#عيسى_ يحكي
دزيت الباب بساقياا ودخلت طول لبيتهاا.. حطيتها عالفرش وقعدت بجنبهاا.. حطيت يدي على خدها بعدتلها خصلات شعرها نحكي
انا :" لارين.. لارين حل عينيك "
عديت بيديا على شعري وتلفتت ورايا على صوت ادم يحكي
ادم:" عيسى خليناا نهزوهاا لسبيطار يشوفو شبيهاا "
ضغطت على يدي بالقوي وقت سمعت مايا تبكي وتحكي
مايا :" لارين هكاا ك تخاف برشة تدوخ "
انا :" ادم برا رجع الضو انت فيسع "
هزلي براسو باهي وخرج يجري.. قمت من بلاصتي وقربت لمايا نحكي
انا :" مايا يزي من لبكاا.. هات برفان وبرا جيب ماء "
هزتلي براسها باهي وقربت للكوافوز.. خذيت البرفان من يداهاا ورجعت قعدت بجنبها غطيتها بالملحفة وحليت دبوزة البرفان..دورت بيديا ورا رقبتها هزيتلها راسها شوي وقربت الدبوزة لخشمهاا.. حسيت روحي دخلت بعضي وماعرفتش شنعمل وانا نرا فيهاا هكاا.. تلفتت على صوت ماياا ورايا تحكي
مايا :" عيسى الماء"
حطيت دبوزة البرفان وخذيت الكاس من يداهاا.. دوب سكبت شوي فوق يدي ومسحتلهاا وجهها نحكي
انا :" لارين.. لارين فيق حل عينيك "
عطيت الكاسة لمايا لي قعدت قدامي ورجعت هزيت دبوزة البرفان بقيت نعدي فيهاا قدام خشمها.. تنفست براحة كاني الروح رجعتلي وقت ريتها رمشت عيناها وحلتهم شوي.. ريت مايا كقربتلها تحكي
ماايا :" لارين لارين تسمع فيااا... "
قصيت علاهاا نحكي
انا :" مايا قوم حل الشباك بش لارين تتنفس واعمللها كأس حليب بالعسل امان "
هزتلي براسها باهي وقامت فيسع..حلت الشباك على فرد ضربة وين النسمة دخلت شوي وغزرتلي تحكي
مايا :' خليك حذاها عيسى امان "
رجعت غزرتلها وحطيت يدي على خدها..طبطبت علاها شوي نحكي
انا :" لارين تسمع فيا.. حل عينيك واغزرلي هاني حذاك ماتخافش "
حلت عيناها بالسيف وغزرتلي.. عدات بلسانها على شفايفها تحكي
لارين :" عيسى.. عيسى حاسة روحي مخنوقة "
دورت بيديا عليهاا وهزيتها شوي.. تكيتلهاا ظهرهاا على صدري وهزيت كاسة الماء لي كانت فوق التابل دونوي.. قربتها وين شفايفها نحكي
انا :" اشرب شوي تو ترتاح "
خذات دوب رشفة صغيرة وغمضت عيناها تحكي
لارين :" عيسى ماتمشيش امان..ابقى حذاياا "
عالكلمة دورت بيديا عليهاا وجبدتهاا عندي.. كبست علاها وين حسيت برعشة بدنها نحكي
انا :" هاني حذاك ماعندي وين بش نمشي "
طبست راسي فيسع وقت سمعت صوت شهقتهاا وين شفتها تبكي وعيناها مغمضين تحكي
لارين :" خفت برشة بكري..ماعرفتش شنعمل كان مش ماياا معاايا راني متت..هي خممت تكلمكم انا مانجمت نعمل شي.. حسيت روحي بش نموت "
حطيت يدي على خدها مسحتلها دموعهاا لي ماحملتهمش كيما حسيت روحي تخنقت من كلامهاا لي خلاني نتخيلهاا شنوة حست وقتهاا.. نحكي
انا :" لي صار معادش بش يتعاود.. معادش بش نخليك تبقى وحدك كيما الليلة.. يزي من لبكاا هاني حذاك "
هزيت راسي على صوت ادم لي دخل بعد مارجع الضو.. ريتو ك عدا بعينيه علينا وغزرلي يحكي
ادم:" شحالها تو؟"
انا :" مليحة "
عدا بيديه على وجهو يحكي
ادم :" رجعت الضو وعملت دورة وين العمارة بش نشوف الحركة مالقيت شي "
تلفتنا على صوت مايا ك دخلت ووقفت بيناتنا تحكي
ماايا :" هرب.. بعد ماكلمت عيسى بشوي سمعت صوت خطوتو كيف هبط يجري.. يمكن سمعني.... "
قص علاهاا ادم يحكي
ادم :" ولا يمكن حد خبرو انو انا وعيسى رجعنا.. كان جاسمعك راو هبط بالوقت مش بشوي "
عديت بعينيا عليه من غير حتى كلمة نخمم ف كلامو.. طبست راسي وقت حسيت بيدااهاا كبست على مريولي.. لحظتهاا هزيت راسي معاهم واشرتلهم بعينيا بش يسكتو.. ريت ماياا ك قربت حذاناا وقعدت بجنبها تحكي
مايا :" رينو ياروحي تسمع فياا "
حلت عيناها وغزرت لماايا.. هزتلهاا براسها اي من غير حتى كلمة.. خذيت نفس طويل وبعدت علاها شوي نحكي
انا :' لارين اشرب كاس لحليب هاي ماياا حضرتهولك"
قمت من بلاصتي وغزرت لمايا نحكي
انا :" مايا خليك حذاها.. انا شوي ونرجع "
قربت للادم نحكي
انا :" خليناا نخرجو "
خرجنا مع بعضناا للصالة وعديت بيديا على شعري وبقيت ماشي جاي نخمم ف لي صار وشكون الكلب لي نجم يعمل هكااا.. تلفت على صوت ادم يحكي
ادم :" عيسى شنوة بش تعمل تو ؟"
كبست على رقبتي نحكي
انا :" مانعرفش.. حاسس مخي بش يطرشق مش منجم نخمم ف شي "
عدا بعينيه عليا يحكي
ادم :" خليني نهبط ونسأل نشوف النطارة بالك نعرف حاجة "
رسيت على سنيا بالقوي نحكي
انا :" ماهيش حكاية نطرة هاذي..لي بش يسرق مايطلعش لسطح راو استغل الفرصة ك مابقى حد ودخل لدار طول "
عقد بحواجبو يحكي
ادم :" مالا حكاية شنوة؟ فاش تخمم عيسى ؟"
ضغطت على يدي بالقوي نحكي
انا :" مانعرفش.. لي عمل هكاا حب حاجة من البنات.. ياحب يخوفهم ياحب يضرهم "
حل عينيه فيا يحكي
ادم :" شكون مصلحتو بش يعمل هكاا ؟"
انا :" مانعرفش اما لي عمل هكاا يعرف مليح انهم وحدهم وبقى يلوج علاهم من طاق لطاق حتى وصل لسطح "
حل عينيه فيا وبقى يغزرلي من غير حتى كلمة.. جبدت تاليفوني فيسع وحطيت رقم امي.. اول ماردت علياا صحت على قوة جهدي نحكي
انا :' امييي توو ترجعووو لدااار.. تووو نلقاكم لكل قدااامي "
غالية :" عيسى شفماا... "
قصيت علاهاا نحكي
انا :" ك توصلوا تو تعرفووو "
علقت علاهاا ورميت التاليفون على طول يدي.. بقيت ماشي جاي حاسس روحي نغلي من العصب لي حسيتو منهم كيفاه يخرجوا ويخليوهاا وحدهاا كيما بقيت نخمم ف شكون الطحان لي مصلحتو يعمل هكاا اما مصيري نلقااااه ويطيح ف يدي وقتهاا والله لا نرحموو.. اي احد يحاول يمس حتى شعرة منهاا مانخليه يدفع حقها الدوبل
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
