#عيسى_يحكي
عديت بيديا على وجهي وخذيت نفس طويل محاولة مني بش نهدي روحي قدامهم رغم اني عارف هذا صعيب.. رجعت تفقدتها وخرجت فيسع.. خليت الباب مردود علاها وقدمت شوي وين قابلوني لكل واقفين ف الصالة..عديت بعينيا عليهم واحد واحد وغزرت للامي لي قربتلي تحكي
غالية :" عيسى شفما؟؟ شصااار ياوليدي "
غزرت للوقت من المنڤالة لي كانت فيدي ورجعت غزرتلهم نحكي
انا :" كان ماطلبتكمش وقتاه كنتو ناوين تروحو ؟"
قحرتلهاا ك ريتها قربتلي وعوجت شواربها تحكي
سميحة :" علاش زادة ؟ الوقت مازال بكري والحال رمضان نروحو وقت لي نروحو "
رسيت على سنيا نحكي
انا :" يعنني كنتوو ناوين تصبحو ف الشااارع ومخلين زوز بنات وحدهم ف الدااار "
سميحة :" شنوة بش يصيرلهم.. بش ياكلوووهم "
حليت عينيا فيهاا مانعرفش كيفاه شديت روحي بش مانطيحلهاش قدرهاا.. غزرت للامي ك شدتني من مرفقي تحكي
غالية :" عيسى فهمني شفما..برحمة بوك تكلم "
ريتها كغزرت على جنب وين شفت ماياا قدمت مع ادم ووقفو بجنبي.. عدات بعيناها علينا تحكي
غالية :" لارين ويني ؟ تي تكلمووو شفمااا "
مايا :" عمتي لارين راقدة لداخل "
غالية :" شبيها راقدة من تو ؟ شصااار ؟"
ضغطت على يدي بالقوي وعديت بعينيا علاهم لكل.. عليت ف صوتي نحكي
انا :" لي صاااار انوو فمااا شكووون دخل عالبناااات.. قص علااااهم الضو وخوفهممم.. كااان ماكلمتنييييش مايااا فالوقت الله اعلم شكان بش يعمل فيييهم "
حلت عيناها فيا وضربت بيداها على صدرها تحكي
غالية :" ياشومي على سعدي.. شكوون لي دخل علاهم.. فاش تحكي عيسى ؟"
عديت بيديا على شعري وكبست على رقبتي.. عليت ف صوتي اكثر نحكي
انا :" نحكي ف لي صااااار.. ولي صااااار غلطة شكوون غلطتكمممم انتوماااا خاارجييين ضاربين 4 سوااايع فشااارع ناسيييين لبنات وحدهم هناااا "
سميحة :" واحنا منين نعرفو هذاا بش يصييير.. قلنالهم هياا معاناا هوما شدو صحيييح يحبوو يبقاو مالااا غلطتهم هومااا "
رسيت على سنيا بالقوي نحكي
انا :" شمعناهاا غلطتهم هوما... "
قص علياا ادم ك شدني من مرفقي وجبدني اول ماهديت علاااها.. يحكي
ادم :" عيسى مش وقتو لكلام هذاا تو..خلينا فالمفيد "
خذيت نفس طويل وغزرت للامي ك شدت ماياا تحكي
غالية :" ماياا بنتي انت لباس؟ ماصارلكم شي.. يفرحكم تكملو راني نرعش "
ماايا :" عمتي ماتخافش ماصارلناا شي والله.. ادم وعيسى جاو فالوقت ومن بكري قاعدين معاناا "
غالية :" ولارين شبيها راقدة من تو ؟ خليني نمشي نشوفها "
وقفت قدامهاا ماخليتهاش تتعدا نحكي
انا :" امي لارين راقدة.. خلاهاا ترتاح هي خافت بكري وزيد مانحبهاش تفيق وتسمع لحديث هذا تو ترجع تخاف "
عدات بعيناها علياا وحطت يداها على صدري تحكي
غالية :" عيسى ماتخبيش علياا..صارت حاجة للارين.. طمنوني يفرحكم شصار لبنتي "
تنهدت بالشوي نحكي
انا :" ياا امي والله لارين مليحة.. انا كنت حذاهاا تو حتى رقدت.. ماتخافش "
هزتلي براسها باهي وعدات بيداها على وجهها.. ريتها ك ترمات عالفوتاي ترد ف النفس وتحكي
غالية :" من وقتاه احنا يدخلولناا سراق.. عايشين عمر كامل ف الحومة كلهم يعرفونااا ويقدروناا.. عمرو حد ماخمم حتى يقول كلمة أعوذ بالله لينااا "
ريت مايا ك خذات كاسة الماء وعطاتهاا للامي تحكي
ماايا :" عمتي شد اشرب "
عديت بعينيا عليهم لكل وركزتهم على سميحة لي كانت قاعدة وبجنبهاا بنتها ساكتين.. نحكي
انا :" الي دخل ماكانش ناوي يسرق.. لي دخل حب يخوف لبنات "
هزت راسها معاياا وغزرتلي درا كيفاه تحكي
سميحة :" وانت منين ليك ؟"
ادم :" خاطر لبنات كانو فالسطح.. كان ينجم يستغل الفرصة انو الدار فارغة ويدخل يسرق لي يحب.. اما هو بقى يلوج علاهم من طاق لطاق حتى وصل للسطح "
تلفتت للامي ك ضربت على ساقيها وشهقت بالقوي تحكي
غالية :" ياشومي.. الله لا تربحهمم ولاد لحرام"
سميحة :" شكون هالي عندو مصلحة بش يعمل هكاا.. اصلا انتوما ريتوه بعينيكم تتكلمو هكاا؟"
ضيقت عينيا فيها نحكي
انا :" لا ماريناهوش وبعد لوين تحبي توووصلي ؟؟"
وقفت من بلاصتها تحكي
سميحة :" لي نحب نوصلو انو ممكن لبنات يتخيلو..."
عديت بعينيا عليها وين حسيت دمي فور منهاا وكرزت لسماء..قصيت علاهاا وقت عليت ف صوتي نحكي
انا :" كيفاااه يتخيلوو.. الزووز بش يتخيلوو نفس الصووت.. ومنڤاالة الضو الي لقاااها ادم هابطة هوماا هبطوهاا زادة.. لي عمل هكااا مستقصد لبنااات.. عارفهم وحدهم فالدااار.. يااعس عليكم كخرجتوو.. ياحد وصلوووو خبرر انهم وحدهم "
سميحة :" شتقصد بحد وصللهم خبر... "
قصت عليناا امي تحكي
غالية :" حد ماعندو مشكلة مع لبنات كان رقية.. ليوم برك تعاركت مع ماياا..وايامات قبلهم تعاركت مع لارين "
عديت بعينيا عليها وين تفكرت كلام ادم ليوم.. غزرتلو ك وقف بجنبي وغزرلي هو زادة.. تلفتت لسميحة تحكي
سميحة:" غالية صلي عالنبي.. رقية جارتنا عندها سنين مستحيل تعمل هكاا "
غالية :" كان جات تعرف الجيرة راي مش كل مرة موقفة وحدة من لبنات وحاطة راسها من رأسهم.. ليوم برك شدت ماياا فالشارع وادم معاهاا ماخلت ماقالتلهم "
سميحة :" وين كان متخبيلنااا هذاا لكل.. طول عمرنا بالقدر مع الجيران.. واليوم تحبو تعملو العيب... "
كبست عالبونية متاعي بالقوي من لعصب لي حسيتو منهاا نحكي
انا :" العيييب بداااوه هوومااا.. وخلي يطلع عندهم دخل كان مانهدش الحومة على راااس رقية وولدهااا انا مانتسماش... "
تلفتت اول ماقص علياا صوت شهقتهاا ورايا..وين شفتها واقفة ساندة بيداها عالباب تعدي فعيناها عليناا لحظتها ندمت على صوتي لي علاا وخلاهاا تفيق..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
