#لارين_تحكي
تململت شوي عالصوت لي سمعتو وحشيت راسي ف المخدة.. نفخت بالشوي ك رجعت سمعتها تحكي
مايا :" لاااارين.. يا لارين هيااا فيق "
حليت عينيا بالسيف وغزرتلها نحكي
انا :" هاني فقت.. ياخي قداه الوقت؟"
مايا :" 9:30..قوم معادش وقت على اساس بش نخرجو 10 "
فركت عينيا وهزيت روحي بالسيف.. رجعت شعري لتالي نحكي
انا :" صباح الخير مايا "
تبسمت تحكي
مايا :" صباح النور رينو.. هياا امان فيق عندي ساعة وانا نفيق فيك تعبت "
قربت بستها من خدها نحكي
انا :" سامحني اما والله لبارح مارجعت رقدت كان بالسيف "
مسحت على شعري تحكي
مايا :" نعرف ياروحي.. ك نرجعو قيّل شوي "
هزيتلها براسي باهي وقمت من بلاصتي نحكي
انا :" نعمل دوش خفيف نفيق بيه ونجي نحضر روحي فيسع "
قربت للخزانة حليتها وبقيت نشوف شنوة بش نلبس.. عديت بعينيا عالروب لي عندي وين اخترت روبة زرقاء طويلة يداها نص منقطة بالابيض..جبدتها هي ومنشفتي وهزيت تروسي لي بش نستحقو وخرجت طول لتوالات..سكرت الباب وراياا وحطيت كل شي على جنب ودخلت تحت الماء عملت دوش خفيف صحصحت بيه شوي وخرجت نشفت بدني ولبست روبتي وقربت وين لمرايا ريقلت أموري لكل ورجعت للبيت وين شفت مايا تربط ف حزام ربتهاا لي كانت ف اللون الوردي الفاتح.. نحكي
انا :" انشف شعري ونخرجو طول "
مايا :" رينو ف عقلك تو ناخذو تاكسي و نوصلو ف الوقت انشالله "
هزيتلها براسي باهي وقربت للكوافوز نشفت شعري وشديت شوي منو بشريط حرير ف الأزرق وفردت الباقي.. عمل ماسكارا ورشيت شوي برفان.. خذيت سلسلة نور لبستها وطبست لبست بسكاتي..قربت فيسع هزيت ساكي حطيت فيه الحاجات لي نستحقهم وقربت وين الرسومات حطيتهم ف ساك كبيرة شوي وغزرت لمايا نحكي
انا :" حضرت "
تبسمت تحكي
مايا :" هياا مالا خلينا نخرجو "
انا :" ماياا حاسة روحي متوترة.. حسب رايك يكفي الرسومات هاذم ولا نزيد نهز ؟"
ماياا :" لا يزي.. الي هزيتهم باهين خليه يشوفوهم وكان قالك زيد جيب هز وريه"
هزيتلها براسي باهي نحكي
انا :" هياا خلينا نمشيو "
خذيت نفس طويل وخرجت انا وماياا وين شفت عمتي مقابلة عالطاولة تنظف ف الروز نحكي
انا :" صباح الخير عمتي "
هزت راسها معاياا وتبسمت تحكي
غالية :" صباح النور.. الشه الشه محلى زين بناتي.. قاصدين ربي تو ؟"
مايا :" اي عمتي كهو وقيت "
عقدت بحواجبي ك ريتها قامت من بلاصتها ودخلت للكوجينة.. شوي وخرجت وقربتلنا تحكي
غالية :" شدو خليو لفلوس هاذم فوقكم... "
قصيت علاهاا نحكي
انا :" عمتي والله عندي "
غالية :" ميسالش خلي هاذم زادة عندك.. خوذو تاكسي ف المشي والرجوع وكان عجبتكم حاجة اشريو "
عديت بعينيا عليها وهزيتلها براسي باهي يخلط ماحبيتش نرجع علاهاا.. خذيتهم من يداها نحكي
انا :" عيشك عمتي ربي يخليك لينا "
عدات بعيناها علينا تحكي
غالية :"زويخليكم ليا..ايا براو وردو بالكم على بعضكم..وكِ نطلبكم تهزو عليا مانخليونيش متحيرة "
مايا :" باهي عمتي تهنى عليناا "
كملناا سلمنا علاها وخرجنا فيسع.. خذيت نفس طويل ونزلت انا ومايا.. عديت بعينيا عالحومة وين شفتها كيفاه فارغة والحوانت مسكرة.. عوجت شفايفي نحكي
انا :" ادعي نلقاو تاكسي "
مايا :" خلينا نخرجو لطريق لكبير وين النافورة اكيد تو نلقاو "
هزيتلها براسي باهي وشدينا الثنية.. حطيت يدي على كرشي لي جاعت نحكي
انا :" جعت انا "
ضحكت تحكي
ماايا :" ههه مازلنا صباح رينو.. شد روحك "
هزيتلها براسي باهي وبقيت نعدي ف عينيا عالكياس نشوف ف تاكسي.. تبسمت اول مالمحت وحدة واقفة عالطريق لي مقابل ورشة لآخر نحكي
انا :" ماياا اهيكاا تاكسي "
ضيقت عيناها تحكي
ماايا :" ياخي مش هذيكا نفس التاكسي لي ركبنا فيها مع اكا المتخلف ؟"
عديت بعينيا عليها وقربتلهاا نحكي
انا :" مانعرفش نسيتها انا لخرى "
ريتها ك طلت عالشوفور تحكي
مايا :" لا ممكن انا غالطة.. راجل آخر فيهاا.. استنى خليني نشوفو ليبر ولا لا "
هزيتلها براسي باهي وقربت معاها.. ريتها ك طلت عليه تحكي
مايا :" بونجور.. ليبر ؟"
عدا بعينيه علينا وغزرلنا درا كيفاه يحكي
كمال :" اي ليبر اطلعوا "
تبسمت وطلعت فيسع ومايا بجنبي..حطيت الرسومات فوق حجري وهزيت راسي معاه يحكي
كمال :" وين قاصدين ربي؟"
انا :" دقيقة العنوان عندي ف الساك "
طبست راسي فيسع وجبدت الكارط فزيت متاعو.. عديت بعينيا عالعنوان نحكي
انا :" lac 2 شارع ***** "
اول ماتحركت التاكسي خبيت الكارط وتكيت بظهري لتالي.. قربت لمايا شوي نحكي
انا :" مايا زعمة مش كان طلبنا نزار خير قبل مانمشيو ؟"
مايا :" علاش ؟"
انا :" بش نفكرو.. تصور ينسى ونمشي مانلقاهوش ؟"
عدات بعيناها علياا وهزتلي براسها لا تحكي
مايا :" نو مانظنش ينسى.. ماسمعتش خالد شيحكي عليه.. قال أنو très ponctuel يعني صعيب ينسى "
انا :" انشالله "
نزلت البلار بجنبي وين حسيت بنسمة..تكيت بظهري لتالي وبقيت نغزر للطريق نخمم ف مقابلتي مع نزار كيفاه بش تتعدا.. كيما بقيت نخمم كيفاه بش نخبر جابر بعد إذا الأمور لكل تمت.. أما مهما يكون رأيهم انا سايي خذيت قراري ومستحيل نتراجع فيه مهما يصير.. بش نخدم مع نزار وبش نشد صحيح ف الفرصة هاذي خاطر كان ضيعتها صعيب نلقى كيفهاا.. كيما هاذي فرصتي زادة بش نوري للاخر اني قدمت ف حياتي وماوقفتش وانو مهما يهدد انا مش خايفة منو خاطرو ماعندو مايعمل اصلا انا لقيت هذا اكثر حل بش يخليني نبعد عليه وننساه.. ممكن الدنياا قدمتلي الفرصة هاذي بش تعاوني نتخلص منو ومن لي نحس فيه اتجاهو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
