#لارين_تحكي
فركت يديا ف بعضهم وين حسيت روحي دخلت بعضي من غزرتو لياا غير الفازة لي عملتها انا من غير مانقصد.. بلعت ريقي نحكي
انا :" احم..انا..انا... "
عدا بيديه على وجهو وقص عليا يحكي
عيسى :" راجعة لدار ولا بش تبقى هنا ؟"
انا :" بش نبقى "
عيسى:" باهي مالا شد درجيحتك "
هزيتلو براسي باهي وعطيتو بظهري.. شديت ف يد الدرجيحة وقعدت وين شفتو قرب للشط ونحى شوميزتو.. بقيت ندرجح ونغزرلو ك دخل يعوم.. للحظة استغربت روحي انا كيفاه عملت هكاكا اماوقتها ماخممتش فتصرفاتي كنت فرحانة لدرجة اني مافقتش بروحي شعملت.. خذيت نفس طويل ورجعت نغزرلو وين رجعت سرحت فيه ومعاه.. للحظة تمنيت كان نبقى على طول هناا وهو معايا وقتها معادش حاجتي بشي آخر.. وليت نحس روحي معادش مستحقة حتى عبد من دونو هو.. رغم كل شي صار حسيت عيسى عوضلي برشة حاجات.. عديت بعينيا عليه وتبسمت وانا نشوف فيه كيفاه يغطس ويخرج.. المرة هاذي حسيت روحي نتفرج وانا شايخة خاطرني وحدي نغزرلو مفماش جيهان وغيرها..عوجت شفايفي ك رجعت تفكرت كلام خالد.. إذا بلحق لي نحس فيه غيرة فهو احساس يوجع برشة عمري فحياتي لا عشتو والمشكلة اني مش عارفة علاش انا حاسة هكا اتجاهو هو بالذات.. تكيت بظهري لتالي وبقيت نتدرجح وفرد وقت مستحلية للنسمة وريحة لبحر غير الهدوء لي كنا فيه.. مانعرفش قداه تعدا وقت وانا قاعدة هكا حتى تعبت وراسي وجعني من الشمس وهو ماتعبش.. قمت من بلاصتي وقربت للشط.. اشرتلو بيدي وعليت ف صوتي نحكي
انا :" عيسسسى "
عدا بيديه على شعرو وغزرلي يحكي
عيسى :" شبيك ؟"
انا :" هياا اخرج "
قلبي ضرب بقوة اول ماريتو خرج.. عديت بعينيا عليه وين غزرت لشعرو لي كان مبلول وقطرات الماء نازلين على جبينو.. فقت من سرحتي على صوتو يحكي
عيسى:" شبيك ؟"
للحظة حسيت روحي حشمت وانانرا فيه هكا قدامي.. طبست راسي فيسع نحكي
انا :" شي "
دوب غزرتلو ك لبس شوميزتو ورجع قدامي..عدا بعينيه علياا اول ماهزيت راسي معاه.. دقات قلبي قوات على صوابعو لي بعدت خصلات شعري يحكي
عيسى:" لارين شبي وجهك احمر هكا ؟ لباس ؟"
عديت بلساني على شفايفي نحكي
انا :" اي.. انا لباس.. اما الشمس قوات عيسى.. راسي وجعني وانت مش باهي تعوم تو "
تبسم يحكي
عيسى :" باهي تو ندخلو مالا "
انا :" بش تدخل ترقد؟"
عيسى:" مانظنش "
عوجت شفايفي نحكي
انا :" خير.. خليتني تو ساعة وحدي بقيت تعوم.. ماتزيدش تخليني ساعة أخرى "
عدا بعينيه عليا يحكي
عيسى:" مانيش بش نخليك يزي بلا تنڤنڤ متاعك "
تبسمت وبقيت نمشي بجنبو وفرد وقت نغزرلو.. اول مادخلنا غزرتلو تحكي
انا :" برا دوش ماتوسخش الدار بالرمل.. تو ترصيلي انا لي انظف فيها "
عيسى :" اي نظف شنوة المشكل "
ضيقت عينيا فيه نحكي
انا :" المشكل اني نكره المسحان.. وبرا فيسسسسع "
رسيت على سنيا بالقوي ك ريتو غزرلي على جنب وبقى يمشي ف عقلو كانو يدكك عليا.. عليت ف صوتي شوي نحكي
انا :" يااااعيسى ازرب "
عيسى:" نقص حسك "
نفخت بالقوي ومشيت لبيتي..دخلت طول لسالدوبان غسلت حالتي وريقلت أموري ورجعت للبيت.. بدلت حوايجي وخرجت طول للكوجينة.. حطيت التاليفون عالطاولة وشغلت غناية فيروز بجنبي وقربت جبدت القضية لي بش نستحقهاا للبيتزا.. حطيتها عالرخامة وحليت لخزانة بش نشوف الماعون.. عوجت شفايفي ك مالقيتش ب شنوة نعجن.. نفخت بالشوي ومديت يدي جبدت bol كبيرة شوي حطيتها وبديت نحضر ف العجينة.. عضيت على شفايفي وبقيت واقفة نخمم ف المكونات شنوة بالضبط.. تلفتت على صوتو ورايا يحكي
عيسى :" شتعمل ؟"
انا :" عيسى جابك ربي.. ايجا بش نسألك "
قرب ناحيتي ووقف بجنبي يحكي
عيسى :" شنوة؟"
انا :" ياخي عجينة البيتزا تجي فيها عظم ؟"
عدا بعينيه عليا وعقد بحواجبو يحكي
عيسى:" وانا منين نعرف..قالولك علياا قاعد نعجن "
قحرتلو نحكي
انا :" اهوكا تاليفوني.. هزو واكتب الوصفة واملي علياا انا يدي توسخت "
نفخ بالقوي يحكي
عيسى:" لارين انا ماعينيش ف البيتزا.. يهديك ربي نحي واخرجي "
حليت عينيا على وسعهم نحكي
انا :" لا والله ماتتعشى كان بيتزا.. كان لزم نبقى لليل نحضر فيهاا.. برا اعطيني الوصفة "
رس على سنيه وقحرلي.. مشى وين الطاولة خذا التاليفون ورجع بجنبي يحكي
عيسى :" شد شوف وحدك "
انا :" يدي مسخة علاش هكاا ماتعملي لحاجة كان ماتمرجني "
عيسى :" تزيدي كلمة اخرى مانلبزلك لعجينة هاذي على منظرك "
انا :" هاني سكتت.. اما قبل اكتب.. وصفة بيتزا سهلة وسريعة "
عيسى:" شنوة؟"
انا :" اكتب تو تعرف شنوة "
نفخ بالقوي وطبس راسو يكتب.. تلفتت قدامي نحكي
انا :" تراه اقرالي المقادير "
عض على شفايفو وقحرلي يحكي
عيسى:" ناوية تجلطيني.. شوفي وحدك وفكي على امي "
قحرتلو نحكي
انا :" اولا عمتي ماتجبدهاش.. ثانياا انا مانيش غانيشا "
عيسى :" شكون هاذي ؟"
انا :" اله الهند لي عندها 4 يدين..زوز نعجن بيهم وزوز نشد بيهم التاليفون "
عيسى: هاني بش نكسرلك يديك تو نخليك بلاش جملا "
ضحكت نحكي
انا :" هكاكا انت تعجن "
قحرلي وطبش راسو يحكي
عيسى :" مافيهاش عظم "
انا :" وفيها ياغوت ؟"
رمى التاليفون وقحرلي يحكي
عيسى :" ك انت ماتعرفش شنوة فيها علاش ماتفرجتش قبل "
بلعت ريقي نحكي
انا:" ف بالي متذكرتها ياخي لقيت مخي نساها "
عيسى :" هذا اذا كان عندك مخ اصلا "
انا :" كمل أملي عليااا خير مانتغشش ونخليك بلا عشا الليلة "
خذا التاليفون يحكي
عيسى :" ياريت تفهمي روحك وتتغشي "
قحرتلو وطبست راسي بقيت نسمع فيه كيفاه يملي علياا وهو على عصابو.. ماركزتش معاه وبقيت مركزة مع لعجينة بش تطلع باهية ونخليه يندم..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
