#خالد_يحكي
بعدت من حذا الدروج فيسع وقت ريتها نازلة.. ريتها هبطت تجري وتبكي.. تنهدت بالشوي وغزرت لفوق نستنى فيه كان بش يهبط وراها ولا لا اما شي ماهبطش.. للحظة حسيت روحي حاير من تصرفات عيسى.. غزرتلها ك جرات لتيراس التلاني وحدهاا.. قدمت بخطواتي ناحيتها وغزرتلها كيفاه قاعدة تبكي وسارحة.. للحظة حسيتها سخفتني كيفاه مخلاها تبكي هكاا وماهانش عليه حتى يهبط يرضاهاا.. عديت بيديا الزوز على وجهي وقربتلها نحكي
انا :" لارين ؟"
مسحت دموعها بكف يداها وغزرتلي تحكي
لارين:" نعم "
انا :" شبيك تبكي ؟"
دورت وجهها علياا تحكي
لارين:" مانيش نبكي "
انا :" امم بش تخبي علياا ؟ مش احنا صحاب ؟"
رجعت غزرتلي وعدات بعيناها علياا تحكي
لارين:" اي صحاب "
انا :" عيسى شقلك ؟"
ضمت على شفايفها تحكي
لارين :" المشكلة انو ماقال شي.. خلاني هكاا حايرة مش فاهمة تصرفاتو..خالد ياخي اناشعملت..هاو كل شي قدام عينيك..قلي شنوة اغلاطي بالك انا نتصرف بلاوعي.. بالك انا غالطة "
قربتلها شوي نحكي
انا :" اولا انت ماغلطت فشي..اما لارين نظن تصرفات عيسى واضحة ك الشمس.. انت برك لي مش فاهمتها "
عدات بعيناها علياا ودارتلي تحكي
لارين :" مفهمتش ؟ كيفاه ؟"
تبسمت نحكي
انا :" عيسى غاير عليك "
حلت عيناها فيا وغزرتلي درا كيفاه.. تبسمت ك وجهها حمار ورمشت عيناها.. غزرت قدامهاا ساكتة.. خليتها تستوعب الجملة فعقلها بلامانكلمهاا بش مانقطعش افكارها.. شوي ورجعت غزرتلي تحكي
لارين :" لاا مانظنش..انا سالتو بكري وهو.... "
قصيت علاهاا نحكي
انا:" هو نكر بالطبيعة.. اكيد مش بش يقلك راني غاير عليك من خالد "
رجعت شعرها لتالي وغزرتلي تحكي
لارين :" وانت كيفاه عرفت؟"
انا :" والله اناراجل ونفهم تصرفات الرجال..وزيد عيسى صاحبي عندو سنين تو.. المرة هاذي تصرفاتو متبدلة حتى معاياا "
لارين :" كيفاه متبدلة؟"
انا :" يعني المرة هاذي كانو مخنوق مني..كل مايراك حذاياا وجهو يتقلب.. يحب يروح فيسع.. ماهوش قاعد يتفرهد كالعادة.. السفرة صارت عبارة عليك انت.. منين تدور هو معاك.. عينيه ديما عليك.. البارح شعرة لا قت/ل الراجل.. يعني عيسى عصبي من قبل اما المرة هاذي الدوزة قوات شوي.. ونظن انت السبب"
دوب تبسمت وعوجت شفايفها تحكي
لارين :" شدخلني انا ؟ اصلا علاش حتى يغير عليااا "
تبسمت وهزيت بحاجبي نحكي
انا :"خليني انا نسالك وكتجاوبني توتجاوب روحك وحدك "
لارين :" شنوة بش تسألني؟"
انا :" بش نسألك انت علاش غايرة عليه ؟"
حلت عيناها فيا كاني تصدمت من سؤالي.. بلعت ريقها تحكي
لارين :" ا..انا مانيش غايرة "
انا :" متأكدة؟ خاطر تصرفاتك انت ماتبعدش برشة على تصرفات عيسى..مثال لبارح ك تقلقت من جيهان.. ريتك ك عطيت مريول عيسى خاطرها تغزرلو.. نزيدك حاجة أخرى.. انت لبارح ماحبيتش تمشي لسهره خاطر هي غادي وانت ماتحبهاش ترا عيسى.. وأقوى فازة.. فازة الكاس "
دوب طبست رأسها وغزرتلي على جنب تحكي
لارين :" مفهمتش "
انا :" لارين.. انا شفتك ك هزيت الكاس وطيحتو.. خاطر ريت جيهان حذا عيسى.. وريتك ك قعدت ف كرسي عيسى بش تقابل انت جيهان "
عدات بعيناها علياا وقحرتلي تحكي
لارين :" ياخي انت ساهر تعس عليا ولاشنوة ؟"
ضحكت نحكي
انا :" مانيش نعس عليك.. اما انا نركز ياسر.. هاذي ميزة فياا "
لارين :" وانا مانحبكش تركز معاياا..ميزتك حطها ف عبد اخر "
انا :" هههه باهي قلي علاش عملت هكاكا "
فركت يداها فبعضهم وغزرتلي تحكي
لارين :" مانعرفش والله.. كل لي نعرفو اني مانحملش قربها منو.... "
عقدت بحواجبي ك ريتها سكتت نحكي
انا :" شبيك سكتت كمل "
لارين :" مانيش عارفة شنوة بش نقول "
انا :" قول لي تحس فيه "
عدات بعيناها علياا تحكي
لارين :" خالد انا نحس روحي نتخنق ك نراها تغزرلو.. نحس قلبي يوجعني ونخاف.. نخاف كان هو يغزرلها زادة.. لبارح مانجمتش نسيطر على تصرفاتي والله.. ماحملتش انهاا تراه وهو هكاكا عالشط.. وماحملتش انهاا تاقف معاه ف السهرة.. خفت كان يوافق ويشطح معاها ويخليني انا.. خفت تفكلي بلاصتي"
تبسمت نحكي
انا :" اما هي مستحيل تفك بلاصتك.. ماعندك علاش تخاف.. تو حسب رايك انا انجم نفك بلاصة عيسى ؟"
لارين:" بالطبيعة لااا "
ضحكت كيفاه جاوبتني طول..نحكي
انا :" هههه مالا حتى هو بالطبيعة لا..لارين خليني نقلك كلمتين..ماتتغشش من تصرفات عيسى وماتبكيش.. خاطر انت زادة قاعدة تتصرف كيفو.. كيما هو متقلق من وجودي انت متقلقة من وجود جيهان "
عدات بعيناها علياا تحكي
لارين :" حسب رايك علاش نتصرفو هكا؟يعني علاش الناس تغير على بعضهاا ؟"
تبسمت على سؤالهاا وين عرفتها مش فاهمة شي خاطر مازالت صغيرة.. نحكي
انا :" الغيرة انواع.. فما غيرة الأصحاب.. وفما غيرة لخوات.. وفما غيرة الحب.. خمم وحدك وشوف عاد.. انت وعيسى شنوة.. خوات ولاصحاب ولا... "
قصت عليا تحكي
لارين:" ولا شنوة؟"
انا :" مانعرفش خمم وحدك "
غزرت قدامهاا وعضت على شفايفها تخمم..تبسمت وانا نغزر لتعابير وجهها لي قاعدة تتبدل.. شوي وغزرتلي تحكي
لارين:" ميسالش ماتقولش لعيسى انو بقينا نحكيو تو"
تبسمت نحكي
انا :" تهنى مانقولش..وهاني ماشي قبل مايجي ويراك معايا "
هزتلي براسها باهي ورجعت غزرت قدامهاا.. خليتها واقفة ورجعت وين صحابي.. بقيت نخمم انا علاش حكيت معاها هكاا..اما حبيت نوضحلها حتى شوي لي قاعد يصير بش ماتبقاش تبكي..كيما حسيت انو لازمني نخلي واحد فيهم يستوعب لي قاعد يصير بيناتهم خاطر عارف لارين صغيرة مش فاهمة ومتاكد عيسى مهما الشي لي يحس فيه مش بش يتكلم..مالا حبيت نبدأ انا ونرمي شرارة بش يفيقو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
