#عيسى_يحكي
عديت بعينيا عليها نغزرلها كيفاه تحكي عاطية ما عندها وشاعلة وحدها وين حسيت روحي غزلت ك رجعت فكرتني فكلامي مرة أخرى.. بقيت ساكت نسمع فيها ونغزرلها ك رجعت عالفوتاي.. عديت بيديا الزوز على وجهي وغزرتلها نحكي
انا :" كملتي كلامك ؟ باهي هوما كلمتين مالا مانعاودش غيرهم.. بعد نجي نلقاك بالمنظر هذا قدام لولاد مانحاسبك يالارين "
حلت عيناها فيا تحكي
لارين :" ماعندك ماتعملي.. وبرا خير مانصيح ونعيط لجابر تعرفني نعملهاا "
انا :" شوفي رانا فرمضان ولا فايدة ماتخلينيش نخرج من عقلي وتكفريني "
ربعت ساقيها وقحرتلي تحكي
لارين :" برا رمضن على غيري مالا..انا مادرتش بيك كنت راقدة مرتاحة.. جيت طيرت النوم من عينيا.. شتحب مني مافهمتش.. كرهتني ف حياتي "
ضغطت على يدي بالقوي وتلفت على صوت امي ورايا تحكي
غالية :" عيسى بابا انت مازلت هنا ؟"
عديت بيديا على شعري وكبست على رقبتي نحكي
انا :" اي امي.. حاجتك بياا ؟"
غالية :" اي حبيت نفكرك ف الخبز وجيب شوي زلابية ومخارق لسهرية "
هزيتلها براسي باهي نحكي
انا :" باهي امي.. وماتنساش تقرأ حساب ادم بش يجي يشق فطرو هناا حتى خاتك فطوم ترجع "
غالية :" اي يابابا متفكرتو.. اهوكا بعد انت هبط 3 كراسي من الفوق.. نسيت ماقتلكش لبارح "
انا :" باهي "
ريتها ك تلفتت وغزرتلها.. شهقت بالشوي تحكي
غالية :" ياناري على بنتي شوف كيفاه رقدت "
حليت عينيا اول ماتلفتت وشفتها كيفاه رجعت غفات فيسع بالقعدة.. عديت بعينيا عليها نغزرلها كيفاه راقدة وساقيهاا مربعين.. ساعات نبقى باهت قدام تصرفاتها لي تعملهم بقصد ومن غير قصد.. ريت امي ك سطحتهاا واستواتلهاا لمخدة تحكي
غالية :" بنيتي اول نهار صيام غلبهاا "
تنهدت بالشوي نحكي
انا :" هاني خرجت امي "
اول ما عطيتها بظهري وقفت على صوتها تحكي
غالية :" عيسى بابا خوذ بسبوسة زادة.. ماياا قتلي رينو تحبها ف رمضان.. ومانخلطش انا تو بش نحضرها "
هزيتلها براسي باهي نحكي
انا :" باهي تو نجيبلهاا "
طبطبت على ظهري وتبسمت تحكي
غالية :" تعيش وتجيب يابابا "
بستها من راسها وخرجت طول.. اول ماهبطت عديت بعينيا عالحومة كيفاه كانت مليانة كالعادة..خذيت نفس وشديت ثنية.. دقيقتين من زمان ووصلت اول مادخلت قابلني ادم لي كان متكي بظهرو وراقد.. تبسمت على جنب وقربتلو ضربتو على كتفو وين نڤز مفجوع يحكي
ادم :" نحي يدك..سارق ياا عبودة.... "
سكت اول ما شافني.. هزيت بحاجبي نحكي
انا :" انا سارق ؟"
قحرلي وقرب ضربني ببونية على كتفي يحكي
ادم :"تي شبيك تفدليكك ماسط..علاش هكا فجعتني"
قعدت عالكرسي وهزيت ساقياا فوق الطاولة نحكي
انا :" بش تتعلم المرة جاي ك تبدأ ف الورشة وحدك تفيق.. تصور يدخل شكوون يهز قطعة "
قعد بجنبي وتكسل يحكي
ادم :" ماهو من جرتك الحرفة.. ساعة نستنى فيك بش تهبط.. غفيت من غير مانشعر "
هزيت بصبعي ف وجهو نحكي
انا :" هاني نبه عليك معادش تقلي اهبط الوقت هذا.. كان عينك اطلع حذايا قيّل فعوض مانبقاو مصمطين هكاا نتفرجو ف بعضنا "
ادم :" تي كنت طالع اما حشمت من غاليوتة "
انا :" ماتحشمش..اصلا امي ف رمضان تبقى فدار خالي.. يعني خوك وحدو لفوق "
ادم :" صاااار.. ماو حل فمك وقلي.. مالا غدوة نطلع حذاك وانت زادة ايجا حذاياا هاني وحدي "
هزيتلو براسي باهي نحكي
انا :" باهي.. ساعة قلي شعملت ف الحكاية لي قتلك علاها فطوم ؟"
نفخ بالقوي يحكي
ادم :" برحمة بوك لا تفكرني.. هي وهي بش ترصيلي نمشي "
استويت ف قعدتي نحكي
انا :" علاش بش تمشي ؟"
ادم:" فطوم عرضتلي بجاه ربي.. وقتلي كان ماتجيش لا انا امك وانت ولدي.. وانت تعرفني برجولية كلو الا غش فطوم.. قلت نمشي نعدي نهار ونروح "
هزيت بحاجبي نحكي
انا :" اي مجاوبتنيش.. شنوة بش تعمل ف حكاية الطفلة "
ادم :" ماعندي مانعمل ياولدي.. مفما حتى طفلة.. بالحرام لا نعرسهاا بيهاا.. كان مانخليهاش هي تكرهني وتقلهم مانحبش نعرس بيه أنا مانيش الديزل "
ضحكت نحكي
انا :" هههه ماشي بش تخوف الطفلة؟"
ادم :" تؤ بش نفجعهاا.. نخلاهاا تكره النهار لي خممت تعرس بياا فيه.. تو نوريهاا الرجال شتعمل "
قمت من بلاصتي نحكي
انا :" ربي معاها مسكينة.. اي وقتاه بش تمشي؟"
ادم :" والله مانعرف..يمكن آخر جمعة ف رمضان "
انا :" فهمتك.. ايا قوم خلينا نخرجو نقضيو ونطلعوا "
هزلي براسو باهي ووقف.. هز لمفاتح وخرج معاياا.. هبط الڤراج يحكي
ادم :" شنوة بش تقضي ؟"
انا :" خبز وحاجات لسهرية امي وصات علاهم "
هزلي براسو باهي وشدينا الثنية..شريت الخبز وتعديت لمحل لحلو شريت الزلابية للامي وبسبوسة ليها هي وشدينا الثنية للدار.. غزرت للادم يحكي
ادم :" ياخي خوك وينوو؟"
تنهدت بالشوي نحكي
انا :" اسألني على روحي.. بعثتلو ميساج مارجعتش علياا "
ادم :" غريبة حتى ورشتو مسكرة..تعديت قدامها بكري "
انا :" امورو.. انا معادش عارف شنعمل معاه "
ادم :" ربي يهدي "
هزيتلو براسي اي وعطيتو الساشيات اول ماوصلنا للعمارة نحكي
انا :" انت اعطي هاذي للامي واخلط علياا لفوق بش نهبطو لكراسي "
خذاهم يدي وطلعنا مع بعضنا نحكيو حتى وصلناا.. دخل هو للدار وانا سبقتو لفوق وفرد وقت رجعت نطلب ف عزيز بش نشوفو.. وين حسيت روحي غزلت كيفاه ماهزش علياا ومش عارف عليه وينو لتو..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
