#عيسى_يحكي
بقيت نغزر للطريق ونحكي مع خالد غ امور الخدمة.. تلفتت على صوتها وراياا تحكي
لارين:" مسيو خالد؟"
غزرلها من لمرايا وتبسم يحكي
خالد :" وي مدموازال لارين ؟"
لارين:"ياخي وين تسكنو فِليون؟من بكري وانت تسوق"
خالد :" هههه نسكنو في la part-dieu "
كبست عالبونية متاعي ك سمعتها شهقت بالقوي تحكي
لارين :" يااا بلحق..هاذي احلى منطقة ف ليون "
خالد :" زرتها قبل ؟"
لارين:" اي زرتها..مشيت لMusée Tony Garnier "
حطت يداها على كتفي خضتني تحكي
لارين :" تتفكر عيسى حكيتلك عليه وقتها فتونس "
تلفتت قحرتلها نحكي
انا :" نتفكر "
خالد:"خلي نكملو خدمة وتو نمشيو مع بعضناا..ارجع زورو مدامك هناا "
لارين :" اي اي نمشيو.. ميسالش عيسى ؟"
رسيت على سنيا بالقوي نحكي
انا :" مانعرفش "
خالد:" يابنتي الحوت خليه علياا.. محضرلكم جو هبال"
لارين :" جو كيفاه ؟"
خالد :" نخليهالكم مفاجأة "
حليت الشباك بجنبي وبقيت نغزر للطريق ساكت.. حسيت روحي غزلت منهاا كيفاه تضحك وتحكي هذا لي وصيتهاا.. مسافة الطريق ووصلنا.. اول ماوقفت الكرهبة نزلت ولفيت نزلت الفاليز والساك.. هزيتهم وريتها كيف نزلت.. هزت راسها وغزرت للفيلا تحكي
لارين :" وااااو.. هاذي داركم خالد ؟"
خالد:" هههه اي هاذي دارناا "
لارين:" محلاها.. وحتى المنطقة تهبببل "
خالد :" فرحت انها عجبتك "
قربتلها اول ما خالد بعد شوي..حطيت الساك فيداها وطبست راسي نحكي
انا :" ورب الكعبة.. نسمع صوتك لداخل ماتشوف شنعملك.. هذا لي نوصي فيك "
خذات الساك من يدي وعقدت بحواجبها تحكي
لارين :" ياخي شعملت انا ؟"
قحرتلهاا وتلفتت لخالد لي نداني.. قربتلو وهي بجنبي ودخلناا معاه.. تلفتلنا يحكي
خالد:" تفضلو مرحبا بيكم "
تلفتت على صوت جمال ك استقبلناا يحكي
جمال :" مرحبا مرحبا بالحوت سيد الناس "
حطيت الساك من يدي وقربتلو عنقتو نحكي
انا :" معلم جمال.. شحالك "
ربط على ظهري وبعد عليا يحكي
جمال :" الحمدالله وينك انت ؟ هكاا تبقى المدة هاذي لكل بش تشرف حذانا "
انا :" كهو هذا حدي.. كملت قضياتي وجيت "
جمال :" مرحبا بولدي نورت لبلاد والدار "
انا :" عيشك "
تلفت للارين غزرلها ورجع غزرلي.. غمزني يحكي
جمال :" شكوون لي معاك ؟"
عديت بيديا على شعري وغزرتلها كِقربتلي شوي نحكي
انا :" نقدملك لارين.. بنت خالي"
هز بحاجبو يحكي
جمال:" جابر عندو صبية هكا "
هزيتلو براسي اي من غير حتى كلمة..قربلها يحكي
جمال :" مرحبا بيك بنتي.. نورت الدار "
مدت يداها سلمت عليه تحكي
لارين:" عيشك عمي جمال.. ربي ينورك انت زادة "
غزرتلها مستغرب كيفاه تسلم عليه كاني تعرفو من قبل.. ضحك يحكي
جمال :" عيش بنتي..ايا تفضلو علاش واقفين هكا "
انا :" جمال خوك شد صحيح بش نجيو هناا.. وانا جيت على خاطرك.. مالا خليني نبقى شوي ونمشي "
جمال :" وين عندك تمشي ؟"
ريت خالد كِقربلي ودور بيديه على كتفي..ضحك يحكي
خالد :" يحب يمشي لوتيل.. ف بالو خالد بش يخليه "
جمال:" وتيل شنوة ؟ ادخل ادخل خير مانتغشش "
تنهدت بالشوي وهزيتلو براسي باهي.. هزيت الفاليز والساك واشرتلها بعينيا بش تمشي بجنبي.. اول ماقدمناا شوي غزرت لمرت جمال ك قربت ناحيتنا وضحكت تحكي
آنجيلا :" مغحباا بيكم في داغنا "
انا :" عيشك مدام آنجيلا "
آنجيلا :" انشالله سافغتكم كانت مغتاحة "
انا :" اي مرتاحة "
تبسمت وغزرت للارين تحكي
آنجيلا :" آسلامة "
لارين:" الله يسلمك "
قربت باستها وغزرتلي تحكي
آنجيلا :" إيسى هاذي مغتك؟ مهلاها "
سبقتني وضحكت تحكي
لارين:" نو انا مانيش مغتو.. انا لاغين بنت خالو "
قحرتلها كيفاه تقلد ف لمرا من غير ماتحشم.. ريت آنجيلا ك ضحكت تحكي
آنجيلا :" سامهني لاغين.. فبالي انك مغتو "
انا :" عادي "
جمال:" آنجيلا روحي ميسالش تهز لارين توريها بيتهاا خلي ترتاح "
آنجيلا :" اكيد هبيبي.. هياا لاغين معايا "
ريتها كيف قربتلي تحكي
لارين :"عيسى ماتخرجش امان..مانحبش نبقى وحدي "
انا :" ماعندي وين خارج.. برا مع آنجيلا "
هزتلي براسها باهي وخذات الفاليز متاعها وساكهاا من يدي ومشات مع آنجيلا.. تلفتت على صوت جمال يحكي
جمال :" شرايك نشربو حاجة وبعد تدخل ترتاح "
انا :" اي ميسالش "
دخلت معاهم للصالة..قعدت بجنب خالد وغزرت لجمال كيف عطاني كاس.. تبسمت نحكي
انا :" تعرفني مانشربش "
جمال :" صحيح.. انت وخالد ك بعضكم "
ضحكت وغزرت لخالد يحكي
خالد :" احنا متربين "
جمال :" مقبولة منك "
ضحكت علاهم كيفاه بقاو يتعاركو كالعادة.. طلبلنا قهوة لي وصلت بعد دقايق.. خذيت رشفة منها وغزرتلو نحكي
انا :" قلي جمال حضرت الكونترا ؟"
جمال:" اي كل شي حاضر.. غدوة نهزك تشوف السلعة.. تقَلبها مليح بش نصححو العقد ومبروك عليك وعليا "
انا :" باهي انشالله.. وبالنسبة لشحنة لحديد لي تفاهمت فيها مع خالي الشهر الجاي توصلك "
جمال :"اي قلي جابر..وفلوسك حاضرة انت زادة"
هزيتلو براسي باهي وبقيت نحكي معاهم فأمور الخدمة..حطيت فنجان القهوة وتلفتت لخالد نحكي
انا :" كهو يزيو من لحديث عالخدمة.. نحب نرتاح"
خالد :" عندك حق.. هياا قوم معايا "
غزرت لجمال نحكي
انا :" نرتاح شوي وبعد نكملو حديثنا "
جمال :" خوذ راحتك.. برا ارتاح حتى يحضر لعشا "
هزيتلو براسي باهي وخرجت مع خالد.. بقيت نحكي معاه حتى وصلت للبيت متاع العادة ودخلت..
VOUS LISEZ
#مُتمردة_العيسى ❤️🔥 (الستاتي الثاني)
Romantik#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
