#لارين_تحكي
حطيت الكاسة من يدي وهزيت راسي وين شفت لآخر كيف قام وجهو مقلوب ومشى من ناحية التوالات.. طبست راسي وغزرت لمايا لي تبسمتلي بالوقت.. تبسمتلها وغزرت لنزار لي مازال يتفرج ف رسوماتي.. هز راسو معايا وتبسم يحكي
نزار :" بعد مازدت شفت الرسومات هاذم مانيش ناوي نسلم فيك..انت بش تفيدني برشة فمجال الإعلانات زادة "
عقدت بحواجبي نحكي
انا :" كيفاه؟"
نزار :" يعني حسب مانشوف عندك أفكارك حلوة.. وانا هذا لي حاجتي بيه..مالا ياريت تفكر فكلامي "
تبسمت نحكي
انا :" بش نفكر.. وبش نجاوبك ف أقرب وقت.. غير تو خليني نروح ونشوف أموري وبعد ساهل "
هزلي براسو باهي يحكي
نزار :" باهي تفاهمناا "
خذيت نفس طويل وتكيت براسي عالبلار نغزر للسماء لي بدأت تظلام وفرد وقت نخمم فصدفة لي جمعتني ب نزار وين حسيت انو ممكن الدنياا قدمتلي الفرصة هاذي بش نقدم فحياتي وننجح.. نلقى حاجة نتهلى فيها ونركز معاها بش انجم ننسى ونتجاوز لي صار.. غير انها فرصتي بش نستقل ونبعد علاهم.. خاطر مستحيل كان نبقى عمري لكل ف الدار هذيكاا لازم يجي وقت ونخرج منهاا وممكن هاذي اول خطوة لياا بش نخلي الوقت هذا يقرب.. قلبي ضرب بقوة على صوت نداء الطيارة اننا وصلناا والطيارة شوي وتهبط لحظتهاا حسيت بخوف غريب سيطر علياا.. للحظة حسيت كأني ماشية لناس مانعرفهاش.. ناس عقلي رافض وجودهم ف حياتي اكثر حتى من المرة لولى.. رغم اني عديت معاهم وقت وعرفتهم اما حاسة روحي مازلت غريبة علاهم..لي صار مع لاخر خلاني نحس كانو كل شي تهد ورجعت لنقطة الصفر مع الناس لكل.. ..خلاني نحس كاني هاذي اول مرة بش نهبط فيها لتونس وللحومة هاكي.. اما المرة هاذي بش تكون أصعب علياا من اول مرة.. كبست على ساكي بالقوي وتكيت براسي تالي اول ماحسيت بخضة الطيارة لحظتهاا تلفتت على يديه لي تحطت فوق مرفقي يحكي
نزار :" ماتخافش.. غمض عينيك وخمم ف اي حاجة أخرى ماتركزش مع الطيارة "
هزيتلو براسي باهي وغمضت عينيا.. رجعت حليتهم فيسع وقت لمحت خيال لآخر قدامي.. مانيش عارفة علاش رغم كل شي عقلي مازال يخمم فيه علاش تصويرتو ماحبتش تتمحى من قدامي.. لحظتهاا استرجعت كلامو لياا لي بش يبقى كيما الكف لي بش يصحيني كل مانتفكرو.. فقت من سرحتي عالطيارة كيف نزلت.. فكيت لحزام وتلفتتلو كيف وقف..قمت من بلاصتي وهزيت ساكي والشوميز متاعي لي كانت على جنب.. تبسمت كيف ريتو جبدلي ساكي.. عطهالي يحكي
نزار :" تفضل "
خذيتها من يديه نحكي
انا :" مرسي نزار "
تبسملي واشرلي بيديه يحكي
نزار :" هياا خلينا نهبطو..قلي فما شكون بش يعرضك؟ كان لا انجم انا نوصلك "
عديت بعينيا عليه وغزرت للاخر لي كان وقف بجنبنا يجبد ف ساكو كيفاه تلفت يقحر لنزار.. رجعت غزرتلو نحكي
انا :" نو مرسي.. معاياا صاحبتي..دقيقة تو نعرفك علاها "
تلفتت لمايا لي قربت ناحيتنا وتبسمتلي تحكي
ماايا :" رينو نمشيو ؟"
انا :" اي اما قبلها خليني نعرفك.. مسيو نزار تعرفت عليه تو.. مسيو نزار هاذي مايا صاحبتي وأكثر من اختي"
مد يديه وسلم علاها يحكي
نزار :" تشرفت بمعرفتك مدموازال مايا "
عدات بعيناها علينا وغزرتلو تحكي
مايا :" مرسي وانا زادة مسيو نزار "
هزلها براسو اي ورجع غزرلي.. عدا بعينيه علياا يحكي
نزار :" تشرفت بمعرفتك انت زادة لارين.. فرحت برشة بصدفة هاذي..ونتمنى انك تكلمني "
مديت يدي وحطيتها ف يديه لي كانت مقابلتني نحكي
انا :" وانا زاده تشرفت بمعرفتك نزار..وبقدرة ربي تو نكلمك "
نزار :" نستناك مالا "
هزيتلو براسي باهي وغزرتلو كيف هز ساكو ومشى.. تلفتت لمايا لي شدتني من مرفقي تحكي
مايا :" شكون هذا ؟"
تلفتت للاخر كيف قرب ناحيتنا قحرلي وغزر لمايا يحكي
عيسى :" انجمو نمشيو؟"
هزتلو براسها اي تحكي
مايا :" اي هياا "
دورت وجهي فيسع ك ريتو غزرلي.. شديت ف ماياا وبقيت نمشي معاها وهو قدامنا بالضبط.. رجعت تلفتت على صوتها تحكي
ماايا :" رينو ماقتليش شكون الراجل هذاكا "
انا :" ك نوصلو لدار تو نحكيلك كل شي "
هزتلي براسها باهي وتبسمت تحكي
ماايا :" باهي.. اما ظاهر فيه ياسر gentil و sympathique "
انا :" وي عاللخر "
قربت معاها وين الشباك كملنا إجراءات لخروج لكل وخرجنا.. تلفتت لمايا كيف غزرتلو تحكي
مايا :" عيسى بش ناخذو تاكسي ؟"
هزلها براسو لا يحكي
عيسى :" لا بش يجينا شكون "
خرجنا لبرا ووقفنا عالكياس نستناو ف ادم.. استندت بيديا عالفاليز وبقيت واقفة على جنب وحدي ماحبيتش نقربلو ولا نشوفو كيفاه كل مرة يغزرلي.. تلفتت على صوت الكرهبة لي شدت فران قدامي.. تبسمت ك شفت نزار هبط البلار وغزرلي يحكي
نزار :" لارين شبيك مازلت واقفة ؟ مجاكم حد؟ "
هزيتلو براسي لا نحكي
انا :" لا فما شكون جاينا تو..هاو ف الثنية "
عدا بعينيه عليا وغزرلي يحكي
نزار :" تحب نستنى معاكم ؟ الدنيا بدأت تظلام "
عضيت على شفايفي وتلفتت لمايا كيف قربتلو فيسع تحكي
مايا :" ميسالش مسيو نزار ماتعطلش روحك.. هانا مع بعضنا "
هزلها براسو باهي ورجع غزرلي يحكي
نزار :" رد بالك على روحك لارين.. نخليكم تو "
هزيتلو براسي باهي وغرزت لكرهبتو لي خدمت وشدت الثنية.. اول ماتلفتت قلبي ضرب بقوة على غزرة لآخر لي قحرلي بيهاا.. عديت بعينيا عليه نغزر لوجهو كيفاه احمر غير عروق رقبتو لي بانت.. دورت وجهي فيسع ماحبيتش نركز معاه خاطر شكلو هذاا معادش لايخوفني ولا يأثر فياا.. اصلا مافهمتش علاش باقي يغزرلي بالطريقة هاذي كانو مايكفيش لي عملو اما كان المرة لولى سكتت المرة هاذي بش يلقاني ف وجهو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
