#عيسى_يحكي
خذيت نفس طويل وقربت وين حرف اليخت من فوق.. ضغطت على يدي بالقوي اول ماطبست راسي غزرتلها كيفاه تحكي مع خالد وين حسيت روحي غزلت منهم ومن روحي اول واحد خاطرني مازلت نعس علاهاا ونشوف فيهاا..اما حاجة أقوى مني مخليتني نبقى مركز معاها..مخليتني مش حامل شوفتهاا قدامي وهي بالمنظر هذاا.. كاني تستنى ف الفرصة هاذي بش ترجع لحالتها لقديمة..مش عارف كيفاه نجمت نتحكم ف روحي بكري وماهديتش علاهاا بش تنحى الشي لي عاملتو فروحها وترجع كيما كانت..رغم اني نعرف انو معادش عندي لحق لابش نتكلم ولابش نتدخل فيهاا اما شي أقوى مني مخليني مش متحمل الوضع هذا.. عديت بعينيا عليها وبقيت نغزرلها كيفاه سارحة قدامهاا بعد مامشى خالد.. للحظة حسيت روحي فقدت صوتهاا وكلامهاا معاياا.. حتى تخرنينها وتفوريخهاا فقدتو.. اصلا للحظة حسيت روحي مقابل طفلة أخرى غير لي كانت معايا الايامات لي فاتو..رغم الشي لي قاعدة تعمل فيه قاعد نرا فيها كاني طافية وذابلة الشي لي خلاني نفد من روحي ونندم اكثر عالكلام لي قلتو ووصلناا لهناا.. عديت بيديا الزوز على وجهي وبعدت بش مانزيدش نراهاا خاطر بلحق معادش متحمل شوفتهاا قدامي هكاا..اصلا لي قاعد نفكر فيه تو غالط.. ماعندي علاش نندم ولانيقى مركز معاها هكاا..لي صار لبارح بش نكملو مهما واي حاجة اخرى بش نلغيهاا من مخي.. تلفت على صوت خالد ورايا يحكي
خالد :" ايا اهبط افطر "
نفخت بالشوي نحكي
انا :" ياخي ماتفهمش كلمة ماعينيش "
ضحك يحكي
خالد :" لا نفهم كلمة عيني.. عيني يا ليلي "
قحرتلو نحكي
أنا :" خالد ابعدني مانيش ناقصك ساعة هاذي "
خالد :" باهي ايجا افطر وتو نبعدك.. ياخي ناوي تبقى بلاش فطور؟"
عديت بيديا على وجهي نحكي
انا :" تو نهبط بعد نفطر "
خالد :" برحمة بوك اهبط.. تي احشم يا سي ***.. 9 سوايع ومعادش بش ترا منظري.. خوذ بخاطري "
نفخت بالقوي وهزيتلو براسي باهي.. اول مانزلت معاه لمحتها قاعدة عالطاولة تحكي مع الطفل لي حط لفطور.. جبدت النفس بالقوي وقربت بالسيف مع خالد.. للحظة حسيت روحي ندمت ك نزلت خاطر مش عارف كيفاه بش نبقى معاها فرد طاولة.. هزت راسها معاياا اول ماقربت وجبدت الكرسي..دورت وجهها فيسع ورجعت تاكل.. قعدت بجنب خالد من غير حتى كلمة.. غزرتلو كيف حط الفنجان قدامي يحكي
خالد :" تفضل سي عيسى "
هزيتلو براسي باهي من غير حتى كلمة.. ريتو ك غزرلها يحكي
خالد :" لارين عجبك لفطور ؟كان تحب حاجة أخرى قلي؟"
هزتلو براسها لا وتبسمت تحكي
لارين :" نو مانحب شي والله.. خليني ناكل هاذم ساعة "
خالد:" صحة وبالشفاء "
ضحكتلو وطبست راسها تاكل بلا ماتغزرلي.. رغم انو انا لي طلبت منهاا تعمل هكاا اما حسيت روحي غزلت منهاا.. تلفتت على صوت خالد يحكي
خالد :" شرايك تسوق انت شوي بعد لفطور؟"
هزيتلو براسي باهي نحكي
انا :" باهي تو بعد "
هزلي براسو باهي وغزرلها يحكي
خالد :" وانت لارين كان تحب اهبط اللوطة ارقد شوي "
هزتلو براسها لا تحكي
لارين :" لا ماعنديش نوم.. شرايك نطلعو لفوق نبقاو شوي "
خالد :" باهي كيما تحب "
كبست عالفنجان بالقوي شعرة لاتقسم ف يدي من لعصب منهاا.. عديت بيديا على شعري وكبست على رقبتي ساكت كان بدني حاسو يرعش من لغزول.. كيفاه بش نعدي 9 سوايع هكاا مش عارف.. تلفت لخالد يحكي
خالد :" ماقتليش وقتاه قصيت طيارتكم؟"
حطيت الفنجان بعد ماعملت رشفة نحكي
انا :" 17:30 "
خالد :" كلمت الجماعة قتلهم راكم مروحين ؟"
هزيتلو براسي اي نحكي
انا :" كلمت امي وخالي "
خالد :" ايا باهي "
تلفتت على صوتها كيف نفخت بالشوي.. ريتها ك هزت يداها وبقات تمروح على وجهها تحكي
لارين :" ياسر سخانة ليوم "
خالد :" اي ليوم سخونة.. كهو احنا تو ف عز الصيف "
حليت عينيا على وسعهم ك شفتها نحات الشوميز لي كانت فوقها وين حسيت دمي غلى فعروقي وعروق راسي ضربت وانا نغزرلها شنوة طلعت لابسة تحتها.. قمت من بلاصتي وغزرت لخالد نحكي
انا :" انا هاني وين المقود "
عدا بعينيه عليا وهزلي براسو باهي من غير حتى كلمة.. قدمت بخطواتي فيسع وين الطفل وخبرتو انا بش نسوق وين خرج بالوقت.. شديت ف المقود وبقيت نغزر قدامي حاولت نركز ف الثنية ومانخمم ف شي اخر اما مانجمتش كل مانستخايلهاا قدامي بالمنظر هذاكا نحس روحي نلهب من الغزول.. مانعرفش قداه تعدا علياا وقت وانا ف البيت هاذي نسوق ماحبيتش نخرج ولانحكي مع حد بقيت كان نستنى ف الثنية هاذي وقتاه توفى بش نروح ونرجع نشوف حياتي وخدمتي.. فقت من سرحتي على صوت خالد وراياا يحكي
خالد :" عيسى ايا يزيك.. خلى **** يكمل يسوق ايجا اقعد حذايا شوي"
هزيتلو براسي باهي وخرجت معاه بعد ماالطفل شد بلاصتي.. تلفتت بالوقت على صوت ضحكتها.. هزيت راسي لفوق وغزرتلها كيفاه واقفة عالحرف من فوق ومادة يداها تلعب مع اللقالق لي يطيرو فوقها.. سمعت خالد بجنبي يحكي
خالد :" لارين شايخة ليوم..حسيتها مرتاحة وفرحانة"
ضغطت على يدي بالقوي نحكي
انا :" انا هابط نرقد شوي..ماتفيقنيش كان وقت نوصلو "
عطيتو بظهري ومشيت قبل مايجاوبني..دخلت للبيت اللوطانية وسكرت الباب ورايا.. ترميت عالفرش وبقيت ننهج من لغزول لي غزلتو من روحي المرة هاذي خاطرني مازلت مركز معاها هكاا.. مازلت نخمم فيهاا وقد ماحاولت بش نبعدهاا من بالي نلقاها زادت عششت اكثر فيه..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
