#لارين_تحكي
عديت بعينيا عالفيلا وين مالقيت حد.. قربت شوي وين الشباك لكبير لي كان يطل عالجنينة شفت الدنياا كيفاه ظلامت..خذيت نفس ورجعت ندور حتى وصلت للكوجينة.. عديت بعينيا عليها كيفاه كانت كبيرة وغزرت لآنجيلا ومعاه زوز بنات.. عضيت على شفايفي وقربت اكثر نحكي
انا :" bonsoir "
غزرتلي وضحكت تحكي
آنجيلا:"bonsoir larine..ادخل شبيك واقفة غادي"
انا :" ماحبيتش نقلقكم "
آنجيلا:" قلق شنوة تفضل.. هانا قاعدين نحضرو ف العشاء..قلي جعت ؟"
تبسمت نحكي
انا :" شوي "
آنجيلا:"شوي والسفرة تحضر..انشالله ماكلتي تعجبك "
انا :" اكيد بش تعجبني.. الريحة برك تشهي "
آنجيلا :" فرحتني.. قلي شبيك مارقدتش شوي؟"
انا :" ماعنديش نوم "
آنجيلا :" خير خليك حذايا..تعرف فرحت خاطرك جيت مع عيسى.. هوما بش يبقاو يحكيو ف الخدمة وانا نقلق..هكا نسهر معاك انت نحكيو خاصة انك تحكي فرنسي مليح "
انا :" اي نسهرو علاش لا.. وانا نحكي فرنسي خاطر ديجا عايشة ف فرنسا "
آنجيلا:" بلحق؟ وين ف فرنسا؟"
انا :" ف باريس.. تولدت وعشت حياتي لكل غادي "
آنجيلا :" حتى انا كنت نسكن ف باريس.. وعرفت جمال غادي.. وبعد ك عرسنا نقلنا هناا خاطر خدمتو.. اما اختى بقات غادي ديجا حذاها صغاري تو "
تبسمت نحكي
انا :" عندك صغار ؟"
آنجيلا:" عندي زوز بنات وطفل.. كل فترة يمشيو حذا اختى لباريس خاطر ديزني لاند "
انا :" هههه حتى أنا نحب باريس على خاطر ديزني لاند.. كنت ديما نمشي"
ضحكت تحكي
آنجيلا:" مالا خليك كان تحب ونمشيو كلنا منك تتفرهد منك تشوف ولادي "
تبسمت نحكي
انا :" مانعرفش"
انجيلا :" خليناا تو نعملو بروقرام..ايا شرايك تعاوني شوي ؟ خلينا نكملو فيسع بش نقعدو "
هزيتلها براسي اي نحكي
انا :" oui bien sur "
عطاتني صحن سلاطة تحكي
انجيلا :" هز هذاا للسفرة وانا هاني جاية وراك "
هزيتلها براسي باهي وخذيتو من يداها.. خرجت وعديت بعينيا وين شفت السفرة عالجنب ليمين.. قربت حطيت الصحن وقربت وين الشباك لكبير لي مقابلها ولي كان يطل عالبيسين.. تلفتت ورايا على صوتو يحكي
خالد :" كالعادة لعشاء يحضر ونبقى نستنى فيهم حتى يبرد "
ضحكت نحكي
انا :" ك يبرد ارجع سخنو "
خالد :" هههه لا هكاكا يمساط.. ايا شرايك نطفوهم لكل ونتعشاو احنا "
جبدلي الكرسي وغزرلي يحكي
خالد :" اقعد خلينا نبداو "
انا :"ياخي تحكي بلحق ؟ استنى حتى الجماعة يجيو "
خالد :" الجماعة حبلهم نص ساعة.. جمال ك العادة شاد التاليفون.. آنجيلا ف الكوجينة تبقى تحكي ساعة.. الصغار ماهمش هناا.. والحوت ماهوش غريب تو يخلط "
ضحكت نحكي
انا :" باهي اما ك يقولو شبيكم بديتو نقلهم خالد شد صحيح "
خالد :" يابنتي حد مايكلمك معاك خالد بكلو "
ضحكت وقعدت بجنبو.. ريتو كيف خذا صحني وبدأ يغرفلي ويحكي
خالد :" كولي كولي راك جعت من السفر "
خذيت من يديه الصحن نحكي
انا :" هو لحق جعت "
خالد :" ريت كيفاه نحس انا "
ضحكت وطبست راسي ناكل.. غزرتلو كيف حط كاسة ماء قدامي يحكي
خالد :" اي احكيلي كيفاه انت لارين مش رانية "
انا :" هي حكاية طويلة.. اما بالمختصر جابر كان معرس بنور لي هي ماما الله يرحمهاا "
خالد:" الله يرحمهاا "
تبسمت ورجعت نحكي
انا :"عاد طلقو و بعد ماطلقو نور سافرت لباريس.. جابتني وجابر مافيبالوش بيا..عرفني كان من 3شهور "
خالد :" يعني نور خبتك عليه ؟"
انا :" حاجة هكا "
خالد:" وعلاش عملت هكا ؟"
انا :" نور خافت انو يفكني منها "
خالد :"فهمت..المهم عرفك تو..عم جابر ناس طيبة "
هزيت الشوكة نحكي
انا :" نعرف "
خالد:" هياا خلينا نبدلو الموضوع هذا "
انا :" ياخي بلحق وينهم الجماعة؟ كانهم نساو لعشا"
خالد:" ريتني فاش نعاني.. والله هكا كل ليلة انا "
انا :" هههه ميسالش "
خالد:"استنى نطلب الحوت نقلو اهبط.. هذاكا ديما مارجني "
ضحكت وبقيت نغزرلو ك جبد تاليفونو طلبو وقلو اهبط..اول ماعلق غزرتلو نحكي
انا :" كلم عم جمال زادة "
خالد:"عمك جمال عندو خدمة فتاليفون كِيكمل يجي "
انا :" باهي قوم عيط لآنجيلا "
طبس راسو ياكل ويحكي
خالد:" مش باهي نقوم وانا ناكل "
انا :" تو نمشي انا نعيطلها مالا.. خاطر عيب "
شدني من يدي اول ماقمت وقعدني يحكي
خالد:" اقعد كمل عشاك.. تو صحنك يبرد "
عضيت على شفايفي نحكي
انا :" اما هكا عيب "
خالد:"مش عيب..ماكش غريبة..وقت يخلطو يخطلو "
هزيتلو براسي باهي وغزرتلو نحكي
انا :" بكري قلت انك محضر برنامج..قلي شنوة هو ؟"
ضحك يحكي
خالد:" مانسيتش؟"
انا :" تؤ ماننساش انا "
خالد:" هههه خلي ك نكملو غدوة الخدمة نقعد انا وانت والحوت ونقلكم عليه "
عقدت بحواجبي مستغربة نحكي
انا :" ياخي غدوة بش تكملو الخدمة ؟ فيسع هكا ؟؟"
خالد:" اي جمال حضر كل شي جيست يصححو كهو "
انا :" يعني بعد غدوة بش نرجعو لتونس "
خالد:" مفماش رجوع بش تبقاو هنا ايامات "
انا :" ايامات ؟"
خالد:"اي..ماصدقت لربي شديت الحوت.. تحبني نسيبو "
انا :" هههه انشالله هو يقبل "
خالد:" خلاها عليا "
كمل كلامو وغمزني.. ضحكت وتلفتت على صوتو ورايا يحكي
عيسى:" انشالله نقبل شنوة ؟"
غزرتلو كيفاه واقف وعدا بعينيه علينا وركزها علياا وين قحرلي..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
