#لارين_تحكي
فركت يديا ف بعضهم ك ريتو هز راسو معايا وعدا بعينيه عليا يحكي
نزار :" والخدمة هاذي لارين بش تكون مسؤوليتك انت..بعد ماريت خدمتك تو مانيش ناوي نجيب مصممة اخرى معاك..انا عندي ثقة ف موهبتك ومتاكد بش تخرج حاجة مزيانة من تحت يديك "
بلعت ريقي وتبسمت نحكي
انا :" انشالله بش نقدم احسن ماعندي.. اما ياريت تشرحلي اكثر التفاصيل نزار خاطر مازلت مش فاهمة مليح "
هزلي براسو اي يحكي
نزار :" اي اكيد.. شوف الماركة هاذي معروفة ف تونس اول حاجة بش تعملهاا بش تدخل للباج متاعهم sur Instagram وتشوف الإعلانات لقديمة متاعهم والpackaging لي فاتو بش تاخذ فكرة..ثانيا خليني نفهمك ال thème لي ناوين يخدمو عليه..كيما قتلك هي تونسية وكل مرة يختارو ولاية معينة منها هي يستوحيو فكرة الإعلان..والمرة هاذي هوما اختارو "لمدينة العربي" لي هي قريبة من حومتك لارين.. مالا نحبك تعمل recherche اكثر عالمدينة العربي وتخرج تشوف الأجواء اكثر وم لي تراه نحبك تستوحي فكرة الإعلان الجديد كيما نحبك تختار بلاصة مزيانة فالمدينة العربي وين بش يتصور.. بالنسبة للفستان بش يكون من تصميمك زادة.. لازمو يكون simple و chic فرد وقت وفيه لمسة والنقشة التونسية.. زادة تنجم تتفرج ف برشة تصاميم بش تاخذ فكرة خاطر عارف هذا لكل جديد عليك.. بقى الpackaging شوف متاعهم لقدم وخوذ فكرة المهم تكون حاجه جديدة غير لي فاتو.. الألوان لي بش تستخدمهم مذابياا يكونو اكثر بين الأبيض والأزرق.. voilà هاذي هي الخدمة.. عندك سؤال؟"
عديت بعينيا عليه وين بقيت نستوعب ف كلامو وف التفاصيل لي حكاهم لكل وراء بعضهم.. تبسمت نحكي
انا :" نو كل شي واضح.. اما سؤال برك الخدمة هاذي لازمها تكمل ف ظرف قداه ؟"
تكا بظهرو لتالي وضحك يحكي
نزار :" ماتخافش مازال الوقت.. الاعلان بش يتصور ف اخر الصيف.. اما الخدمة لازم تبدا من تو.. خاطر بعد خدمتنا احنا هوما بش يكملو الباقي.. الديكور وخياطة الفستان الخ.. يعني ف يدك شهر،،شهر ونص لارين "
رجع ستواء ف قعدتو وهز بحاجبو يحكي
نزار:" تنجم روحك ؟ نعمل عليك ؟"
عديت بعينيا عليه وغزرت لمايا لي كانت تغزرلي.. عضيت على شفايفي وبقيت نفكر بيني وبين روحي.. صحيح الخدمة جديدة علياا اما الرسم والتصميم ماهمش جدد على هذاكا ماعندي من شنوة نخاف انا انجم نعمل هذاا لكل اكيد صحيح لازم تفكير وخدمة كبيرة اما شي مايجي بالساهل.. اصلا هاذي فرصة كبيرة لياا انا تصميم واعلان لشركة معروفة هكاا بش تكون خطوة كبيرة ف حياتي تخليني نتعرف ونقدم اكثر.. كيما انا بحاجة تو لخدمة هكاا تاخذ تفكيري ووقتي لكل عالاقل نلقى فاش نتلهى وننسى ونبعد على لآخر.. خذيت نفس طويل نحكي
انا :" اي تنجم تعمل علياا.. بقدرة ربي بش نكون قد الخدمة هاذي "
تبسم يحكي
نزار :" وانا متأكد من هذا.. مالا اهوكا تنجم تبدأ خدمة من ليوم وكل نهار جمعة وسبت تجي لشركة هناا بش نشوف أفكارك ونحكيو ونتناقشو فيهم وزادة نخبرك اذا فما تجديد ولا تغير ف الخدمة.. تفاهمناا ؟ "
هزيتلو براسي باهي وضحكت نحكي
انا :" اي تفاهمناا "
نزار :" بقى تو نتفاهمو من ناحية العقد والsalaire... "
قصيت عليه نحكي
انا ؛" نزار قبل لفلوس ميسالش نحكي معاك فو حاجة ؟"
قربلي شوي وهزلي براسو اي يحكي
نزار :" اي اكيد "
غزرت لمايا لي اشرتلي بعيناها بش نسكت.. طفيتها وهزيت يدي ناحيتها نحكي
انا :" نزار حتى مايا عندها موهبة.. كان عندها اكبر محل ف باريس للفخار والخزف.. وتنجم حتى تشوف خدمتها دقيقة "
طبست لساكي وجبدت تصاور خدمتها لي حطيتهم بالسرقة علاهاا.. حطيتهم قدام نزار نحكي
انا :" شوف هاذي خدمة مايا "
ريتو ك هز التصاور وبقى يغزرلهم.. تلفتتلها وين شفتها ك قحرتلي لحظتهاا غمزتهاا ورجعت غزرت لنزار يحكي
نزار :" برافو ماياا.. بلحق خدمتك ياسر مزيانة وtouche متاعك ظاهرة فيهم لكل "
ضحكت وغزرتلها ك حشمت تحكي
مايا :" مرسي نزار "
عدا بعينيه علاها يحكي
نزار :" موهبتك هاذي مطلوبة تو.. ننصحك ماتاقفش وكمل فيهاا "
سبقتها نحكي
انا :" justement على هذاكا انا وريتك التصاور نزار..نعرف بش نكثر عليك اما كان تنجم تعاون مايا كيما عاونتني نكون ممنونة ليك.. هي زادة تحب تقدم وتعمل الحاجة لي تحبها "
هزلي براسو اي يحكي
نزار :" فهمتك.. باهي مانكذبش عليك انا الخزف والفخار مانستحقهمش ف خدمتي هناا اما عندي فكرة اخرى لمايا "
انا :" شنوة هي ؟"
نزار :" انا نعرف مدرسة تكونية قريبة حذاكم ف lafayette.. تقري 6 شهور خزف وبما انو مايا ديجا متعلمة تنجم تقرأ كان 3شهور..شهرين جيست بش تاخذ diplômé متاعهاا وهوما بعد يمولوهاا بمبلغ صغير بش تحل مشروع الخاص متاعهاا "
ريتها ك عضت على شفايفها تحكي
مايا :" هي فكرة حلوة.. اما حسب رايك قداه حق لقراياا غادي ؟"
نزار :" ماعنديش فكرة.. اما انجم نعطيك العنوان وانا تو نكلم صاحبي لي غادي امشي واحكي معاه.. واذا عندك مشكلة ف الفلوس هو ينجم يعاونك "
عديت بعينيا عليها وين ريتها كيفاه سرحت تخمم.. تنهدت بالشوي وبقيت انا زادة نخمم ف حل خاطر حتى هاذي فرصة ماتتفلتش خاصة إذا بش تحل لمحل متاعهاا كيما ف باريس هكاا مايا بش تكون ترتاح وتفرح انها رجعت تعمل ف الحاجة لي تحبها على هذاكا انا بش نعمل كل شي ونخلاهاا تقرأ الشهرين هاذم مستحيل نخلاهاا تاقف من جرة لفلوس..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
