#ادم_يحكي
سكرت كراسة لحسابات وقمت من بلاصتي.. غزرت لعبودة لي دخل وقربليي يحكي
عبودة :" معلم هاني كملت تفقدت الموتور.. امورو ف النوار "
ضربت على كتفو بالشوي نحكي
انا :" عيشو عبودة "
عبودة:" ياخي لمعلم عيسى مش جاي ليوم؟"
قربت هزيت الكاسك متاعي وغزرتلو نحكي
انا :" قال ساعة ويكون هناا "
هزلي براسو باهي وقرب وين الكرهبة لي بش تتصلح.. هزيت مفاتحي وتاليفوني نحكي
انا :" عبودة عينك عالورشة.. انا بش نوصل بقضية ونرجع "
تبسمت اول ماخرجت وغزرت للموترو لي كان على جنب.. قربت عديت بيديا عليه وطلعت..لبست الكاسك وطرت خليت كان لعجاج وراياا.. بقيت نسوق ونزڤزڤ بين النهوجات طاير.. على دورتي حليت عينيا على وسعهم وانا نغزر للطفلة لي طلعت قدامي تدور فراسها يمين ويسار ماغزرتليش..اول ماوصلت قدمهاا شديت فران بالقوي لدرجة العجلة حكت ف الأرض.. رسيت على سنيا بالقوي وغزرتلها بش نشوف شكون العمية لي تمشي كالبهلولة فالشارع..هزيت بحاجبي اول ما شفتها هي نفسها..سكتت الموترو وبقيت نتفرج فيهاا كيفاه تغزر للفلوس لي طيحتهم.. رجعت هزت راسها معاياا وقحرتلي تحكي
ماياا :" ياخي تسوق من غير ماتغزر قدامك ؟"
ميلت راسي وعديت بعينيا عليها من غير حتى كلمة نغزر للجبة لي كانت لابستها.. للحظة بلحق ماصدقتش انو لي قدامي طفلة ڤاورية لي يراهاا يقول بنت حومة قديمة من هيئتهاا ولسانها لي داير برقبتها.. قربتلي شوي وضربت بيداها على راس الموتور تحكي
مايا :" نحكي معاك راني.. هكاكا داخل فيااا شعرة لا ضربتني "
انا :"تعلمي اغزرلي قدامك بش المرة جاي ماندخلش فيك و مانضربكش "
حلت عيناها فيا تحكي
مايا :" يعني انا الغالطة؟"
انا :" اي والغلط راكبك من ساسك لراسك"
عقدت بحواجبها تحكي
مايا :" شمعناها من ساسي ؟
انا :" هههه لا مدام ماتعرفيش ساسي.. لازمني نعلمك الدرس الاساسي..ايجيني كل عشية تو نقريك كلمات جديدة "
وخرت بخطواتها لتالي وغزرتلي درا كيفاه تحكي
مايا :" فاش تحكي انت ؟ ياخي مهبول ؟"
نحيت الكاسك من فوقي نحكي
انا :" سوربرييييز "
حلت عيناها فيا تحكي
مايا :" صااار هذااا أنت ؟؟ "
تكيت بيديا على راس الموتور وتبسمت نحكي
انا :" شنوة فيسع مانسيتي صوتي؟ ساعة انا قلت تو تعرفني طوووول "
هزتني وحطتني بعيناها تحكي
ماايا :" بلحق حقني عرفتك طول..ماعرضني حتى واحد متخلف هنا من غيرك انت "
رسيت على سنيا بالقوي نحكي
انا :" يابنتي لمي لساانك لا تتوحشيه "
حليت عينيا على وسعهم ك ريتها ضربت بيداها بالقوي على راس الموترو..تحكي
مايا :" والله مانشكي بيك لعم جابر كيفاه فجعتني "
نزلت من عالموتور حطيت الكاسك فوق الكرسي وقربتلها.. هزيت بصبعي فوجهها نحكي
انا :" آخر مرة يدك تتحط عالموتور.. نعديلك كل شي كان انك تمسيه "
غزرتلو ورجعت غزرتلي تحكي
مايا :" وكان نمسو شعندك تعملي ؟"
ربعت يدي وهزيت بحاجبي نحكي
انا :"جربي وكان مانعلڤكش فراس النهج من شوافرك لي فرحانة بيهم هاذم انا مانيش الديزل "
قحرتلي تحكي
مايا :" ديزل ؟ لي سماك طلع مايفهمش "
طبست راسي شوي قدام وجهها وتبسمت نحكي
انا :"هاك انت تفهم مالا كان عندك اسم آخر ليا سمعيني "
دوب تبسمت تحكي
مايا :" المتخلف سافا؟ نظن هو اكثر واحد يخرج عليك "
مطيت شفايفي نحكي
انا :" اي عندك حق.. هكاكا يكون عندي عذر بش ك نشد نهار نغفصك مايلومني حد خاطرني متخلف "
قحرتلي تحكي
مايا :" ابعد من قدامي "
شديتها من مرفقها وقفتهاا اول ماريتها طبست بش تلم لفلوس لي طاحولهاا نحكي
انا :" اقفف تو نهزهم انا "
ماياا :" عندي يديا.... "
قصيت علاهاا نحكي
انا :" مانيش أعمى نرا فيهم يديك اما عيب تطبسي وانت لابسة هكاا "
وخرت شوي لتالي تحكي
ماايا :" باهي لمهم فيسع ومدهم "
عضيت على شفايفي نحكي
انا :" يابنتي راني عامل فيك مزية.. احشمي على روحك خير مانشد لفلوس هاذم نحشيهم فڤرجومتك "
مايا :" زايد vulgaire.. Barbare "
ضيقت عينيا فيها نحكي
انا :" تسبي فياا مش هكاا ؟ مالا بري انشالله لي قلتيه على راسك انت.. اصلا السبة تدور تدور وتلصق فمولاهاا "
عديت بعينيا عليها نغزرلها كيفاه ضحكت.. تنهدت بالشوي وطبست لميت لفلوس.. مديتهملهاا نحكي
انا :" شدي.. وساعة شتعملي هناا وحدك ؟"
خذاتهم من يدي تحكي
ماياا :" نلوج عالكوشة بش نشري الخبز.. ياخي طلعت انت قدامي عطلتني راو وفى "
حكيت على جبيني نحكي
انا :" أقفي عسي عالموتور.. هاني جاي "
مايا :" شنووة ؟ ياخي نخدم عندك اناا... "
قصيت علاهاا نحكي
انا :" اسكتتتي وطرسي هناا هاني راجع "
خليتها واقفة وعطيتها بظهري فيسع للكوشة لي النهج لمقابل وين تخدم خات مسعودة نعرفهاا وتخليلي ديما بايتي فالخبر..شريت 5 خبزات ورجعت وين شفتها واقفة بجنب الموتور تعدي فصوابعها عالكاسك.. تبسمت نحكي
انا :" عجبك الكاسك مش هكا؟ ڤري ڤري برك "
مايا :" شوف ياشسمك انت.. آخر مرة تخليني واقفةة هكاا اصلا آخر مرة تعرضني.... "
قصيت علاها ك هزيت ساشية الخبز قدامها نحكي
انا :" زايد مايثمرش فيكم النساء.. كان مش انا ماتخلطيش على ڤعمورة خبز "
عدات بعيناها عالساشي وغزرتلي درا كيفاه تحكي
مايا :" هذا ليا انا ؟"
انا :" كان ليك.. قبل ماتطولي لسانك "
مايا :" محسوب تو نمشي نشري وحدي "
شديتها من مرفقها نحكي
انا :" شدي برك يجعلو لربي"
تبسمت وخذات الساشي من يدي تحكي
مايا :" قداه طلعوا ؟"
طلعت عالموتور نحكي
انا :" المرة هاذي خلاها علياا.. المرة جاي عليك انت يا الغنجة "
غمزتها ولبست الكاسك.. خدمت الموترو وطرت من حذاها.. غزرت من لمرايا وين شفتها باقي واقفة.. تبسمت على جنب وكملت ثنيتي..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
