#عيسى_يحكي
خليتها ف الكوجينة وخرجت للطاولة وين شفت خالد قاعد.. حطيت لي ف يدي وجبدت الكرسي.. قعدت بجنبو وغزرتلو ك تلفتلي يحكي
خالد :" شعامل مالا سي الحوت.. عجبتكم لبلاصة ؟"
تكيت بظهري لتالي وعديت بيديا على شعري نحكي
انا :" اي حلوة "
عدا بعينيه عليا وغزرلي درا كيفاه يحكي
خالد :" حتى لارين ظاهر فرحانة.. احسن حاجة انك سمعت كلامي و جيتو هناا "
هزيتلو براسي اي نحكي
انا :" اي لارين ارتاحت هناا.. الجو نفعنهاا "
خالد :" فرحتني.. هكا نحس روحي عملت حاجة صلحت بيها لي صار "
استويت ف قعدتي وغزرتلو نحكي
انا :" لي صار مش غلطتك حتى تصلحو.. وزيد انا مانقول تصلح كان مانحاسب لآخر بيدي "
عدا بعينيه عليا وقربلي يحكي
خالد:" جون بعثلي ميساح بكري.. قلي راو بلحق هو موجود ف لوتيل لي ف ***** "
حليت عينيا على وسعهم وعليت ف صوتي شوي نحكي
انا :" فاش تستنى مالا قوووم قبببل مايهرررب الطحااان "
شدني من مرفقي اول ماتحركت يحكي
خالد :" ماهوش بش يهرب خاطر انا حطيت شكوون يعس عليه.. وزيد الكلب محشي ف البيت كيما لولية كيفاه بش تمشيلو والكاميرات تصور "
رسيت على سنيا بالقوي نحكي
انا :" مالا نبقى انا نستنى ف *** حتى يخرج.. شوووف كلم صاحبك هذاا يلقى اي حل ويخليه يخرج.. مانيش بش نبقى نستنى اناا هكاا ويدي على خذي "
نفخ بالقوي يحكي
خالد:" ياربي منك.. ياخي ماعندكش شوي صبر قتلك تو نتصرف من هنا لغدوة تولحكاية توفى ياسي *** "
كبست عالبونية متاعي بالقوي نحكي
انا :" الطحان خليه يطيح بين يديا برك مانسيب فيه غشي لقديم والجديد.. كان مانفسدلوووش ** منظروو انا مش راجل "
غزرتلو كيف اشرلي بعينيه يحكي
خالد:" بدل الموضوع "
دمي فور اول ماهزيت راسي وغزرتلها جاية ناحيتنا بالهيئة هاذي وين حسيت روحي كرزت منهاا وانا لي مش عارف كيفاه بش نتحمل منظرها قدامي.. رسيت على سنيا بالقوي ك ريتها جبدت الكرسي وقعدت مقابلتني.. عدات بعيناها عليا تحكي
جيهان :" ماتوقعتش لبلاصة مزيانة هكاا.. احسن حاجة عملتها انك جيت مع الصغرونة هناا اكيد راكم تفرهدتو وعملتو جو وحدكم "
قحرتلها نحكي
انا :" كانك حاضرة "
تبسمت وغزرت لخالد تحكي
جيهان :" خالود شرايك بعد نعملو غطسة؟"
خالد :" باهي يامن حيا لبعد.. خلينا نفطرو قبل "
جيهان :" هههه ظاهرلي بش نبقاو بلاش فطور.. طليت عالصغرونة بكري نلقاها واحلة "
رسيت على سنيا بالقوي وقحرتلها نحكي
انا :" تنجم تقوم تحضر فطورك وحدك.. الصغرونة ماهيش تخدم فيك هناا "
جيهان :" ياا عيسى ماتقليش تغششت.. انا مانقصدش نفدلك "
قحرتلها من غير حتى كلمة وتلفتت على صوت الخطوة وراياا.. تبسمت ك ريتها جات وف يداهاا طبق.. خذيتو من يداها اول ماقربتلنا وحطيتو عالطاولة.. تبسمتلي وقعدت بجنبي تحكي
لارين :" سامحوني خليتكم تستناو.. قليت شوي فريت مع السلاطة "
خالد:" علاش تعبت روحك رانا كمندينا اي حاجة"
ضيقت عينيا نغزرلها ك ضحكت وقربتلي تحكي
لارين:" مفماش تعب..اصلا انا النهارين هاذم عاملة جو عالكوجينة.. كل يوم لازم نطيب حاجة جديدة.. مش هكا عيسى؟"
دوب تبسمت نحكي
انا :" اي هكاا "
غزرت لخالد ك خذا صحنو وبدأ ياكل ويحكي
خالد:" خليني نذوق تصنيفك مالا.. مدام الحوت كلا من عندك يعني ماكلتك بنينة "
ضحكت تحكي
لارين:" اي عيسى قال بنينة "
تلفتت لجيهان وغزرتلها درا كيفاه تحكي
لارين :" جيهان افطر..انت ضيفة هناا ولازم نفرحو بيك "
جيهان :" هههه لا سايي معادش ضيفة انا مدام الدار هاذي طلعت متاع خالودي "
قحرتلها نحكي
انا :" هي صحيح دار خالودك.. اما انا تو قاعد فيهاا يعني انت ضيفة عندي "
ضحكت تحكي
جيهان :" مدام ضيفة عندك مانقولش لاا"
قحرتلها وغزرت لخالد لي طبس راسو ياكل يحكي
خالد :"هههه انا بيناتكم وانتوما تقسمولي ف ورثي "
ضربتو على كتفو نحكي
انا :" تلهى افطر انت "
طبست راسي وغزرت للصحن لي تحط قدامي.. تحكي
لارين :" افطر انت زادة من عشا لبارح ماكليت شي "
غزرتلها وعديت بعينيا عليهاا نحكي
انا :" باهي "
تبسمتلي وطبست راسها تاكل.. بلعت اللقمة وغزرت لخالد نحكي
انا :" لكرهبة لي هناا شنوة بش تعمل فيها ؟"
حط الشوكة ومسح يديه يحكي
خالد:" ياخي شبيها هي ؟ مش كانت لباس علاها ؟"
انا :" فما مشكل ف الموتور.. ماهيش حاجة كبيرة انجم نريقلها ف لحظة اما لازمني قطايع "
خالد:" خلاها تو.. هاي كرهبتي موجودة "
هزيتلو براسي باهي من غير حتى كلمة.. تلفتت على صوتها تحكي
لارين :" شنوة بش تعملو بعد لفطور؟؟ "
انا :" علاش ؟ تحب حاجة ؟"
لارين :" لاا سألت "
غزرت لخالد يحكي
خالد:" شرايك نعملو غطسة عيسى.. وبعد نرتاحو شوي.. و فليل نعملو مشوى عالشط "
حكيت على جبيني نحكي
انا :" باهي ميسالش..حتى انا ناقص نوم ونحب نرتاح.. وبعد نعملو برنامج "
ريتها ك ضحكت تحكي
لارين :" سامحني خاطر فيقتك "
انا :" ميسالش "
نفخت بالشوي ك سمعتها ضحكت.. تحكي
جيهان :" علاش تفيق فيه ؟ ماتقليش تخاف تبقى وحدك ؟"
لارين :" لا مانخافش اما مانحبش نبقى وحدي نقلق "
هزتلها براسها باهي وغزرتلي درا كيفاه وين حسيت روحي فديت منها.. قمت من بلاصتي وغزرت لخالد نحكي
انا :" قوم يزيك ماكليت "
ضحك وقام معايا يحكي
خالد :" خليني نمشي نبدل حوايجي ونجي "
هزيتلو براسي باهي وتلفتت للارين وين شفت وجهها مقلوب نحكي
انا :" كان تحب ادخل ارتاح انت "
حلت عيناها فيا تحكي
لارين:" لااا بش نبقى هناا "
انا :" باهي ابقى "
قحرتلي ورجعت غزرت قدامهاا.. نفخت بالشوي وسبقت خالد للشط.. نحيت مريولي ودخلت للبحر بقيت نعوم وفرد وقت نغزرلها كيفاه تتبع فيا بعيناها وباين علاها لقلق..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
