#عيسى_يحكي
حطيت كاسة الماء من يدي وبقيت نسمع فيهم كيفاه يحكيو.. رغم اسالتهاا ليها لي وتروني انا زادة اما بقيت ساكت خليت لارين تجاوب.. عقدت بحواجبي مستغرب كلامها الاخير.. هزيت راسي معاها وريتها كاشرتلهاا بيداها على طاولة.. دمي فور كريتو الطحان هزلها بكاستو متاع الشراب وغمزهاا.. لحظتهاا ماعرفتش كيفاه تنطرت من بلاصتي وقدمتلو.. للحظة حسيت الدنيا ظلامت قدامي والاصوات لكل سكتت.. كان هو بقى قدامي كيفاه غزرلهاا هكاكا وين عصابي فلتت مني اكثر.. اول ماوصلت ناحيتو مانعرفش كيفاه خطفتو وهزيتو لفوق وقبل مايحكي هزيت يدي وضربتو ببونية على قوة جهدي وين طاح عالطاولة والقزاز تنطر.. رجعت قربتلو وطبست عليه..خنقتو بيد وهزيت يدي لخرى نحكي
انا :" تحب **** عينيك هااااذم "
حسيت بخالد ك قربلي وشدني من مرفقي يحكي
خالد :" عيسى..عيسى سيب الراجل "
مجاوبتوش وكبست عليه اكثر.. وين شفتو هز يديه وحاول يضربني لحظتهاا طبست وعطيتو براس على خشمو لي تنطر بالدم بالوقت.. قمت من فوقو ك شفتو بدأ يدوخ.. غزرت لخالد كيف قربلو ورجع غرزلي يحكي
خالد:" ياولدي شعملت ؟"
قحرتلو نحكي
انا :" اسال الم**** هذاا شعمل "
خالد :"باهي برا اغسل وجهك واهدا "
شدني خالد من مرفقي وجبدني اول مارجعت قربتلو وقت ريتو هز روحو ووقف..حسيت روحي مازلت مابردتش عليه كان لقيت نخرجلو عينيه. بعدت وغزرت للناس لي واقفة تتفرج.. عديت بعينيا عليهم وركزتهم علاها هي لي كانت واقفة على جنب خايفة.. عديت بيديا الزوز على وجهي وقربتلها.. شديتهاا من يداها وجبدتهاا وراياا.. كرزت اكثر ك ريت الملهط لخرى واقفة تغزرلي..قربتلها فيسع حليت عينيا فيها وعليت فصوتي بالقوي نحكي
انا :" المرررة هاااذي ضربتووو كااان هوو.. المررة جااية نخلط *** عليه خااطر حديث لق*** مايتحكااش قداامي..وهااني انبه عليييك رد باالك تخمم تدور بيهااا ولااتحسبببهااا **** كيييفك بش تحكييي معاااهااا هكااا "
كملت كلامي وبعدت من حذاهاا فيسع خاطر كان بش تجاوبني وقتها مش عارف إذا بش نتحكم فعصابي ولا لا..مانعرفش كيفاه بقيت نمشي كابس على يداها ونكركر فيها وراياا..قربت فيسع للشط وخذيت نفس طويل حاولت نهدي روحي اما شي مانجمتش..حسيت الغش لي مكني اكبر من انو يهدأ بسهولة هاذي..لعصب بقى يهز فياا ويحط كل مانتفكرو كيفاه غزرلها بطريقة خايبة.. فكرة انوخمم فيها كاني وحدة من لي ساهرين غادي خلاتني نخرج من عقلي وكان لقيت راني رجعت دفنتو فبلاصتو.. اصلا للحظة ندمت اني هزيتهاا وخليتهاا تخرج تسهر ف بلاصة مخلطة كيما هاذي.. الغلطة مني اناا من الاول خاطر نعرف المناظر لي يبدأو ساهرين مليح..فقت من سرحتي على صوتها تحكي
لارين :" عيسى ؟"
تلفتت بالوقت وين شفتها واقفة بجنبي.. طبست راسي وغزرت ليدي لي باقي كابسة على يداها..رجعت غزرت وين شفت عيناها كيفاه مزغللين..خذيت نفس طويل حاولت نهدي روحي بش مانخوفهاش وسيبتها نحكي
انا :" نعم "
عدات بعيناها علياا تحكي
لارين :" عيسى سامحني "
عقدت بحواجبي مستغرب نحكي
انا :" على شنوة بش نسامحك؟"
مسحت دمعتها لي نزلت تحكي
لارين :" مانعرفش..اما خفت لاتكون متغشش مني.. عيسى انا ماقصدتش لي صار والله انا ماحبيتوش يغزرلي هكاكا والله... "
قصيت علاهاا نحكي
انا :" لارين وفى الموضوع.. انت ماعندك حتى دخل "
عدات بعيناها علياا تحكي
لارين:" يعني انا ماكش متغشش مني ؟"
انا :" لاا..اما يكون فعلمك هاذي آخر مرة نسهرو فيها.. خلي النهارين لي مازالو يتعداو على خير "
لارين:" باهي كيما تحب "
قحرتلها نحكي
انا:" ولي عاملتو ف وجهك هذاا معادش نحب نراه "
هزتلي براسها باهي من غير حتى كلمة..عديت بيديا على شعري وكبست على رقبتي نحكي
انا :" تحب تروح؟"
لارين:" ميسالش نبقاو شوي ؟"
هزيتلها براسي باهي من غير حتى كلمة ورجعت غزرت للشط.. طبست راسي وغزرتلها ك تكات براسها على كتفي وتغزر قدامها للبحر تحكي
لارين :" ندمت خاطر شديت الصحيح بش نجيو.. ياريتني سمعت كلامك ورجعنا لتونس"
انا :" ماعندك علاش تندم..مدام جيت تفرهد اما خليك قدام عينيا.. واسمع لكلام "
هزت راسها معاياا وغزرتلي تحكي
لارين :"باهي "
تنهدت بالشوي وبقيت ساكت.. شوي وقت وسمعتها تحكي
لارين:" تعرف حاسة روحي خايفة "
عقدت بحواجبي مستغرب..بعدت علاها ووقفت قدامها نحكي
انا :" من شنوة خايفة؟"
لارين:"مانعرفش..حاسة قلبي يدق بالقوي من بكري ومستوحشة "
بعدتلها خصلات شعرها نحكي
انا :" ماعندك مناش تخاف..هاني بجنبك مايصيرلك شي.. مانحبكش تخاف "
هزتلي براسها باهي وقربتلي.. تكات براسها على صدري تحكي
لارين :" خليني نبقى هكاا شوي "
دورت بيديا ومسحت على شعرها.. عقدت بحواجبي مستغرب بدنها لي كان يرعش.. عديت بعينيا عليها نحكي
انا :" لارين بردانة ؟"
لارين:" لا "
انا :" مالا شبيه بدنك يرعش هكا ؟"
لارين:" مانعرفش "
انا :" خلينا نروحو..بدل حوايجك وارقد شوي "
بعدت عليا شوي وهزتلي براسها باهي.. خذيت نفس طويل وبقيت نمشي بجنبهاا نغزر لوجهها كيفاه تبدل مش عارف شبيها خايفة هكاا.. اول ماوصلنا طلعنا طول.. غزرتلي تحكي
لارين:" ميسالش تخلي باب بيتك محلول ؟"
انا :" علاش مازلت خايفة؟"
هزتلي براسها اي من غير حتى كلمة.. تنهدت بالشوي نحكي
انا :" باهي شوف..ادخل بدل حوايجك مدام انا بدلت حوايجي وكتكمل عيطلي تو نجي حذاك..حتى ترقد "
لارين:" باهي "
ريتها ك دخلت وسكرت الباب.. دخلت فيسع لبيتي انا زادة وقربت نبدل ف حوايجي وتفكيري لكل معاهاا علاش خايفة وقتلي انا طمنتهاا وماتغششتش علاهااا بش ماتخافش هكا..
VOUS LISEZ
#مُتمردة_العيسى ❤️🔥 (الستاتي الثاني)
Lãng mạn#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
