#لارين_تحكي
رميت الطبق على جنب وسكرت السبالة بعد ماكلمت غسلت الماعون.. غزرت لمايا لي كانت واقفة وين الغاز تحضر ف التاي نحكي
انا :" مازال برشة التاي ؟"
مايا :" لا هاو بدأ يغلي "
قربت حذاهاا ونخفت بالقوي نحكي
انا :" اقسم بالله كان مش على خاطر عمتي تاعبة لا نغسلو الماعون ولا انت تحضري التاي.. خلاهاا تقوم هي وبنتهاا يشمرو على ذراعهم "
مايا :" رينو شيهمك فيها.. احسبها حشاك كل/بة تنبح"
تنهدت بالشوي نحكي
انا :" مانجمش يامايا.. ريتها بكري شعملت عالطاولة لا ومازالت تڤحرلي ف بالها بيا بش نخاف منهاا "
عدات بعيناها علياا تحكي
ماايا :" هي تعمل هكاكا بش تغزلك.. اما ماعندها وين توصل وماعندها ماتعمل "
انا :" نعرف..اما لوقتاه بش نبقى متحملة كلامها هذاا. كل عشاء وكل فطور وهي تخظ فينااا هكاا "
حطت يداها فوق زندي وقربتلي تحكي
مايا:"صدقني انا ماهيش مقلقتني..صحيح حشمت اما من لي صار قدام عمو جابر..اما هي مانيش حاسبتها جملا خاطر عندها كان لحديث ماوراها شي "
عديت بعينيا عليها نحكي
انا :" مايا حسب رايك نطلب خالد بعد؟"
ماياا:" شدخل خالد تو ؟"
انا :" نحب نعرف شعمل.. لي صار الليلة خلاني نزيد نشد صحيح أكثر فحكاية الخدمة..نحب نخلي فلوسي انا فوقي.. نعرف جابر مش كيفها اما لي صار بكري خلاني معادش مرتاحة "
تنهدت بالشوي وهزتلي براسها اي تحكي
ماياا :" اي عندك حق هنا.. لازمناا نخليو فلوسنا احنا فوقنا "
انا :" اي يعني نكلم خالد ؟"
مايا :" لا مش الليلة.. زيد نهار ولا ثنين وكلمو.. بالك مازال يسأل رينو "
انا :" باهي "
ريتها ك تلفتت فيسع وطفات عالتاي لي فاض فوق الغاز.. تحكي
ماايا :" يااربي الغاز مشى "
خذيت المنديل فيسع وقربتلها نحكي
انا :" انت هزلهم التاي عمتي تستنى فيه.. وانا تو نمسح فيسع ونخلط عليك "
هزت البراد حطتو ف الطبق بجنب الكاسات وهزتو تحكي
ماايا :" باهي ماتبطاش.. ايجا اشرب كاسك وخلينا ندخلو نرقدو "
تبسمت نحكي
انا :" باهي ياروحي "
رماتلي بوسة ف الهواء وخرجت.. تنهدت بالشوي وغزرت للغاز قدامي بقيت نمسح فيه ونخمم ف لي صار بكري..مانيش عارفة كيفاه بش نتحمل وجود سميحة ونبقى عايشة معاها فرد دار حياتي لكل.. مستحيل كان انجم نتقبلهاا.. صوتها وغزرتهاا وحدهم كافيين بش يزيدو ف كرهي الأعمى ليهاا.. عارفتها ماهيش بش تبعدني وبش تبقى مارجتني هكاا لين نهار تخليني نطرشق ونحاسبهاا عالقديم قبل الجديد.. تهزيت وتحطيت على صوتو ورايا يحكي
عيسى :" لبريكية ويني بش نشعل سيقارو ؟"
تلفتت ورايا وين شفتو يلوج عالطاولة..قحرتلو ورجعت غزرت قدامي من غير مانجاوبو.. قلبي ضرب بقوة ك حسيت بيه وقف بجنبي.. دوب غزرتلو كيفاه يلوج بين الماعون يحكي
عيسى :" نحكي معاااك راني "
رميت المنديلة وقحرتلو نحكي
انا :" ماتحكيش معايا.. فيك عينين لوج وحدك "
اول ماتحركت بش نبعد عليه شدني من مرفقي ووقفني وين حسيت ببدني رعش واطرافي نملت.. جبدني عندو ووقفتي قدامو.. كبس علياا أكثر وغزرلي درا كيفاه يحكي
عيسى :" ياخي مش قتلك انا ماتجاوبش سميحة وطفيها ؟"
انا :" مانتفكرش "
عقد بحواجبو مستغرب يحكي
عيسى:" كيفاه ماتتفكرش..الف مرة نوصيك ونقلك ماتجاوبهاش خلاهاا تحكي وحدهااا "
ميلت راسي وعديت بعينيا عليه نحكي
انا :" نسيت.. انا نسيت كلااامك لي قلتو لكل.. نسيتو ورميتو ورايا زادة "
نطرت مرفقي منو ورجعت نحكي
انا :" ورد بالك ترجع تفكرني فيه.. وبرا وصي حد آخر غيري.. انا نعرف نتصرف وحرة كيفاه نتصرف.. نجاوبها مانجاوبهاش.. نطفيها مانطفيهاش انا حرة "
عدا بعينيه عليا وغزرلي درا كيفاه ساكت.. قحرتلو وعطيتو بظهري بش نخرج.. وقفت على بلاصتي ك ريتو سبقني وسكر الباب.. رسيت على سنيا بالقوي ك ريتو وقف قدامي منعني نتعدا.. ضغطت على يدي بالقوي نحكي
انا :" ابعدني.. ابعدني ياخي شتحب مني انت... "
شهقت بالقوي ك قص علياا وشدني من زنودي.. دقات قلبي قوات ك قربني ليه وطبس راسو معايا.. يحكي
عيسى :" يزي ماتصحح راسك.. اسمعني مرة وحدة ف حياااتك... "
قصيت عليه ك هزيت يدي ضربتو بالقوي على صدرو.. نحكي
انا :" معادش نحب نسمعك.. معادش نحب نسمع كلامك.. شمازالت ناوي تسمعننني..شنوة لكلام لآخر لي مازلت ناوي تقولهولي.. يزينييي ماسمعتكك.. ابعدنييي.. أخرج من حيااتي.. ابعدنييي "
بقيت نضرب فيه على قوة جهدي ونحكي م القهرة لي حسيتها وقت تفكرت كلامو..للحظة نسيت الجماعة لي قاعدين لبرا وماهمنيش شكون يسمع وشكون لا.. سكتت ننهج على يديه لي جبدتني عندو ودارت علياا.. غصة شدتني وقت لقيت روحي بين يديه لي كانت كابسة علياا لدرجة لي حسيت بصدرو كيفاه يتهز ويتحط..غمضت عينيا على صوتو لي خارج مبحوح يحكي
عيسى :" مانيش بش نبعدك حتى تسمعني... "
حليت عينيا فيسع ودزيتو على قوة جهدي وين وخر لتالي.. نحكي
انا :" ورحمة نور ك تبقى انت اخر واحد ف الدنياا لاني بش نسمعك.. مهما تحاول ومهما تعمل انامانيش بش نسعممممك "
خليتو واقف وجريت من قدامو.. حليت الباب فيسع وخرجت طول للبيت.. سكرت الباب وراياا وتكيت بظهري عليه.. حطيت يدي فوق قلبي لي بقى يدق وطرشقت بالبكاء.. حطيت يدي لخرى على فمي نكتم فصوت شهقتي وقعدت فالقاعة مانجمتش نتحرك حتى خطوة أخرى.. حسيت روحي تعبت منو ومش عارفه كيفاه بش نرتاح.. كيفاه نتخلص من لوجيعة هاذي وهو باقي وراياا.. للحظة خفت كان نضعف قدامو وقت لقيت قلبي استحلى ليديه ولريحتو.. كيفاه بش نخلي قلبي يفيق ماعرفتش.. قد ماحاولت نجي قدامو نفشل..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
