#لارين_تحكي
خذيت نفس طويل ووقفت قدام الورشة وين شفت الصانع متاعو خرج.. قربتلو فيسع نحكي
انا :" معلم جابر لداخل ؟"
هز راسو معايا بش يجاوبني اما سكت على صوتو يحكي
عيسى :" عبووودة براا على روحك "
رسيت على سنيا بالقوي ودخلت للورشة بش نشوف جابر.. عديت بعينيا عليها وين لقيتها فارغة نحكي
انا :" جابر وينك ؟"
تهزيت وتحطيت على صوت الڤراج.. تلفتت بالوقت وين شفت الورشة كيفاه ظلامت من وراء الڤراج لي هبطوا لحظتهاا حسيت روحي بلحق تخنقت منو وعصابي توترت اكثر.. طيحت القفة من يدي وقربتلو نحكي
انا :" طلع الڤاراااج خليني نخرررج "
عدا بعينيه علياا وغزرلي درا كيفاه يحكي
عيسى :" ماعندك وين خارجة.... "
قصيت عليه وقت عليت ف صوتي شوي نحكي
انا :" للاخر مرررة بش نقللللك حل الڤاااارج "
عيسى :" نقص صوووتك..مفماش خروج حتى تفهمني شنوة لي عاملتو فالحومة..شبي صوتك طالع هكاكا ؟"
عديت بعينيا عليه مستغربة صحة وجهو.. كيفاه مازال عاطي لروحو الحق بش يسألني.. حليت عينيا فيه نحكي
انا :" شيهممممك انت.. شدخللللك حتى تفهم ولا ماتفهممش "
عدا بيديه على وجهو يحكي
عيسى :" قتلك نقص صوتك.. ويدخلني ك نلقاك واقفة ف نص الشارع تعارك وصوتك واصل لراس نهج والناس تتفرج فيك وقتها يدخلننني "
قحرتلو نحكي
انا :" انااا حرررة.. نعارك..نصييح..نعمل كيما نحب انت شدخلك.. شدخلللك فياااا... "
قص علياا ك علا ف صوتو شوي يحكي
عيسى :" ماااكش حرة.. ماكش عزري مسيب انت هناا.. مدامها قلقتك كنت تنجم تطفيهاا ولا تجييي لهناا تقلي وانا تو نتصرف معاهاا "
تبسمت على جنب نحكي
انا :" شكونك انت سامحني حتى انا نجيك ونقلك ؟؟ ك تبقى انت اخررر واحد مانجييكش.. وهاني انبه عليك اخر مرة تاقف وتدخل فيااا.. انا نعرف ندااافع على رووحي مليييح واااضح.. مانيش قاعدة نستنى فسيادتك بش تجي تتصرف ف بلاصتي "
عدا بعينيه عليا وغزرلي درا كيفاه ساكت.. قحرتلو وقربت بش نهز الڤاراج.. قلبي ضرب بقوة على يديه لي شدتني من مرفقي ووقفني.. غزرت قدامي نحكي
انا :" سيبني "
كبس على مرفقي وطبس عليا شوي وين حسيت بوهج انفاسو لمستني..يحكي
عيسى:" لارين... "
قصيت عليه وقت هزيت راسي وغزرتلو كيفاه قريب مني.. حليت عينيا فيه نحكي
انا :" قتلك اسمي ماتنطقوووش.. رد بالك ترجع تنطق اسمي على لسااانك.. كيف ما انا نسيت اسمك.. انت بش تنسى اسمي وبش تبعد من ثنيتي.. واضح"
نطرت مرفقي منو وقربت فيسع للڤاراج.. طبست وبقيت نحاول نهز فيه اما مانجمتش من كثر ماهو رزين لحظتهاا حسيت سايي عصابي فلتت مني مانعرفش كيفاه هزيت يدي وضربت الڤارااج على قوة جهدي وين عمل حس بالقوي..نحكي
انا :" ايجااااا حلللل "
بعدت فيسع ك ريتو قرب وهز الڤاراج.. لحظتهاا خرجت نجري من حذاها بش نتنفس ونسيطر على دقات قلبي لي حسيتهم بش يضربو ف صدري.. ضغطت على يدي بالقوي محاولة مني بش نتحكم ف رعشة بدني بش مانطيحش.. تلفتت على صوتو يحكي
جابر:" رينو بنتي.. شتعمل هناا ؟"
خذيت نفس طويل وقربتلو.. تبسمت بالسيف نحكي
انا :" انا..انا جبتلكم لفطور عمتي بعثتو "
تلفتت عالصوت بجنبو يحكي
ادم :" الحمدالله على سلامتك لارين "
تبسمت نحكي
انا :" مرسي ادم "
قرب ناحيتي وشدني من يدي يحكي
جابر :" ايجا اقعد حذايا شوي "
انا :" ميسالش مانعطلكش على فطورك وخدمتك.. امشي افطر مدام المقرونة سخونة وبعد روح بكري تو نسهرو مع بعضناا "
عدا بعينيه عليا وتبسم يحكي
جابر :" باهي ايجا طلع معاك الصواني متاع عمتك.. بعثت بكري عبودة جابهملها من الورشة "
هزيتلو براسي باهي من غير حتى كلمة ورجعت معاه وين الورشة.. استندت بيديا عالحيط وغزرتلو كيف هز راسو معايا وغزرلي درا كيفاه لحظتهاا دورت وجهي فيسع وغزرت لجابر لي دخل.. ريتو ك هز صواني ورجعلي يحكي
جابر :" شد رينو.. شوف كان ثقال عليك خلي تو يطلعهم عيسى ف الليل "
خذيتهم من يديه نحكي
انا :" لا لا ماهمش ثقال.. تو نهزهم "
تبسم وقرب باسني من راسي يحكي
جابر :" ايا برا وسايس روحك "
عالكلمة عطيتو بظهري وسرعت ف خطواتي لدار.. بقيت نمشي داخلة بعضي وانا حاسة اطرافي منملة وترعش.. وقفت ف بلاصتي اول مادخلت للعمارة.. غمضت عينيا بالقوي و رجعت حليتهم حاولت نهدي ومانظهرش على روحي الحالة لي انا فيها تو.. غصة شدتني فحلقي ك رجعت تفكرت لي صار.. مانيش فاهمة كيفاه عطى لروحو الحق بش يشدني هكاكا ويرجع يكلمني.. للحظة مافهمتش شمازال يحب مني.. شمازال ناوي يعمل فياا.. كانو ماكفاهوش لي عملو رجع يحب يتحكم فياا من جديد ويعطي ف رايو انا شنعمل ومانعملش.. اصلا كيفاه جاتو الجرأة بش يرجع يغزر ف عينيا بعد لي عملو.. كأنو نسى كلامو وتصرفاتو معاياا.. مانيش عارفة كيفاه بش انجم ننسى وهو قدامي وكل مرة يقرب مني هكاا كيفاه بش نبعدو علياا..مانعرفش قداه بقيت واقفة هكا نخمم ف حل يخليني نبعد عليه عالاقل ف النهار بش مانراهوش.. لازمني نقلل من شوفتي ليه هكاا ارتح لياا انا.. مستحيل نبقى ف الدار هكاا 24 ساعة وهو داخل خارج عليها كيما بكري وحتى ك نخرج للحومة نراه قدامي.. تكيت بظهري عالحيط بقيت نخمم ف الفكرة لي جاتني.. رغم اني مش متأكدة من الخطوة هاذي اما لقيتها هي الوحيدة لي قدامي حالياا بش نرتاح وفرد وقت نشغل روحي وتفكيري لي بقى متمحور عليه هو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
