#لارين_تحكي
رشيت الفرينة عالرخامة وحطيت لعجينة قدامي خذيت القلقال وبقيت نفرد فيهاا على شكل دائرة.. نفخت بالشوي ك حسيت بالفولارة زلقت من شعري وين تفرد لكل وقصتي طاحت وغطاتلي عينياا.. بقيت نحرك ف راسي بش نبعدها اما شي.. تلفتت لعيسى لي كان بجنبي يقلي فالفريت نحكي
انا :" عيسى "
عيسى :"نعمممم"
انا :" يا عيسى اغزرلي "
قحرلي يحكي
عيسى :" كيفاه تحبيني نغزرلك وعينيا عالبطاطا لي لصقتها فياا لا تتحرق "
قربتلو شوي نحكي
انا :" ماتتحرقش هاك تو وين رميتهاا "
غمض عينيه بالقوي ورجع حلهم.. تلفتتلي يحكي
عيسى :" شتحب؟ "
قربتلو اكثر وهزيت راسي قدامو نحكي
انا :" عيسى امان رجعلي قصتي وراء وذنياا قلقتني "
قربلي شوي وعدا بعينيه عليا غزرلي درا كيفاه.. تبسمت مع صوابعو لي تعدات على شعري ولمست وجهي.. رجعلي قصتي لتالي وغزرلي يحكي
عيسى :" سافا هكا ؟"
هزيتلو براسي اي نحكي
انا :" اي سافا اما ميسالش تكمل تلملي الباقي "
عيسى :" كيفاه ؟"
اشرتلو بصبعي نحكي
انا :" هز الفولارة وتو نقلك كيفاه "
تنهد بالشوي وطبس هزها.. عطيتو بظهري ووقفت قدامو نحكي
انا :" لم شعري لكل واربطو ب الفولارة "
عيسى :" لارين انا مانعرفش... "
قصيت عليه نحكي
انا :" ماهيش صعيبة والله.. جرب "
بدني رعش اول ماحسيت بيه قربلي اكثر ويديه شدتلي شعري..جمدت فبلاصتي ك حسيت بصوابعو لمسو رقبتي وقت طلعلي شعري لفوق.. بلعت ريقي نحكي
انا :" تو لف الفولارة واربطها "
للحظة حسيت روحي شايخة وانا نحس فيه كيفاه قاعد يحاول من غير مايقول حتى شي وين لقيت روحي مستحليه ليديه لي قاعدة تتعدا على كل خصلة من شعري..السفرة هاذي لكل خلاتني نشوف جزء آخر من عيسى..تصرفاتو معايا ومعاملتو ليا خلاوني نتعلق بوجودو من غير مانحس.. كيما لقيت روحي قدامو معادش نخمم برشة نتصرف بلا مانحسبهاا.. فقت من سرحتي على صوتو يحكي
عيسى :" هذا لي نجمتوو "
تبسمت وتلفتتلو.. عديت بعينيا عليه نحكي
انا :" ك محاولة اولى تتسمى سافا "
ضيق عينيه فيا يحكي
عيسى:" ومحاولة اخيرة "
هزيت بكتفي وضحكت نحكي
انا :" ههه تو نشوفو هكاكا... "
قص علياا صوت صوت المقلة لي تشتشت.. حليت عينيا على وسعهم ك شفت البطاطا تحرقت شوي.. قحرلي يحكي
عيسى :" عجبك هكا ؟"
بعدت عليه فيسع ورجعت لرخامة نحكي
انا :" شدخلني انا ؟؟ انت بقيت ساعة واحل ف شعري "
نفخ بالقوي وبقى ينزل فيهاا..تبسمت نحكي
انا :" هذيكاا متاعك انت راهو "
قحرلي يحكي
عيسى :" كمل لي ف يديك خلينا نخرجو من هناا خاطرني بديت نفد "
طبست راسي بالوقت ورجعت نفرد ف العجينة حتى كملت.. حطيتها ف طبق وبقيت نحط ف الصوص والجبن.. تلفتت وين شفتو يقلي ف الباقي..نحكي
انا :" عيسى امشي شعلي الفرن فيسع بش يسخن "
قحرلي يحكي
عيسى :" ف بالك بياا طفل صغير ؟ من بكري وانت اعمل هكا.. جيب هكا ؟"
انا :" امان عيسى والله اخر طلب "
عيسى :" ايجا أقف هنا وابقى حرك فيها بش ماتلصقش "
هزيتلو براسي باهي وقربت للمقلة.. شديت لمغرفة وبعدت شوي وانا نحرك فيهاا.. غزرتلو يحكي
عيسى :" على قداه بش تحطو يشعل ؟"
عوجت شفايفي نحكي
انا :" شنوة قالت الطفلة بكري ف الوصفة؟"
عيسى :" وانا وين نعرف "
انا :" تي مش انت تفرجت فيه ؟ كيفاه ماتعرفش ؟"
عيسى:" شوفي آخر مرة تحليلي الحرب هاذي.. ماتعرفيش حاجة ماتعمليهاش "
حليت عينيا على وسعهم نحكي
انا :" والله هاذي هي خيرا تعمل تجلطيما تسمع "
قرب ناحيتي وقحرلي يحكي
عيسى:" انا نتجلطمم ؟"
هزيت بحاجبي نحكي
انا :" مالا فاش قاعد تعمل ؟ من بكري وانت تسمع فياا فالكلام وقتلي انا نعمل ف هذا لكل على خاطرك "
عدا بيديه على وجهو ورجع وين الفرن يشعل فيه.. غزرلي يحكي
عيسى:" هات الطبق "
هزيتلو براسي باهي وقربت هزيت الطبق.. خذاه من يدي وحطو.. تبسمت نحكي
انا :" زعمة بش تطلع بنينة ؟"
عيسى :" ك تذوقي قوليلي"
عطاني بظهرو ومشى وين لفريجيدار.. ضيقت عينياا فيه نحكي
انا :" علاش انت مش ناوي تذوق ؟"
شهقت بالقوي ك ريتو جبد لعظم.. قربتلو نحكي
انا :" شنوة بش تعمل ؟"
مشى وين الغاز رجع يحرك ف المقلة.. قربتلو نحكي
انا :" علاش جبدت عظم ؟"
هز بحاجبو وغزرلي يحكي
عيسى :" بش نعمل عجة.. نعملك معايا؟"
عديت بعينيا عليه نحكي
انا:" تفدلك مش هكا ؟"
عيسى:" لاا "
انا :" ك هكاا برا طفي علاهاا البيتزا مدامك ناوي تاكل عجة..وريت هاذي اخر مرة نعملك حاجة.. انا الغالطة لي واقفة قريب ساعتين على خاطرك "
شدني من مرفقي اول ماتحركت.. وقفني قدامو يحكي
عيسى:" وين ماشية "
انا :" سيبني.. ماشية نرقد "
تبسم على جنب يحكي
عيسى:" والبيتزا ؟"
دورت وجهي عليه وشديت دمعتي بالسيف نحكي
انا :" معادش عيني فيهاا.. برا طيشها كان تحب "
وقف قدامي وحط يديه على خدي..دورلي وجهي قدامو يحكي
عيسى :" ياخي بش تبكي؟ شنوة فيها كان عملت عجة حاجة زايدة "
انا :" اي نبكي..خاطر ف عوض تقلي يعيطك الصحة ماشي تعمل عشا آخر "
عيسى :" باهي مانيش بش نعمل عشا آخر "
انا :" وبش تذوق لبيتزا ؟"
هزلي براسو اي يحكي
عيسى :" اي بش نذوقها وبش نتعشاها "
تبسمت وقربتلو.. طلعت على طراطيش صوابعي وعديت بعينيا عليه نحكي
انا :" مدام هكا علاش تغشش فيا "
هزيت يدي لي كانت بالفارينة وعديتها على لحيتو قبل مايجاوبني..شهقت بالقوي كشدني اول ماحاولت نهرب.. جبدني بالقوي وين تضربت ف صدرو وشعرة لا طحت.. لحظتهاا هزيت يدي دورتها عليه وشديت فيه.. بدني رعش على يديه لي دارت على جنبي لحظتهاا هزيت راسي معاه وبقيت نغزر لعينيه لي كانت مركزة معايا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
