#عيسى_يحكي
طبست راسي وغزرتلها كيفاه متكية براسها على كتفي..سارحة قدامهاا وتتبسم وحدهاا..عديت بعينيا عليها وين تفكرت كلامها متاع بكري غير تصرفاتهاا ليوم لي خلاوني معادش فاهم انا ف شنوة قاعد نحس بالضبط ولا لوين ماشي معاهاا بالطريقة هاذي.. حاجة داخلي مخليتني انا زادة نحس بالراحة لي هي ديما تحكي علاهاا..عمري لاتوقعت اني بش نحب وجودها بجنبي هكاا.. تخمامي صار كان فيها هي كيفاه بش نخلاها فرحانة ومرتاحة كيما وعدتها.. معاها وليت ننسى غشي وكل حاجة مقلقتني ف الدنيا هاذي وين نلقى روحي نحب نبقى نغزر لضحكتها..رغم كل شي صار ف السفرة هاذي من مشاكل وتعب اما كانت اكثر سفرة ارتحت فيها حسيت كاني هربت ورميت كل شي وراياا خاصة معاها انو هي معاياا ولي خلاتني بلحق نشوف الدنيا ساعات بعيناها هي وين نلقى روحي شايخ أكثر.. فقت من سرحتي على صوتها تحكي
لارين :" عيسى شبيك ساكت ؟"
انا :" شنوة تحبني نحكي ؟"
لارين :" اي حاجة المهم ماتبقاش ساكت هكا "
تبسمت نحكي
انا :" احكي انت هاك مستانسة ماتسكتش "
لارين :" ك يبدأ مخي يحكي مانجمش نتكلم.. نتعب "
ضحكت نحكي
انا :" خليه يرتاح مخك حكى برشة ليوم "
بعدت علياا وقحرتلي تحكي
لارين :" كانك تضحك على مخي؟"
انا :" لا علاش بش نضحك ؟"
لارين :" مانعرفش "
حكيت على لحيتي نحكي
انا :" لا مستحيل نضحك على مخك.. ساعة هو فاش يخمم تو الوقت هذا ؟"
رجعت شعرها لتالي وغزرتلي تحكي
لارين :" حسب رايك جابر يكون بدلي موبيليت البيت؟"
عديت بعينيا عليها مستغرب نحكي
انا :" هذا فاش تخمم ؟"
هزتلي براسها اي تحكي
لارين:" اي تو تفكرت انو بش يبدلها.. زعمة ذوقو باهي ؟"
انا :" مانعرفش "
عوجت شفايفها تحكي
لارين :" انشالله يكون بدلها ومايخلفش بوعدو ليا "
تبسمت نحكي
انا :" حتى كان مابدلهاش.. ك نرجعو هز امي واشري موبيليا على ذوقك انت "
ضحكت وقربتلي تحكي
لارين :" انت بش تخلصها ؟"
انا :" اي شعندي نعمل "
لارين :" مالا انشالله جابر يطلع نسى.. وهكا نهزك انت تختار معاياا وعمتي تمشي معاانا ومايا زادة.. جوو "
عديت بيديا الزوز على وجهي نحكي
انا :" انا الغالط لي سألتك.. ابعدي من قدامي "
لارين :" لا لا خليك نفدلك معاك والله.. ساعة المفروض تكون تعودت بفدلكتي "
عقدت بحواجبي نحكي
انا:"والله ساعات نحس تفدليكك هوتفكيرك لحقيقي "
لارين :" يا ظالمني "
نفخت بالشوي نحكي
انا :" ارجع ساكتة كيما كنت "
قحرتلي ورجعت تكات براسها على كتفي..شوي وسمعتها تحكي
لارين :" انت تحب ترجع لتونس ؟"
انا :" اكيد "
لارين :" علاش ؟"
انا :" شنوة لي علاش ؟مالا بش نبقى هنا حياتي لكل "
لارين :" انا ساعات نخاف من رجوعي "
بعدت عليها شوي وعديت بعينيا عليهاا نحكي
انا :" علاش تخاف ؟"
لارين :" مانعرفش.. ساعات نحس انو استقراري غادي بش يكون صعيب.. يمكن لي مصبرني وجودك انت وعمتي وانو ماياا ماشية معايا..سينون مانيش مرتاحة للباقي.. حتى جابر ساعات نخاف منو "
تنهدت بالشوي نحكي
انا :" رجعنا لنفس الموضوع..اولا جابر ماعندو مايعملك والباقي طفيهم"
عدات بعيناها علياا وغزرتلي درا كيفاه تحكي
لارين :" ياخي انت علاش معايا انا هكا ؟"
انا :" كيفاه هكا ؟"
دارتلي بكلها واستوات ف قعدتها.. قعدت قدامي بالضبط وربعت ساقيهاا تحكي
لارين :" بش نسألك حاجة أخرى..علاش انت معايا حاجة ومع رانية حاجة ؟"
انا :" وضحلي اكثر سؤالك "
لارين :" يعني انا من اول ماجيت انت تحكي معايا.. موسع بالك معايا.. تعاركني وتتغشش وتصيح.. ساعات تضحك معايا..جيت معايا لفرنسا..مع رانية ماريتكش تقول حتى صباح الخير "
تبسمت على جنب نحكي
انا :" خاطر انت مش كيف رانية "
لارين :" كيفاه يعني خاطر هي عندها ام وانا لا ؟"
عديت بعينيا عليها وقربتلها نحكي
انا :" شنوة لكلام هذا..اكيد لا..شوف انا ورانية بالقدر وقت لي هي تستحقني تلقاني غير هذا ماعندي علاش نحكي معاها..ونقصد بهي مش كيفك يعني هي تعرف طبعي وشنوة لي يغششني..وقت تعمل حاجة هي زادة نعاركهاا ونربيها كان لزم.. عكسك انت لي جيت ماتعرفنيش..على هذاكا كنت نتغشش ونصيح وانت ماتسمعش لكلام ف هاذي عكسها زادة "
عوجت شفايفها تحكي
لارين:" قصدك يعني رانية عاقلة مش كيفي "
نفخت بالشوي نحكي
انا :" شمذكرك فيها اصلا.. شنندب برانية انا "
هزت بكتافها تحكي
لارين:" تي حبيت نعرف وكهو "
عديت بعينيا عليها نحكي
انا :" كل لي لازمك تعرفو انك انت غير رانية.. يعني ماتقارنش تصرفاتي معاك بيها هي..واضح ؟ "
تبسمت تحكي
لارين :" واضح "
قربتلي اكثر وتكات براسها على كتفي تحكي
لارين :" تعرف أكثر حاجة نحبها ف الدار هذيكا شنوة ؟"
بعدت خصلات شعرها لي طارو قدام وجهي نحكي
انا :" شنوة؟"
لارين :" قعدتنا ف البلكونة..كنت نبدأ نستنى النهار وقتاه يوفى بش انت تروح ونحكي معاك "
انا :" مش على اساس الدخان يقلقك ؟"
بعدت راسها شوي وغزرتلي تحكي
لارين:" اي يقلقني.. ويقلقك انت زادة ولازمك تنحيه هو والقهوة "
انا :" فما طلب أخر ؟"
لارين :" لا "
رجعت تكات براسها ساكتة..دورت بيديا عليها وبقيت نمسح على شعرها وانا مستغربت سؤالها على رانية وشنوة مذكرها فيها غير خوفها من الرجوع لي ماعندوش مبرر.. اما مهما يكون السبب ومهما لي يصير انا بش نكون معاها غادي خاطر هي بلحق غير لكل صارت عندي..لارين صارت خط أحمر مستحيل نخلي واحد يضرها ولا يقرب من شعرة منهاا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
