#لارين_تحكي
دورت وجهي فيسع وهربت عينيا من عينيه لي مانزلتش من علياا.. طبست راسي وغزرت ليد جابر لي تحطت فوق يدي يحكي
جابر :" فاهمك وراس بنتي ومن اول ماجيت انا قتلك مانيش بش نحرمك من أحلامك بالعكس انا نحب نشوفك احسن وحدة ف الدنيا لكل..على هذاكا ميسالش اخدم على روحك مدام انت حابتهاا ومدامها خدمة مرتاحة مانيش بش نقلك لا وزيد هاني طمنت شوي ك قتلي خالد سأل عليه.. اما شوف لارين هاو قدام لكل اوعدني هاذي اخر مرة تخبي علياا.. اي حاجة بش تعملهاا من هناا لقدام ايجا قلي خلينا نتناقشو نحكيو وانا اكيد بش نفهمك.. وراس بنتي انا مستحيل نمنعك من حاجة انت تحبها.. بالعكس لي تحب عليه انت شاور برك وبوك ينفذهولك "
عديت بعينيا عليه وين حسيت براحة كبيرة بعد كلامو كيما حسيت روحي ندمت خاطرني ماقتلوش من الاول.. يمكن خاطرني مازلت مش عارفة طريقة تفكيرو مليح الشي لي خلاني نخبي..تبسمت نحكي
انا :" باهي نوعدك معاد نخبي عليك شي.. مانحبكش تتغشش منى جابر "
جابر :" مانيش متغشش.. المهم انت فرحانة تو ؟"
ضحكت نحكي
انا :" اي عاللخر.. ربي يخليك "
طبطب على يدي يحكي
جابر :" ويخليك لياا.. هياا كمل عشاك "
هزيتلو براسي باهي وتلفتت لعمتي تحكي
غالية :" سايي رينو معناها بديتي خدمة ؟"
هزيتلها براسي اي نحكي
انا :" اي عمتي.. ليوم نزار فهمني شنوة بش نعمل بالضبط والليلة لازمني نبدأ خاطر الخدمة لازمها تكمل ف شهر "
غالية :" وبش تخلطي ف شهر ؟"
تبسمت نحكي
انا :" بقدرة ربي نخلط.. انا الليلة بش أنظم أفكاري وغدوة نمشي للمدينة العربي ونشوف "
جابر :" شعندك تشوفي ؟"
انا :" جابر الإعلان بش يتصور غادي.. مالا نزار قلي اعمل دورة ف المدينه العربي واختار بلاصة مزيانة بش نستوحي منها الفستان لي بش نصممو "
هزلي براسو اي يحكي
جابر:" فهمتك ربي عينك بنتي.. وتو اكيد الخدمة ف الدار ؟"
هزيتلو براسي اي برشة مرات نحكي
انا :" اي والله.. خاطر لبلاصة بعيدة عليك ومفماش خدمة كبيرة تو نزار قلي اخدم ف الدار وايجا كان جمعة وسبت وريني شعملت "
تلفتت على صوت عمتي تحكي
غالية :" اي يعطيه الصحة والله.. خير اخدمي ف الدار ارتحلك هناا تلقى راحتك خير "
تبسمت نحكي
انا :" اي حتى انا قلت هكا "
تلفتت على صوتها تحكي
سميحة :" اما ظاهر فيه لباس عليه نزار هذا مدام حل شركة هكاا "
غزرتلها على جنب نحكي
انا :" اي لباس عليه.. نزار كان مدير تنفيذي ف اكبر دار ازياء فباريس بقى معاهم 10 سنين"
سميحة :" 10سنين؟مالا قوليلي راو راجل كبيرة كبة "
هزيتلها براسي لا نحكي
انا :" لا بالعكس.. مازال صغير "
تلفتت بالوقت على صوت لآخر ك نفخ.. عديت بعينيا عليه نغزرلو كيفاه كان مطبس راسو وكابس عالكاسة لي كانت ف يديه بالقوي.. بلعت ريقي وتلفتت على صوتها ك رجعت تحكي
سميحة :" اي وعطاك شهرية باهية ؟"
عديت بعينيا عليها نغزرلها مش فاهمة هي شدخلهاا اصلا ف الشهرية.. سمعت جابر ك سبقني يحكي
جابر :" يعطيها لي يعطي.. بنتي مش مستحقة شهريتو هي بش تخدم خاطرها تحب خدمتها مش خاطرها مستحقة فلوسو "
تبسمت وغزرت لعمتي تحمي
غالية :" اي بالطبيعة رينو مش مستحقة حد..بنتي هناا معززة مكرمة "
تبسمت نحكي
انا :" عيشك عمتي ربي يخليك ليا "
غالية :" ويخليك لياا ومبروك عليك الخدمة ياروحي "
انا :" يبارك فيك عمتي "
نفخت بالشوي ك سمعتها رجعت تحكي
سميحة :" وانت مايا دبرتي خدمة مع صاحبتك؟"
رسيت على سنيا بالقوي من لعصب لي حسيتو من وراء تنسنيسها.. غزرت لمايا ك تبسمتلها تحكي
مايا :" لا مادبرتش خدمة.. اما رينو حكات مع نزار علياا انا وقتلو لي انا نخدم فالفخار مالا هو بعثني لمدرسة تكوينية يخدم فيها صاحبو "
غالية :" ناوية تقري مايا ؟"
مايا :" اي عمتي جيست شهرين ولا ثلاثة بش ناخذ شهادة وبعد هوما يمولوني بمبلغ نحل بيه مشورع هنا "
ريتها ك عدات بعيناها علينا وتبسمت على جنب تحكي
سميحة :" ولد حلال هانزار..وحدة خلاها تخدم ولخرى خلاها تقرأ.. ربي يكثر منو الناس "
هزيت بحاجبي نحكي
انا :" كانك استغربتي خاطر مازال فما خير فالدنياا؟"
قحرتلي وغزرت لبنتهاا تحكي
رانية:" بااباا يعني انا مش خارجة الليلة ؟"
جابر :" لا رنوش اخرج انت وامك وكان عمتك تحب تو تمشي معاكم "
غزرتلو تحكي
غالية :" لا انا مانخليش لبنات وحدهم "
غزرتلها نحكي
انا :" لا برا عمتي بدل الجو شوي..ماتخافش علينا"
مايا :" اي عمتي برا ميسالش.. ديجا رينو بش تبقى تخدم وانا ممكن نرقد "
عدات بعيناها علينا تحكي
غالية :" باهي مالا المهم هنيوني "
تبسمت وهزيتلها براسي باهي.. تلفتت للاخر وين شفتو يحكي مع ادم ووجهو مقلوب..شوي ووقفو من بلاصتهم.. ريتو ك قحرلي وغزر لجابر يحكي
عيسى:" صحة ليكم.. خالي احنا انا هابطين "
جابر :" خليكم ساهرين شوي "
ادم:" ميسالش عم جابر لازمنا نحلو الورشة قبل لعشاء "
عديت بعينيا عليه نغزرلو كيفاه واقف ساكت.. سمعت عمتي تحكي
غالية :" باهي براو وتو بعد نبعثلكم حاجات تسهرو بيهم.. ماكليتوش مليح الليلة "
ادم :" عيشك غاليوتة "
ريتو ك عطانا بظهرو بالوقت وخرج فيسع.. بقيت نتبع فيه بعينيا حتى خرج بعد صاحبو ولطخ الباب.. عقدت بحواجبي مستغربة تصرفاتو مش فاهمة شبيه قالب وجهو كانو مايكفيش كيفاه دخل روحو بكري ويسال فياا وقتلي يعرفني مانحكيش معاه اما يحب يحطني قدام الأمر الواقع غير عينيه لي وقت كامل وهي تقحرلي ف بالو بش يخوفني..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
