#لارين_تحكي
حطيت يدي فوق شعر ماياا لي تكات فوق ساقياا نمسح علاها ونتفرجو ف الفيلم وين حسيت روحي ارتحت شوي وقت سميحة قامت تكمل ف صابونها وبنتها دخلت لبيتها وخلاوناا وحدناا.. عديت بعينيا عالتلفزة نغزر لتصويرة لي تتحرك اما مانيش مركزة مع صوتهاا من التخمام..تنهدت بالشوي نحكي
انا :" ماايا نحب نقلك حاجة "
هزت راسها وغزرتلي تحكي
ماايا :" حاجة شنوة ؟"
طبست راسي وغزرتلها.. عديت بعينيا عليها نحكي
انا :" شرايك نشوفو خدمة؟"
وقفت من فوقي ودارتلي بكلها.. ربعت ساقيها تحكي
ماياا :" منين خرجت بيها لحكاية هاذي ؟"
بعدتلها خصلات شعرها نحكي
انا :" لحكاية هاذي ف بالي من وقت لي جيت.. يعني انا قلت كان بش نستقر هناا بش نعمل على روحي.. وزيد انا نخمم ممكن عام جاي نرجع نقرأ وانت زادة مش كنت تحلم تعمل دورة تكوينية ف الفخار والخزف بش تتعلم اكثر ؟"
هزتلي براسها اي تحكي
مايا :" اي نحب.. وزيد عندك حق.. عالأقل انا لازمني نشوف خدمة يعني مانحبش نكون ضيفة ثقيلة عايشة معاكم وتصرفو علياا"
عقدت بحواجبي ودرتلهاا.. شديتها من يداها نحكي
انا :" آخر مرة نسمعك تقول لكلام هذاا ماياا والا بش نتغشش والله.. اولا انت ماكش ضيفة انت هنا كيفي.. وماكش ثقيلة على حتى حد.. وكان بش نشوفو خدمة بش نشوفوها احنا الزوز مستحيل نخليك تخرج تخدم وحدك وانا نبقى.. احنا مع بعضنا ف كل شي تفاهمنا "
تبسمت تحكي
مايا :" تفاهمناا رينو.. المهم قلي شنوة الخدمة؟ زعمة نلقاو ؟"
عضيت على شفايفي وقربتلها شوي نهمس نحكي
انا :" فما حكاية بش نحكيهالك ونحبك تعطيني رايك "
عدات بعيناها علياا وهمست كيفي تحكي
مايا :" اي احكيلي "
انا :" لا مش هناا.. ك نطلعو للسطح وحدناا "
هزتلي براسها باهي تحكي
مايا :" اوكي "
قربت بستها من خدها نحكي
انا :" ارجع تكا "
بقيت نلعب بخصلات شعرهاا ونخمم فعرض نزار لي بقى يدور ف مخي من بكري.. لقيت انها تجربة مش بش تخسرني حتى شي.. ممكن من حظي الصدفة هاذي اني شفتو وشاف خدمتي بش نوصل للي نحب عليه لكل وزيد فرصتي بش نبعد من هناا شوي ونلقى فاش نتلهى.. فقت من سرحتي على صوتها تحكي
سميحة :" اياا قومو هزو البانو "
قحرتلها وقمت بعد ماياا.. لبست ف ساقياا وقربت هزيت البانو نحكي
انا :" هذا كهو ولا ناويتنا نزيدو نهبطو ؟"
عوجت شفايفها تحكي
سميحة :" هذا كهو.. وانشالله ماكش متقلقة"
قحرتلها وغزرت لمايا نحكي
انا :" هيا هياا "
خرجنا مع بعضنا وطلعنا للسطح.. تبسمت ك ريتها سيبتني وقربت للحرف متاع السطح تحكي
ماايا :" يهبل السطح.. خير من غمة الدار "
حطيت البانو فوق الكرسي نحكي
انا :" اي ريت محلاه.. النسمة تهبل هناا "
قربتلي تحكي
ماياا :" الحومة لكل ظاهرة منا.. المنظر يهبل.. خلينا كل يوم نطلعو هناا نشمو شوي هواء "
تنهدت بالشوي وهزيتلها براسي اي.. خذيت المريول فردتو ونشرتو.. قربت تنشر معايا تحكي
مايا :" اي احكيلي.. نسمع فيك "
عديت بلساني على شفايفي وغزرتلها نحكي
انا :" تتفكرو نزار لي عرفتك بيه لبارح ف الطيارة ؟"
مايا :" اي شبيه ؟"
انا :" هو قدملي عرض وانا قاعدة نخمم فيه "
حلت عيناها فيا وطيحت المريول من يداها تحكي
مايا :" عرض شنوة زادة؟"
طبست هزيت المريول نحكي
انا :" تي شبيك مفجوعة..بالشوي هاني بش نحكيلك.. نزار كان عايش ففرنسا يخدم مدير تنفيذي فدار ازياء **** لي فباريس "
هزت بحاجبها تحكي
مايا :" تحكي بجدك ؟؟ "
انا :" اي والله.. اما هو قدم استقالتو خاطر تعب من الغربة 10سنين وقرر يرجع لتونس... "
قصت عليا وضحكت تحكي
مايا :" صار ساعتين طلعتو تحكيو فيهم على حياتو.. اممم وعلاش يحكيلك سي المدير؟ "
ضيقت عينيا فيها نحكي
انا :" نبرة صوتك مش عاجبتني "
مايا :" هههه كمل شنوة العرض ؟"
بلعت ريقي وخذيت الجبة ننشر فيها ونحكي
انا :" قبل مانحكيو ف هذا لكل.. هوشافني وانا نرسم فتصميم جديد كيما علمتني نور.. عاد عجبو تصميمي وبقينا نحكيو عليه ومن غادي عرفني بروحو وقلي انو بش يستقر فتونس وفتح شركة هنا متاع الازياء والاعلانات ومعاه شريكو اما ففرنساا..مالا قلي شرايك انت تكون مصممة الازياء الخاصة متاع الشركة "
حلت عيناها فيا تحكي
مايا :" بلحق ؟؟ اي وانت شقررت ؟"
انا :" ماقررتش..ماحبيتش نقرر قبل مانحكيلك "
مايا :" والله هاذي فرصة ماتتفلتش يعني كان تعرف تستغلهاا وتخدم مليح تنجم توصل لحاجة باهية.. اما قبل ماناخذو اي قرار لازم نسالو على نزار هذاا خاطر احنا مانعرفوهش رينو.. ينجم يطلع كذاب "
انا :" حتى انا خممت هكاا..هو عطاني الكارط فزيت متاعو فيها اسمو كامل والعنوان والارقام "
مايا :" لا انا قصدي نسالو عليه ففرنسا.. إذا بلحق كان يخدم مع الدار هذيكا ومدير ولا لا.. ومن غادي نعرفوه إذا صادق ولا كذاب "
عديت بعينيا عليها نحكي
انا :" ساهلة.. انا نعرف شكون ينجم يسالي ويجيبلي كل شي عليه "
عقدت بحواجبها تحكي
مايا :" شكون ؟"
تبسمت نحكي
انا :" خالد "
ماايا :" خالد صاحب عيسى ؟ تتصور ينجم يعاونك ؟"
انا :" اي نتصور ومتأكدة زادة.. بعد تو نكلمو ونقلو اسالي عليه وبعدها نقررو"
ضحكت تحكي
مايا :" اوكيتو.. ياا جو رينو بش تصير مصممة ازياء "
ضحكت نحكي
انا :" هههه سايي بديت تحلم انت "
مايا :" حالياا عناا كان الحلم خليناا نحلموو حتى نحققو لي نحبو عليه "
تبسمت نحكي
انا :" باهي خلينا نحلموو مالا "
ضحكت ورجعنا ننشرو ف الصابون وفرد وقت رجعت نحكيلهاا لي صار ف الطيارة وشنوة حكيت مع نزار بالضبط بش هي تتهنى أكثر...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
