#عيسى_يحكي
نفخت وبقيت نضرب عالباب بالقوي.. تلفتت للادم ك شدني من مرفقي يحكي
ادم :" ظاهرلي ماهمش هناا "
قحرتلو نحكي
انا :" هنااا.. الضو يشعل وصوت التلفزة يخدم.... "
قص علياا صوت الباب بي تحل وين شفتو قدامي.. هزيت بحاجبي نحكي
انا :" سقيفتكم طويلة.. عام بش تحل الباب ؟"
عدا بعينيه علينا وغزرلي يحكي
عزيز :" عيسى.. شتعمل هنا ؟"
انا :" جيت نشوف ف سيادتك.. امك وخالك يسالو عليك "
عزيز :" باهي هاني شوي ومروح "
عديت بعينيا عليه وغزرت لدار وراه.. رجعت غزرتلو نحكي
انا :" بش تخلينا واقفين عالباب "
غزرلي درا كيفاه وهزلي براسو لا يحكي
عزيز :" لا لا ادخل هاو تينڤا هناا وحمزة "
رسيت على سنيا بالقوي ودخلت وراه انا وادم.. اشرلي عالصالة يحكي
عزيز :" ادخلو "
قحرتلو ودخلت وين عرضني تينڤا يحكي
تينڤا:" معلم عيسى مرحبا بيك عندي.. صحة شريبتك"
انا :" يعطيك الصحة "
تينڤا :" معلم ادم بكلو هناا.. مرحبا ادخلو خليوني نضيفكم حاجة "
ادم :" لا يعطيك الصحة ماناش بش نبقاو "
قدمت شوي وين قابلني حمزة.. هز راسو معايا وغزرلي درا كيفاه يحكي
حمزة :" صحة شريبتك معلم ؟"
هزيت بحاجبي نحكي
انا :" لعشاء بقاو نص ساعة.. بعد نص ساعة نمشي للورشة ومانلقاكش نتفاهم معاك..مفهووم "
هزلي براسو اي يحكي
حمزة :" تهنى معلم تو نمشي ف الوقت "
قحرتلو وعديت بعينيا عالصالة كيفاه كانت مسخة والطاولة تعيف غير ريحة الدار كلها دخان مانيش عارف كيفاه خوياا راضي يبقى ف المزبلة هاذي.. ضيقت عينيا ك ركزت مع عدد كاسات التاي والمغارف وين كانو أربعة.. تلفتت لعزيز نحكي
انا :" مالا شقيتو فطرتكم انتوما الثلاثة ؟"
هزلي براسو اي ودخل قعد عالفوتاي يحكي
عزيز :" اي اي.. بعثت حمزة شرالناا عشاء من عند عمك الناصر وشقينا فطرناا مع بعضنا "
عديت بعينيا عليهم لكل ورجعت غزرتلو نحكي
انا :" باهي صحة.. اما هاذي اخر مرة تشق فطرك برا داركم.. تو تقوم تمشي تطمن امك وتتعدا لورشتك تشدهاا "
نفخ بالشوي وعدا بيديه على وجهو يحكي
عزيز :" باهي "
هزيتلو براسي باهي وغزرت لحمزة لي باقي قاعد نحكي
انا :" قوم انت شد خدمتك "
هزلي براسو باهي ووقف بالوقت.. قحرتلو وبقيت نتبع فيه حتى خرج.. غزرت لتينڤا يحكي
تينڤا:" هاني لبرا انا نخليكم على راحتكم "
قحرتلو وغزرت لعزيز لي وقف.. عدا بعينيه علياا انا وادم يحكي
عزيز :" ياخي شمجيبكم لهنااا.. ف بالكم بياا طفل صغير تتبعو فيه.. وانت سي عيسى جاي تحكم فياا برا للأمك برا لخدمتك.. انشالله ف بالك بياا صانع انا زادة ك حمزة ؟"
هزيت بحاجبي نحكي
انا :" والله مدامك تتبع فيه بالنسبة لياا انا كيفك وكيفو "
علا ف صوتو شوي يحكي
عزيز :" لا يظهرلك هكااكااا.. انا نتبع لي نحب اما بلاصتي معرووفة... "
ضيقت عينيا فيه وقصيت عليه نحكي
انا :" فكرني فيها بلاصتك.. المزبلة هاذي لي قاعد فيهااا.. ك تعرف انت وين تحط روحك تو نحطك انااا.. وكانك انت لي نسيت انت شكووون قاعد تتبع ف حمززة الهاامل.. مانستغربش نهار لي يطيحلك قدرك مدااامك رامي روحك علاهم "
حل عينيه فيا وعلا ف صوتو بالقوي يحكي
عزيز :" انت شيييهمك فيااا.. خااالط عليااا لهناااا بش تكسرلي راسي بدروووسك.. انااا حر وين نقعد وشكون نخااالط.. خلييييتك انت تعرف شكون تخلط يزي.. على اسااااس صاااحبك لي بجنبيبيك هذاا عرفتووو ف الجاااامع.. كلناااا نعرفووو هو شكووون وكيفااااه عرفتووو بعضكم الزووز "
غزرت للادم ك حل عينيه وهد عليه.. شدو من مريولو يحكي
ادم :" شمجببببدك فياااا انت تووو.. حكييييت معااااك انااا...خليييني مقدرررك على خاطر خووك وعاايلتك.. ماتخليييناااش نوصلوو لتطيح لقدر... "
قصيت عليه ك جبدتو من يديه بالقوي نحكي
انا :" ادممم يزيي "
غزلتو كيف كح يحكي
عزيز :" لااا خفت منك ومنووو.. وزيييد شبييك نسيييبت رووحك سي ديزل كيفاااه كنت.. جاااي تو انت وصاحبك دارين على حمزة.... "
رسيت على سنيا بالقوي بش نحكي اما قص عليا ادم ك رجع هد عليه يحكي
ادم :" لاااا مانسيتتش روحي.. وننصحك ياا عزيز خليني راايض خير ماتراا وجهي لقدييم.. ورد بااالك تحطني انااا وحمزة فرد كفة.. انااا طول عمري راااجل.. حومة كاااملة مقدرتني قبل وتو وكلمتي تمشي عالكبير والصغير مش كيف حمزة واحد طحااان م**** "
قصيت عليه نحكي
انا :" ادم يزي.. شوف عزيز لي عملتو هذا لكل ورحمة بابا لي بش نعديه.. كان مانربيكش اناا على قباحتك هاذي مانيش راجل.... "
قربتلو وشديتو من مريولو نحكي
انا :" حمزة لي تدافع عليه قداه من مرة قدامنااا ماهوش بش ينفعك.. ونهار لي يغدرك رد بالك تجي تشكي لواحد فيننااا واااضح "
نطرلي يدي يحكي
عزيز :" ك نجي نشكيليك نهااار ابزق عليااا.. وتووو لبراا الزوز "
كبست عالبونية متاعي وهزيتهاا ف وجهو بش نضربو من لعصب لي مكني من كلاموو.. شدني ادم وقفني يحكي
ادم :" لااا عيسى.. يزي هياا خليناا نخرجوو "
رسيت على سنيا بالقوي وخرجت نجري.. حسيت روحي غزلت ونار شعلت فيااا من كلاموو وطول لسانو للحظة ماعرفتش كيفاه شديت روحي بش مانفسدلوش وجهو ونحاسبوو على كل شي.. تلفتت للادم ك خلط علياا يحكي
ادم :" ماتتغشش خاطرني شديت خوك هكا... "
قصيت عليه ك ضربتو بالشوي على كتفو نحكي
انا :" انت لي ماتتغشش من كلامو "
ادم:" صلي عالنبي هذا حد عقلك.. ماناخذش عليه "
هزيتلو براسي باهي نحكي
انا :" هياا خلينا نمشيو لجامع "
هزلي براسو باهي وشدينا الثنية.. طريق كامل عديتو نخمم ف لي صار.. للحظة هاذي مانيش مصدق انو هذاكا خوياا لي كبرت معاه.. كيفاه قاعد يتبدل هكاا مش عارف..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
