#لارين_تحكي
تبسمت اول ماتلفتت ولقيتو يغزرلي..قمت وقعدت عالكرسي لي بجنبو بالضبط نحكي
انا :" ياريت عمتي معاناا ومايا زادة "
عيسى :" والباقي ؟"
انا :" الباقي يمشيو وحدهم "
عيسى :" باهي المرة جاية تو نجيبو عمتك وصاحبتك"
حليت عينيا فيه وضحكت نحكي
انا :" ياا قول والله "
غزر قدامو يحكي
عيسى:" مانحلفش "
غزرتلو على جنب نحكي
انا :" قلي ياخي بحورات تونس مزيانين كيما هذا؟"
عيسى:" فما حتى لي احلى "
انا :" بلحق ؟ كيما شنوة ؟"
عيسى :" برشة "
انا :" باهي انت وين تمشي ؟ اناهو لي يعجبك ؟"
عيسى :" نمشي للهوارية اكثر واحد يعجبني "
انا :" تهزني معاك ك تمشي ؟"
عيسى :" انشالله "
هزيتلو براسي باهي وغزرت لخالد ك رجع ومعاه السرفور لي حط لعشاء قدامنا والمشروبات ومشى..قعد قدامنا يحكي
خالد :" بطيت عليكم.. كنت نشوف فالخدمة خاطر عندي قداه مسيبها "
عيسى :" ميسالش خوذ راحتك ماناش اغراب احنا "
خالد:" عيشو الحوت..وكيما قلت انتوما ماكمش اغراب..لمحل محلكم تصرفو كيما تحبو "
تبسمت نحكي
انا :" عيشك خالد "
خالد:" ايا ذوقو شنوة جبتلكم..هذا طبق سبيسال خاص بالريستو متاعي "
عيسى :" خالد انا نحب قهوة بش انجم نفيق شوي "
خالد:" باهي تو نجيبلك "
وقف ورجع لريستو..غزرت لعيسى يحكي
عيسى:" تعشى انت "
هزيتلو براسي باهي وبقيت ناكل..شوي وقت وخالد رجع حذانا..حط فنجان القهوة وغزرلي يحكي
خالد :" لارين ماتستحق شي ؟"
انا :" لا عيشك خالد "
خالد :" كان بردتو هناا تنجمو تدخلو "
انا :" لا لا نحب نبقى هناا انا "
خالد:" باهي كيما تحب "
غزرتلو ك تلفتت لعيسى لي يشرب فقهوتو ساكت.. يحكي
خالد:" عم الحوت غدوة فيق بكري بش نعملو غطسة "
عيسى :" باهي انشالله "
خالد:" غدوة الصباح جايين صحابي زادة.. محضر جو هبال.. مالا حتى انت لارين فيق بكري.. ماتعدوش النهار نوم "
انا :" انا ماتوصينيش.. هوما 4 ايام مانيش ناوية نعديهم نوم "
ريتو ك غزرلي على جنب ورجع غزر لخالد يحكي
عيسى :" شكون صحابك نعرفهم ؟"
خالد :" مش لكل.. فما لي عرفتهم ك حليت المشروع وفما لي عرفتهم من خدمتي مع جمال.. مالا ك عرفتك جاي وتفاهمناا سايي انو جايين.. استدعيتهم لكل غدوة.. هوما مع الفجر يوصلو خرجو بكري شوي "
عيسى :" فهمتك "
انا :" وصحابك فيهم بنات مش هكا ؟"
خالد:" اي.. اهوكا تنجم تعمل صحبة معاهم وتبدل جو بش ماتقلقش "
تبسمت نحكي
انا :" اي خير هكاا.. وبش يبقاو معانا ف الشاليه ؟"
خالد :" لا مش لكل.. ياخي الشاليه قداه كبرو هو.. بش يبقاو ف الاوتال لي ورانا هذاكا.. ديجا حجزو من بارح "
انا :" فهمتك "
تلفتت لعيسى ك قحرلي يحكي
عيسى :" عندك سؤال آخر ؟"
عوجت شفايفي وهزيتلو براسي لا.. تلفتت لخالد يحكي
خالد :" خلاها تسأل مدام انت ساكت "
عيسى :" هاني نسمع فيكم "
خالد :" هههه كالعادة معناها "
ضحكت ك ريتو قحرلو يحكي
عيسى :" مش عاجبك ؟"
خالد :" هههه هكا تو..بالطبيعة عاجبني "
انا :" ههههه طلعت خواف ياخالد "
خالد :" شنعمل لعمري نخاف يبلعني"
ضحكت وتلفتت لتاليفون خالد لي نوقز.. غزرلنا يحكي
خالد :" هاو الجماعة يكلمو فياا..دقيقة نجاوبهم ونرجع "
عيسى :" مذابيك ماترجعش "
ضحك وغزرلي يحكي
خالد :" ريتي قداه يحبني "
انا :" ههههه قاعدة نرا "
ضحك ومشى يحكي ف التاليفون..عضيت على شفايفي اول ماتلفتت وريتو يقحرلي.. نحكي
انا :" شبيك تغزرلي هكا ؟"
عيسى:" قسما بالله كلمة اخرى مانرجعو للشاليه "
نفخت بالشوي نحكي
انا :" اففف ياربي ياخي شعملت اناا تو؟"
حل عينيه فيا يحكي
عيسى:" زيدي انفخي تو نهدلك فمك.. فهمني انت شدخلك فصحابو ولاد ولابنات ولاوين بش يباتو..علاش تحكي ياسر ؟"
انا :" ياخي حبيت نعرف شنوة فيها هاذي؟"
عيسى :" فيهاا انو مايهمكش..وهاني انبه عليك يا لارين غدوة ك يجيو صحابو انت على روحك وهوما على رواحهم.. ماتبداش تفركح معاهم.... "
قصيت عليه نحكي
انا :" فهمني انت علاش تتصرف هكاا؟ لبستي وقلت ميسالش.. ضحك وهاني سكتت.. تحب تحكم فياا حتي مع شكون نحكي زادة؟ياخي انا جاية بش نشد جنبك ؟"
عيسى :" تشدي جنبي وانشالله تعملي عقل "
حليت عينيا على وسعهم وقمت من بلاصتي نحكي
انا :" وانا مانحبش نشد جنبك..نمشي نشد بيتي ارحم من المرج هذا "
قام بعدي يحكي
عيسى :" قدامي مالا"
نفخت بالقوي ف وجهو وطبست هزيت صندالي وسبقتو.. بقيت نمشي بخطوات سريعة من لغزول لي ركبهولي..مش عارفة شبيه هذاا معقد هكا يكون لباس عليه يتحول..كان يفدلك حكيت شوي مع خالد تقلب علياا.. تهزيت وتحطيت على صوتو ورايا يحكي
عيسى:" اقفففف "
وقفت وغزرتلو ك قربلي يحكي
عيسى :"شنوة لي تعمل فيه هذا؟نبقى نجري وراك ؟"
انا :" هاني مروحة ياخي ماشية نحوس انا "
عيسى :" شوفي آخر مرة نعيطلك هكاا وانت تجري مطفيتني.. لعب الصغار مانحبوش "
قحرتلو نحكي
انا :" ياخي علاش تحب تغزرلني هكاا.. فهمني انا شعملت..هاك كنت لباس عليك معاياا..حكيت شوي مع خالد تقلبت "
عدا بعينيه عليا يحكي
عيسى :" ديما نقلك احكي بالمعقول..مش تتكولف وتكشخ.. شنوة بش يقول عليك ك يراك هكاا "
خذيت نفس طويل نحكي
انا :" نحب نروح "
عيسى :" الثنية قدامك "
قحرتلو ورجعت نمشي.. ريتو ك يمشي بجنبي ساكت.. اول مادخلناا لشاليه خليتو وجريت لبيتي.. سكرت الباب وراياا ودخلت طول لسالدوبان.. نحيت حوايجي ودخلت تحت الماء البارد بش نهدى شوي
من لعصب لي خلاني نفور.. قد مانحب نفهم تصرفاتو مانجمتش.. اصلا قد مانحاول نرضيه ديما مش عاجبو لعجب..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
