#لارين_تحكي
عضيت على شفايفي ك ريتها قربت وحطت القفة عالطاولة وغزرتلي تحكي
غالية :" رينو ايا شد هز فطور الجماعة وايجا فيسع بش تفطر "
بلعت ريقي وهزيت القفة نحكي
انا :" باهي عمتي.. اما اناهي ورشة فيهم ؟"
غالية :" ورشة عيسى..بش يتلمو كلهم غادي "
قلبي ضرب بقوة وين حسيت روحي توترت قبل مانمشي.. هزيتلها براسي باهي وغزرت لمايا نحكي
انا :" مايا انا نهز هاذي لجابر ونجي فيسع "
عدات بعيناها علياا وغزرتلي كاني فهمتني تحكي
مايا :" رينو تحب نجي معاك ؟"
هزيتلها براسي لا وتبسمت نحكي
انا :" لا ياروحي خليك.. انا مانبطاش جرية ونجي "
غالية :" اي ماايا خلاها معايا تحضر الطاولة.. بش ك تجي انت تلقى كل شي حاضر "
هزيتلها براسي باهي وغزرتلها كيف رجعت للكوجينة.. تلفتت لمايا كيف قربتلي تحكي
مايا :" رينو متأكدة ماتحبنيش نجي معاك "
ضحكت بالسيف نحكي
انا :" اي متأكدة وانت لابسة بيجاما كان نستناك تبدل تو لفطور يبرد وعمتي تتغشش علينا "
عدات بعيناها علياا وتبسمت تحكي
مايا :" باهي برا ماتبطاش ورد بالك على روحك "
هزيتلها براسي باهي وعطيتها بظهري.. خذيت نفس طويل وقربت فيسع للباب حليتو ونزلت خطوة لقدام وعشرة لتالي.. وقفت فبلاصتي اول ماوصلت لباب العماره وغزرت للحومة.. احساس غريب سيطر علياا اول ماعديت بعينيا عليها وين شفتها كيفاه معبية.. النساء مروحين من المرشي للوقت هذاا والصغار قدام المكتب لمقابل وين لقيت روحي نخمم زعمة انا بش انجم نستقر هناا بيناتهم..بش نكون مرتاحة ومتقبلة الجو لي حسيتو صار جديد علياا أكثر من المرة لولى مش عارفة علاش..عديت بلساني على شفايفي وشديت ثنية الورشة.. بقيت نمشي ونغزر للصغار لي ماشين يقراو واماتهم معاهم.. فقت من سرحتي عالصوت ورايا تحكي
رقية :" حمدلله على سلامتك..وانا نقول الحومة منورة طلعت الڤاورية رجعت "
حليت عينيا على وسعهم اول ماتلفتت ولقيتها ام البهلول.. عديت بعينيا عليها مستغربة طريقة كلامها معايا كاني خارطة علياا..قحرتلها نحكي
انا :" اولا انا مانيش ڤاورية..ثانيا تفضل شتحب ؟"
قربتلي وحطت قفتها على جنب.. عدات بعيناها عليا تحكي
رقية :" جيت نسلم عليك.. ساعة المفروض انت لي تجي تسلم عليا.. ياخي ماعلموكش انو الصغير يسلم عالكبير "
انا :" لا علموني.. وعلموني زادة اني مانحكيش مع عبد مانعرفوش وانت مانعرفكش "
هزت بحاجبها تحكي
رقية :" يابنيتي شبي شوكتك ديما واقفة معاياا.. ياخي احنا مش جيران..هانا الدار فالدار محسوب رانا عيلة وحدة "
غمضت عينيا بالقوي و رجعت حليتهم نحكي
انا :" لا ماناش عايلة وحدة.. وابعدني تو "
رقية :" خسارتك ماكش كيما اختك.. ياحسرة على رنوشة تعرضني بالبوس والحملة.. كان جات هي تو ف بلاصتك راي هزتلي القفة وقتلي خلي عليك خات رقية تو انا نوصلهالك "
عديت بعينيا عليها نحكي
انا :" والله هذيكا اختي..امورها هي تعمل لي تحب انا ماعلمونيش نهزز قفف الناس ولا نبوس عباد مانعرفهمش "
عوجت شفايفها تحكي
رقية :"صحيح كل حد وربايتو..ورباية سميحة وحدها"
طيحت القفة من يدي وقربتلها.. حليت عينيا فيهاا وعليت ف صوتي شوي نحكي
انا :" شتتتقصد انت ؟؟ قصدك اناا مش متربية ؟؟؟"
وخرت لتالي تحكي
رقية :" يابنييتي بالشوي لاترجع تدوخلي كيما اكا المرة "
انا :" شوف انت خيرلك تبعدني.. آخر مرة تراااني وتوقفني هكااا بااهي.. خيير والله مانشكي بييك لجاابر وهو تو يتصرف معاااك "
تلفتت عاليد لي جبدتني.. دمي فور اكثر كيف ريتو هو.. عدا بعينيه علينا وغزرلي يحكي
عيسى :" شفما هناا ؟ شبي صوتك عالي هكااا؟"
نطرت مرفقي منو وقحرتلها نحكي
انا :" ورد بالك تخممي لي انا كيف رانية باهي.. انا مانخدم عند حد.. يديك فيك هز قفتك وحدك "
غزرتلو كيف قربلها يحكي
عيسى :" شفما خات رقية ؟ قفة شنوة لي تهزهالك؟"
رقية :" مفما شي يا وليدي انا ريتها وقفت نسلم علاهاا وقتلها رانية متعودة تهزلي القفة هي تغششت"
ضغطت على يدي بالقوي من لعصب لي حسيتو من كذبهاا.. هديت عليها نحكي
انا :" يااااخي على شكووون تكذب ااانت ؟؟"
غزرتلو تحكي
رقية :" ريتها كيفاه تعلي فصوتها علياا قدام الناس.. ماغلطتش ك قلتلها ربايت رانية وحدهاا "
عيسى :" كلمة اخرى وتو نوريك ربايتي انا على قاعدة.. آخر مرة تحكي معاهاا هكاا "
قحرتلو وغزرتلها تحكي
رقية :" اب اب اب.. شنوة هذاا لا عاد حشمة ولا قدر تعليو ف صواتكم علياا.. ف عوض ما تدور علاهاا وتقلها احشمي مرا قد امك تقوم تدور عليااا اناا "
عيسى :" ماندوورش علاها خاطر مش هي لي عرضتك ووقفتك ف الشارع.. وانا مش نبهت علييك آخر مرة قتلك تشوفيها فالنهج تمشي ف النهج الثاني"
رقية :" علاااش يابابااا الحومة ب اسمك ولا اسمها.. ف بالك الدنيا على ڤرنك يا ولد غالية.. انا نتعدى منين نحب"
تهزيت وتحطيت على صوتو يحكي
عيسى :" خااااات رقييية صببببحي هالنهااار.. ماتخلينيييش نخرررج من عقلي بش مانوصلوووش لتطيح لقدر.. نبهتتت عليييك بش تبعديهااا.. راااني مانحبش نعاااود كلاااامي "
عدات بعيناها علينا وغزرتلو تحكي
رقية :" حسابي مش معاك مع امك "
ريتها ك قحرتلي وهزت قفتها ومشات.. نفخت بالشوي وغزرت لنسا الحومة واقفين يتفرجو.. دمي فور مني ك سمعتو بحكي
عيسى :" امشي قدامي "
قحرتلو وطبست هزيت القفة من غير مانجاوبو..سرعت فخطواتي بش مانمشيش بجنبو ولا نسمعو.. اصلا حسيت روحي غزلت منو هو اكثر منهاا هي..
VOUS LISEZ
#مُتمردة_العيسى ❤️🔥 (الستاتي الثاني)
Lãng mạn#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
