#لارين_تحكي
خذيت نفس طويل وقدمت بخطواتي ناحية عمتي.. قعدت بجنبهاا وهزيت راسي مع صوت جابر يحكي
جابر :" رينو بنتي شكون طلبك ؟"
رجعت شعري لتالي وتكيت براسي على كتف عمتي نحكي
انا :" صحابي من فرنسا يسألو عليا "
تلفتت على صوتها تحكي
سميحة :" والله لي يرا فرحتك وكيفاه خرجتي تنڤزي يقول كلمك رئيس فرنسا "
قحرتلها نحكي
انا :" هوما عندي خير من رئيس فرنسا.. وزيد فرحت خاطرني توحشتهم ونحبهم "
تلفتت على صوتو يحكي
جابر :" المهم لباس رينو..انا خفت تكون فما حاجة ك ريتك جريت هكاكا "
انا :" لاا لا لباس مفما شي..طلبو يسالو عليا ويهنيوني برمضان..خاطر اغلبهم توانسة ودزيرية زادة "
هز بحواجبو يحكي
جابر :" اا يعطيهم الصحة.. وربي يدوم صحبتكم انشالله "
تبسمت نحكي
انا :" عيشك جابر "
ريتو ك غزرلي على جنب وماحركش عينيه من علياا.. بلعت ريقي ودورت وجهي فيسع على صوتها تحكي
رانية :" بابا هياا خلينا نخرجو.. مش وعدتني بكري "
جابر :" اي وعدتك "
غزرلي ورجع يحكي
جابر :" رينو بنتي هياا اخرج معانا انت وماياا.. دورو شوي واشريو شنوة تحبو تاكلو وانت خوذ سحورك "
هزيت بكتفي نحكي
انا :" مانحبش جابر.... "
قصت عليا عمتي ك شدتني من يدي تحكي
غالية :" يزيك من الدار ليوم ماخرجتش جملا.. برا دور شوي وشوف جو الحومة اول ليلة ف رمضان "
هزيتلها براسي لا نحكي
انا :" لا عمتي ماعينيش والله.. نحب نطلع للسطح شوي انا ومايا.. ميسالش "
تبسمت تحكي
غالية :" اكيد ياروح عمتك ميسالش "
جابر :" باهي قلي شنوة توصي خليني نجيب لبنتي معاياا.. وانت زادة ماايا شنوة تحب نجيبلك بنتي ؟"
مايا :" عيشك عم جابر.. انا مانعرفش شنوة يتباع هناا "
انا :" حتى انا جابر مانعرفش.. جيبلنا اي حاجة على ذوقك انت "
تبسم يحكي
جابر :" باهي يا للا تو نجيبلك على ذوقي "
ريتو ك قام ومعاه رانية يحكي
جابر :" كان تفكرتو حاجة كلكم ابعثو ميساج لرنوش تو نجيبلكم معايا "
غالية :" عيشك سيدي خوياا ربي يخليك "
قرب مسح على شعري يحكي
جابر :" ماترقدش حتى نجي "
تبسمت وهزيتلو براسي باهي.. تلفتت على صوت لآخر ك وقف زادة يحكي
عيسى :" انا زادة بش نطلع نبدل حوايجي ونهبط للورشة ادم من بكري يطلب "
غالية :" باهي يابابا برا وسايس روحك "
قرب باسها من راسها وخرج مع جابر ورانية.. قمت من بلاصتي نحكي
انا :" ماايا هياا خلينا نطلعوا احنا زادة "
قامت بعدي ووقفت قدامي تحكي
ماياا :" كان تحب اسبقني انت.. انا بش ندخل لتوالات ونبدل حوايجي "
هزيتلها براسي باهي نحكي
انا :" باهي ف راحتك ياروحي.. انا تو نسبق ونطلع معايا حاجات ناكلوهم "
هزتلي براسها باهي وعطاتني بظهرها للبيت.. غزرت لعمتي ك وقفت زادة تحكي
غالية :" ايجا معايا تو نحضرلكم حاجات للسهرة "
تبسمت ومشيت معاها للكوجينة.. ريتها كيف حلت لخزانة وجبدت باكو تحكي
غالية :" شد هذا باكو حلو.. طلعو معاك وهاني بش نسخن التاي تو مايا تطلعو معاها "
خذيتو من يداها وقربت بستها من خدها نحكي
انا :" ربي يخليك ليا يا احلى عمة "
مسحت على شعري تحكي
غالية :" ويخليك لياا ياروح عمتك.. هياا برا وسايس روحك ف الدروج.. شعل الضو "
هزيتلها براسي باهي وخرجت.. بقيت طالعة دبة دبة وندندن حليت باكو لحلو وجبدت كعبورة ناكل فيهاا.. اول ماوصلت للطاق الثاني عديت بعينيا عالباب وين تفكرت وقت كنت نطلع نبات حذا عمتي وهو موجود.. فقت من سرحتي عالصوت لقوي لي ضرب ولي خلاني نتهز ونتحط ونعيط بالقوي من الفجعة.. جمدت فبلاصتي نغزر لباكو لحلو لي طاح من يدي وتفرت ف القاعة.. ريتو ك حل الباب وغزرلي.. حل عينيه فيا يحكي
عيسى :" شفما شبيك تصيح ؟؟"
جريت فيسع ناحيتو اول ماسمعت الصوت رجع ضرب وأقوى من المرة لولى.. شديت ف مرفقو نحكي
انا :" ياخي شنوة الصوت هذا ؟ شفما ؟؟ شصاير ف الحومة ؟؟"
طبس راسو وعدا بعينيه عليا يحكي
عيسى :" صار انت مافيبالكش ؟"
هزيتلو براسي لا من غير حتى كلمة.. حسيت ريقي نشف من الفجعة غير دقات قلبي لي قوات أكثر.. طبس علياا شوي ووطى ف صوتو يحكي
عيسى :" لي سمعتو هذاكا صوت تقويص..عنا شكون مهبول هناا وعندو فرد ساعات يصدم عالديار ويبدأ يضرب فيهم "
حليت عينيا على وسعهم وكبست على مرفقو أكثر نحكي
انا :" يعني هو ق/تل شكون تو ؟"
هزلي براسو اي من غير حتى كلمة.. شهقت بالقوي نحكي
انا :" صوت التقويص قريب يعني ينجم يصدم علينا.. اطلب البوليس فيسع.... "
رسيت على سنيا بالقوي ك ريتو شاد ضحكتو.. بعدت عليه وضربتو بالقوي على كتفو نحكي
انا :" تكذب مش هكاا ؟ قاعد تعدي فيهاا علياا "
وخر لتالي وضيق عينيه فيا يحكي
عيسى :" ياخي تتبهلل ماتعرفش صوت الفوشيك "
انا :" منين بش نعرفو انا وزيد هذاا فوشيك قول قنب/لة.. انشالله تطرشق على راسك "
وخرت بخطواتي لتالي اول ماقربلي يحكي
عيسى :" شوفي انا نغزل عليك من ربي.. تزيدي تطولي لسانك قسما بالله مانجيب الفوشيك نحطو ف فمك "
قحرتلو نحكي
انا :" ابعدني وماتحكيش معاياا "
نفخت بالقوي اول ماطبست راسي وغزرت لنعمة ربي ف القاعة نحكي
انا :"هذا لكل من جرتك..من لي عرفتك ماعرفت خير "
عيسى:" تهبط تلمهم "
قحرتلو نحكي
انا :" برا ادخل ولا اهبط ولا اي حاجة لمهم ابعدني وانا نعرف شنعمل "
عدا بعينيه عليا ودخل طول..رسيت على سنيا بالقوي ك ريتو سكر الباب وخلاني وحدي.. نفخت بالقوي وطبست على ركايبي نلم ف الفتفات وفرد وقت نرد ف النفس وراء بعضو من الفجعة لي خلاتني نرعش لتو..
VOUS LISEZ
#مُتمردة_العيسى ❤️🔥 (الستاتي الثاني)
Roman d'amour#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
