#جيهان_تحكي
وقفت وراء الحيط وغزرتلها ك دخلت تجري لبيتو.. تبسمت على جنب وقربت بخطوات خفيفة للباب.. وقفت ومديت وذنياا نسمع فيهم.. حطيت يدي على فمي نضحك وانا نسمع ف كلامو ليهاا.. هزيت بحاجبي كعرفت انو بلحق ما بيناتهم شي وأنها
الفر/خة تكذب علياا.. بعدت فيسع ودخلت للبيت لي بجبنهم اول ماحسيت بالحثلة.. دوب وطليت وغزرتلها ك خرجت تبكي لحظتهاا حسيت روحي تشمت فيهاا انهاا خسرتو هي زادة.. ف بالها بش نعديلهاا لعبها معايا بالساهل.. رغم اني بقيت نغزل من ضربو لياا الكلب اما حسيت روحي بردت وقت وصلت للي حبيت عليه واني نشوفها تبكي هكاكا واني نسمعو يمزبل فيها بش تعرف انها مش خير مني وامها مجرد فر/خة بوهالية ماتجيش ف ظفري.. اول ماريتها دخلت لبيتها خرجت ودخلت لبيتي انا زادة.. قربت وين المرايا وغزرت لروحي عديت بصوابعي على شفايفي وقت استرجعت طعمة شفايفو غير شكلو كيفاه كان قدامي.. دخلت لسالدوبان وقربت لسبالة حليتها وبقيت نغسل ف وجهي.. اول ماكملت نشفتو ورجعت للبيت غيرت حوايجي وترميت عالفوتاي نخمم شنوة بش نعمل تو.. إذا نبقى ولا نمشي.. عضيت على شفايفي بالقوي ك تفكرت كلامو لياا كيفاه يراهاا هي خير مني..تنطرت من بلاصتي على صوت الكرهبة لي خدمت وين شفت كرهبة خالد تحركت بقيت نغزرلها حتي غابت عليااا وفرد وقت نخمم زعمة وين مشاو الوقت هذاا.. تبسمت على جنب ك تفكرت اني وحدي معاهاا.. قربت فيسع لميت ساكي بش نلقاها حاضرة وقت نحب نخرج ونمشي من هناا قبل مايرجعو.. اما قبل مانمشي قررت اني نخلاهاا هي تخلص حق الضرب لي كليتو منو وحق كل كلمة قالهالي.. هكاكا نشويهم الزوز.. حطيت ساكي على جنب وقربت جبدت لمقص.. عديت بعينيا عليه وخرجت فيسع من البيت.. حطيتو عالطاولة ودخلتلهاا من غير إذن.. شفتها كيف هزت راسهاا معايا وغزرتلي وين حسيت بكره كبير ناحيتها.. قربتلي ف لحظة وبقات تصيح وتدز فياا وين حسيت روحي تشمت اكثر من حالتها هاذي ولي وصلتلو.. لحظتهاا شديتهاا من شعرهاا وكركرتهاا وراياا..خرجتهاا لبرا وهزيت لمقص.. غزرتلها كيف حلت عيناها فيا تحكي
لارين:" لااا لاا رد باااالك تقربليييي.. سيبننننني "
نزلت على شعرها اكثر ودزيتها عالفوتاي.. هديت علاهاا اول ماريتها حاولت تهرب وجبدتها من شعرها نحكي
انا :" الليلة بش نرزيييك ف شعرك لي فرحااانة بيه هذاا.. بش نعلمممك كيفاااه تريشلي شعري هكاكا "
شدتني من يدي وضربتني بيداها لخرى على وجهي تحكي
لارين :" انننت مهبوووولة.. متخلففففة سيبنننننني "
طلعت فوقها ماخليتهاش تتحرك حطيت لمقص فوق رقبتهاا نحكي
انا:" شرايك نوريك لهبااال لي على اصولو "
شهقت بالقوي تحكي
لارين:" جيهان امان ابعدددنييييي..امان بعد لمقص امان "
انا :" تؤؤؤ بش نقصلك لسااانك ف عوض شعرررك.. هانا وحدنااا مفما حد ينجم يخلصك من يدي "
غزرت للمقص ورجعت غزرتلي تحكي
لارين:" امان جيهان ماتعلمش حاجة تندم علاااها.. امان سيبني امان ياخي شعمتلك انااا امااان "
دورت بيديا وراهاا وشديتها من شعرهاا وخرتلها راسها لتالي بالقوي نحكي
انا :" وينو لسااانك لي تطول فيه مالا.. ولا كنت مسخنة كتافك بعيسى.. هاو خلاااك وحدك معاياا ومشى.... "
غمضت عينيا بالقوي على ظوافرهاا لي خبشوني من خدي لحظتهاا بعدت علاهاا نتوجع.. ريتها كيف هرب نڤزت شديتها من ساقيهاا وين طاحت ف القاعة.. طلعت فوقها دورت بساقياا على كرشها.. طبست علاهاا نحكي
انا :" كل حاجة تعملهاا بش تخلص كيفهاا "
صاحت على قوة صوتهاا اول ماجرحتهاا بالمقص ف خدهاا وين الدم سال بالوقت..طرشقت بلبكا تحمي
لارين :" عييييسسسيى... "
قصيت علاهاا نحكي
انا :" مفماش عيسى.. فما جيهان "
طبست علاهاا اكثر وهزيت خصلة من شعرهاا وقصيتهاا بالوقت وين طاحت ف القاعة.. طحت لتالي على يداها لي دزتني.. قامت فيسع وصاحت تحكي
لارين :" خااالد.. عييسسسى "
قمت فيسع وشديتها من مرفقها دورتها قدامي نحكي
انا :" وووين عننندك تممممشي "
شديتها من شعرهاا وخذيت خصلة أخرى بش نقصها.. فلتتها وطيحت لمقص من يدي اول ماحسيت بيد جبدتني بالقوي.. حليت عينيا على وسعهم ك ريتو هو قدامي وعينيه حمرا ك الناار محلولة فيااا.. ترهوجت من قوة الكف لي جاني منو وين طحت ف القاعة والدم تنطر من شفايفي.. بقيت ننهج على بلاصتي من الغزول والخوف لي تخلطو عليااا
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
