#لارين_تحكي
عديت بعينيا عليه وبقيت نغزرلو كيفاه كان قريب مني ومركز مع عينيا.. تبسمت ك حسيت بيديه كبست على يدي وجبدني عندو أكثر.. نحكي
انا :" كانك نسيت نقاط الضعف مسيو عيسى "
رخف يديه مني اول ماضربتو بركبتي على كرشو.. وخر لتالي وغزرلي درا كيفاه..هزيت يدي بش نضربو بكوع مرفقي على صدرو اماوقفت على يديه لي هدت عليا فلحظة وشدتني..كبس علاها ودورني وين ظهري تضرب فصدرو..تكيت براسي على صدرو وبقيت ننهج..بدني رعش على يديه الثانية لي دارت على صدري يحكي
عيسى :" مانسيتش اما انا ماعنديش نقاط ضعف "
دورت وجهي ليه وغزرتلو.. عديت بعينيا عليه نحكي
انا :" متأكد؟"
قلبي ضرب بقوة على عينيه لي دارت على تفاصيل وجهي لكل..يحكي
عيسى :" نقص من لحديث وحاول تفكني "
وطيت فصوتي شوي نحكي
انا :" عيسى انا تعبت.. ومافطرتش لتو انا جعت "
رخف يديه مني وبعدني شوي يحكي
عيسى:" باهي يزيك ليوم.. برا ارتاح "
تبسمت على جنب وتلفتتلو بالوقت.. هزيت يدي ف وجهو على اساس بش نضربو اما مالقيتوش.. عقدت بحواجبي مستغربة مش عارفة وين مشى ف لحظة.. شهقت بالقوي كيف حسيت بيه وقف وراياا وشدني من يدي..دورها على صدري وضربني على ساقياا وين طحت عالرمل.. شديت ف مريولو وجبدتو معاياا وين طاح فوقي.. استند بيديه عالرمل وطلع شوي ووجهو باقي مقابل وجهي.. عديت بعينيا عليه وضحكت نحكي
انا :" طلعت غدار مسيو عيسى "
ضيق عينيه فيا يحكي
عيسى :" انا غدار وانت رهدانة "
قلبت شفايفي نحكي
انا :" انا رهدانة ؟ شعملت زادة ؟"
قلبي ضرب بقوة اول ما طبس عليا شوي.. عدا بعينيه علياا يحكي
عيسى :" عود ثبت ف نبرة صوتك معايا.. خاطرني صرت نفهمك منهاا "
وطيت ف صوتي كيما اول مرة نحكي
انا :" صاار وانا لي فكرت انو صوتي نقطة ضعفك "
تبسم على جنب وغزرلي درا كيفاه ساكت.. حطيت يدي على صدري وبقيت ننهج ونحكي
انا :" مازالو حركات اخرين بش تعلمهملي ؟"
عيسى :" اي تو كل مرة نعلمك حاجة؟"
انا :" زعمة بش يجي نهار ونحتاجلهم؟"
هز روحو وتقعد عالرمل.. هز يديه قدامي وين شديت فيها.. جبدني وتقعدت بجنبو.. يحكي
عيسى :" انت تعلم على ماياتي.. هكا نكون مطمن عليك أكثر "
تبسمت نحكي
انا :" علاش ناوي تخليني وحدي مسيو عيسى "
حط يديه على خدي وبعدلي خصلات شعري لي كانو لاصقين يحكي
عيسى :" مستحيل نخليك وحدك.. امامانعرفوش عالدنياا.. يعني كيما قلت بكري باهي ك تبدأ تعرف كيفاه تدافع على روحك "
عديت بعينيا عليه نحكي
انا :" ياريتك ظهرت ف حياتي قبل 3 سنين "
ضيق عينيه فيا وغزرلي درا كيفاه يحكي
عيسى:" علاش ؟ شصار من 3 سنين ؟"
طبست راسي وخذيت نفس طويل.. رجعت غزرتلو وتبسمت نحكي
انا :" ماصار شي.. اما وقتها تعاركت انا وطفلة وضربتني وانا ماعرفتش ندافع على روحي "
عدا بعينيه عليا وغزرلي درا كيفاه وين حسيت روحي تربثت.. عديت بلساني على شفايفي نحكي
انا :" شرايك نحضرلك اوملات؟"
وقف من بلاصتو وشدني من يدي يحكي
عيسى :" اقف دوش قبل وارتاح "
وقفت معاه وبقيت نمشي بجنبو.. نفخت بالشوي ك ريتو ساكت وين حسيت روحي ندمت عالي قلتو خاطر كانو مصدقنيش.. اول مادخلنا غزرتلو ك سكر الباب.. نحكي
انا :" شنوة بش نعملو ليوم ؟"
عيسى:" مانعرفش.. ممكن نفطر و نهبط نعوم وانت ؟"
انا :" بش نرسم شوي..وبعد بش نحضر لعشاء.. عندي برنامج لليلة احلى من متاع لبارح "
عيسى :" ربي يستر "
قربتلو ووقفت قدامو بالضبط نحكي
انا :" عيشك عيسى..هذا احلى صباح عديتو معاك "
عدا بعينيه عليا وغزرلي درا كيفاه يحكي
عيسى :" وماهوش اخر صباح..هانا مازلنا قاعدين وتو تعدي احلى من هكا "
ضحكت من غير حتى كلمة.. كلامو كل مرة يفرحني اكثر من لمرة لي قبلهاا وين نحس روحي مانلقى مانقول قدامو.. اشرلي بعينيه يحكي
عيسى :" اياا ادخل "
هزيتلو براسي باهي ودخلت نجري للبيت.. تعديت طول لسالدوبان نحيت حوايجي ودخلت تحت الماء.. عملت دوش خفيف وانا شايخة رغم التعب لي كنت حاستو اما كنت خفيفة كاني طايرة..كيما حبيت فكرة انو يعلمني ندافع على روحي رغم اني حسيت انو تعدا وقت علاها خاطر معايا عيسى تو..متأكدة اني مانيش بش نكون وحدي كان صارت حكاية..هو بش يكون بجنبي ويدافع علياا.. رجعت شعري لتالي وبقيت مستغربة تفكيري.. غريبة الثقة لي نخمم فيها ونحس بيهاا ك نفكر فعيسى..ثقتي فيه كبيرة لدرجة اني انجم نغمض عينيا وانا بجنبو.. وجودي معاه تو ف بلاصة كيما هاذي وحدنا اكبر دليل على ثقتي فيه وانو يستحقها..عيسى خلاني نسترجع حاجات فقدتهم وقت فقدت نوري..الراحة لي نحسها معاه نفس الراحة لي عشتها مع نور..تصرفاتو معايا وهو يسايس فياا يفكروني فيهاا..تبسمت من غير مانشعر ك تفكرت لبارح كيفاه نشفلي شعري.. هزيت يدي وبقيت نغسل ف الرغوة وتفكيري مازال فيه.. ساعات نسأل روحي إذا ماعرفتش عيسى شنوة كان بش يصير ف برشة حاجات.. رغم انو المواقف لي تعديتهم معاه كانو قلال اما كانو كافيين بش يخليوني نتعلق بيه..الشي الوحيد لمطمني لرجوعي لتونس انو عيسى موجود.. لا جابر ولا عمتي ولا ماياا مخليني مطمنة قد عيسى.. كانو راحتي واماني صارت تتلخص ف اسم عيسى كهو.. سكرت السبالة وخرجت لبست الكابدوبان متاعي ورجعت للبيت.. قعدت على طرف السرير وبقيت نخمم ف برنامج الليلة لي محضرتو وين حسيت روحي تحمست ودخلت بعضي وانا نتخيل ف رايو شنوة بش يقول...
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
