. ريتها ك تلفتتلي وحلت عيناها فياا.. سكرت الباب وراياا وقدمتلهاا وهي باقي واقفة ف بلاصتهاا تغزرلي..كبست عالبونية متاعي بش نتمالك اعصابي قدامهاا..نحكي
انا :" خالد علاش يطلب فيك "
حلت عيناها فيا واشرتلي بيدااهاا عالباب تحكي
لارين:" اخررررج "
قربتلهاا اكثر ووقفت قدامهاا بالضبط نحكي
انا :" بش نسألك للاخر مرة.. خاااالد علاش يطلب فيك "
عدات بعيناها علياا وعلات ف صوتها شوي تحكي
لارين :" قتتتلك اخرررج خيير مانعييط لعمتتتي "
انا :" ورحمة بابا ك تعيييط لحومة كاملة لاني خارج من هنااا حتى تجاوبني هو علاش يكلم فييييك "
لارين:" شييييهمك.. شدخلللك انت شكون يطلبني وعلااااش يطلبني "
عليت ف صوتي اكثر منهاا نحكي
انا :" يهمنننني.. كل شيييي يخصك يهمننني.. مالااا بش تحل فمممك وتجاااوبني "
دمي فور مني ك ريتها قربتلي وهزت راسها معايا.. حطت عيناها فعينيا تحكي
لارين :" مااانيش بش نجاووبك.. ك تبقى دهررك لكل تسأل مانيش مجاوبتك.. خاطر مايهمكش "
شديتها من مرفقها وجبدتها قدامي لين لصقت فبدني.. طبست راسي معاهاا نحكي
انا :" لاااارين ماتكرزنيييش هالنهاار.. خالد شيحب منننننك "
هزت بحاجبها تحكي
لارين :" بيناتنااا امور تخصنااا..هاني جاوبتك.. ارتحت ؟ تنجم تخرج تو وتبعدني ؟"
عديت بعينيا عليها وين حسيت دمي غلى فعروقي من كلمتها.. نزلت على مرفقهاا اكثر نحكي
انا :" شمعناهاا امووور تخصكمم؟؟ ناااوية تهبلننني انت ؟؟ شتقصصد بكلامك ؟"
حطت يداها فوق يدي حاولت تفكها تحكي
لارين:" سيبني.. نحي يدك "
شديتها بيدي لخرى وركحتههاا قدامي وين هي بقات تفرفط بين يديا.. حليت عينيا فيهاا نحكي
انا :" مانيش مسيبك حتى تنطق شمعناهاا امور تخصصكم؟؟ شنووة لي بينك وبين خااالد ؟"
عدات بعيناها علياا تنهج بالقوي لدرجة اني حسيت بانفاسها ضربت ف وجهي..تحكي
لارين :" مهماااا كااان الشي لي بيني وبينووو فهو مايخصكشش.. انت ماعندكش الحق تسألني ف حتي شي.. وماتستناش مني نجاااوبك.. انت خسرت الحق هذاا عندك بررشة "
قربتهاا لياا اكثر لين وجهي قابل وجهها.. نحكي
انا :" هاني بش نقلك كلمتين خلاهم فراسك وتفكرهم مليح كل ماتخمم تخرج لكلام هذا من فمك..مفما حتى شي وحتي حد ينجم يحددلي حقوقي عليك حتى لو كان انت.. ومهمااا يصير انا مانيش بش نخسر حتى حق يخصك انت.. وااااضح "
هزت يداها وضربتني على صدري تحكي
لارين:" تحللللم هكاكا.. ياااحسرة على لارين لي كانت تقلك اي واضح.. هذيكاااا مشااات وانت بيدييييك لي خليتهاا تمشي.. وانسى انك ممكن ترجعها.. هي عملت بكلامك نساتك وبعدتك.. وانت تووو بش تعمل نفس الشي.. بش تنساااني وتبعد من ثنيتي.. حياااتي ماتخصكش.. نحكي مع لي نحب.. نعمل لي نحب.. انت مايهمممكش..رد بالك تعطي لروحك حق مش حققك "
رخفت يديا منها وعديت بعينيا عليهاا.. للحظة حسيت روحي مالقيت مانقول خاطر كلامهاا صحيح انا لي خليتها توصل هكاا.. بيديا خليتهاا تبعد علياا وتتبدل لدرجة هاذي.. خذيت نفس طويل نحكي
انا :" قول لي تحب..وانا نعمل لي نحب..بُعد مانيش بش نبعد عليك كِتطلعي لسماء وتهبطي..ووين ماتدوري بش تلقيني قدامك..انت بحياتك بكلك بما فيك تخصيني.... "
قصت عليا تحكي
لارين :" يااخي ف بااالك على كييفك... "
قصيت علاها نحكي
انا :" اقريها وافهميها كيما تحبي.. والأمور الخاصة لي بينك انت وخالد تو نعرفهااا بطريقتي.. وورب الكعبة يا لارين مايجي وقت ومانحاسبك علاها الكلمه هاذي"
هزت يداها ف وجهي وعلات ف صوتها تحكي
لارين :" ماااعندكك ماااتعمل.. وتو اخررررج.. اخررج"
ضغطت على يدي بالقوي نحكي
انا :" هاني خااارج اما لكلام ماوفاش هناا.. مازال بيناتناا حديث اخر "
لارين :" معاادش بيناتناا حديث.. معااد بيناتنااا شي اصلاااا "
هديت عليها وشديتها من مرفقها.. جبدتهاا عندي بالقوي حتى تضربت ف صدري نحكي
انا :" انا لي نقرر هذاا "
هزت راسها معاياا وعدات بعيناها عليا وغزرتلي درا كيفاه تحكي
لارين :" انت قررت وكملت.. ومعادش فما قرار اخر غيرووو "
جبدتهاا عندي اكثر نحكي
انا :" لاا فماا.. وعلى قريب تو تعرفووو "
لارين :" سيبني وأخرج.. اخررررج "
عديت بعينيا عليها وسيبتها بالوقت.. خليتها واقفة وخرجت من حذاهاا طول لبرا..طلعت لدار الفوق ودخلت.. سكرت الباب وراياا وبقيت واقف على بلاصتي ننهج بالقوي من لعصب لي بقى يخض فياا كل مانتفكر كلامهاا.. فكرة انو بينها شي هي وخالد خلاتني نفقد عصابي والدنيا تظلام قدامي.. غير الخنقة لي شدتني وقت فكرتني فكلامي وانا شنوة قلت وشنوة عملت حتى خليتهاا تبعد علياا..للحظة حسيت روحي سايي معادش أنجم نتحمل هذاا لكل.. كان لقيت نرجع الوقت بالتوالي ونصلح لي صار لكل بش مانوصلوش لهناا.. اما مازال فما وقت وكيما قلتلها لكلام مازال ماوفاش..فما حديث اخر بيناتنااا بش نصلح بيه الوضع هذا لكل..
VOUS LISEZ
#مُتمردة_العيسى ❤️🔥 (الستاتي الثاني)
Romantik#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
