#عيسى_يحكي
دمي فور اول ماتلفتت وغزرت للكرهبة لي وقفت قدامهاا وين شفتو نفس الراجل لي كان قاعد بجنبها ومن بكري تحكي عليه هي وصحبتها..على مرتين كنت بش نمشي نفش فيه غيضي اما شديت روحي بالسيف.. مانيش عارف شكون هذاا وشيحب منهاا ولي غزلني اكثر هي لي عاطيتو وجه وتحكي معاه كاني تعرفو عندها سنين.. ضغطت على يدي بالقوي ك سمعتو يحب يوصلهاا لحظتهاا حسيت روحي بلحق شعلت.. بقيت واقف من بعيد نغزرلها كيفاه تحكي معاه لحظتهاا ماتحملتش أكثر حسيت لمعالق وصلت للخالق.. اول ماقربت بش نهد عليه وقفت ك شفت صحبتها قربت تحكي معاه.. عديت بيديا الزوز على وجهي وبقيت نغزرلها الفر/خة كيفاه تبع فيه بعيناها.. رسيت على سنيا بالقوي اول ماعيناها جات فعينيا و فيسع مادورت خليقتهاا.. للحظة حسيت روحي سايي عينيا ظلامت ومعادش انجم نتحمل تصرفاتها أكثر من هكاا مانيش عارف بلحق كيفاه ولوقتاه بش نتحمل لعصب هذا.. فقت من سرحتي على كرهبتي لي وقفت قدامي.. عقدت بحواجبي مستغرب وانا نشوف ف عبودة لي هبط ولف ناحيتي يحكي
عبودة :" معلم الحمدلله على سلامتك.. توحشناك "
طبطبت على كتفو اول ماهبط علياا عنقني نحكي
انا :" الله يسلمك عيشو عبودة "
بعد علياا وضحك يحكي
عبودة :" معلم خليت بلاصتك ف الحومة.. الحومة من غيرك موحشة حتى الورشة والخدمة كل شي خايب من غيرك "
هزيتلو براسي باهي نحكي
انا :" هاني رجعت.. المهم انت لباس ؟"
عبودة :" الحمدلله يسأل عليك الخير معلم "
عديت بعينيا عليه نحكي
انا :" ياخي وينو الديزل ؟ شبيه ماجاش هو ؟"
عبودة:" لمعلم آدم جاتو خدمة مستعجلة.. ولا بعثني انا "
هزيتلو براسي باهي نحكي
انا :" باهي خلينا نمشيو.. هياا طلع معايا الفاليجات "
هزلي براسو باهي وقربت فيسع وين لبنات.. يحكي
عبودة :" الحمدالله على سلامتكم "
ريتها كيف تبسملتو تحكي
لارين :" مرسي "
قربت حليت الباب بش يطلعو وبعدت فيسع وين ركبو الزوز..اول ماكملت طلعت الدبش مع عبودة.. حليت الباب وطلعت..غزرت لعبودة لي خدم الكرهبة وشد الثنية نحكي
انا :" شعامل ف الخدمة؟ ماوحلتش وحدك؟"
عبودة:" لا معلم ماوحلتش.. لمعلم آدم كل يوم حذايا.. مخلانيش وحدي "
انا :" يعطيه الصحة "
دوب تلفت على صوت تليفونها لي نوقز.. سمعت صاحبتها تحكي
مايا :" شكون طلبك ؟"
لارين :" Joseph.. هاني بعثتلو ميساج "
حليت الشباك بجنبي وخذيت نفس طويل حاولت نهدي روحي شوي.. شوي وسمعت صاحبتها ك رجعت تحكي
ماايا :" وااو شنوة الضو هذاكا "
لارين :" مانعرفش "
تلفتت لعبودة كيف جاوبها يحكي
عبودة :" هذاكا دحدح.. يلعبو فيه الصغار "
ضحكت تحكي
مايا :" محلاه.. رينو نعملو نهار ونجيب نلعبو هناا "
لارين :" اي تو نشوف مع Joseph ونجيو عادي "
نفخت بالشوي وحطيت يدي على ركبتي لي بقات تتهز وتتحط نستنى ف الثنية هاذي وقتاه توفى.. غزرت من لمرايا بالوقت على صوت صاحبتها كيف رجعت تحكي
مايا :" تعبت ؟"
ريتها كيف تكات براسها لتالي وتبسمت تحكي
لارين:" شوي.. ناقصة نوم لبارح رقدت مخر وليوم قمت بكري..وحتى ف الطيارة مارقدتش جملا "
مايا :" روح طول ارقد ارتاح "
لارين :" لاا.. بش نسلمو عالجماعة ونسهرو شوي معاهم ونخرجو "
مايا :" وين ماشيين ؟"
لارين :" بش نقابلو Joseph مانحبش نستنى لغدوة نحب نراه ليوم توحشتو "
عضيت على شفايفي من لعصب لي مكني أكثر من كلامهاا قدام عبودة بلا حشمة ولاجعرة غير تخمامها كيفاه ناوية تخرج ف الليل بش تقابلو.. تلفتت لعبودة نحكي
انا :" يااا عبودة سوووق.. دوبل علييه شبيك واقف هكاا "
هزلي براسو باهي ونزل عالفيتاس.. تكيت بظهري لتالي وبقيت نغزر قدامي.. تنفست براحة اول ماقربناا للحومة.. غزرت من لمرايا على صوتها تحكي
لارين :" ماياا شوف.. هذااكا يبيع كفتاجي بنين تتفكر وقتهاا صورتلك وبعثتلك تصويرة الصحن من عندو هو.. تو نعملو نهار ونجيو ناكلو مع بعضنا"
دوب تبسمت وانا نغزرلها كيفاه تحكي وتغزر للمحل متاع الكفتاجي..
مايا :" اي وهزني ناكل لبلابي زادة"
ضحكت تحكي
لارين:" اي اي Joseph تو يدورناا ف المحلات لكل وناكلو "
مايا :" ههه جو "
عقدت بحواجبي مستغرب الصوت لقوي لي سمعتو اول ماوصلنا لراس النهج.. حليت عينيا على وسعهم وانا نشوف ف الحضبة قدام العمارة والاضواو لي تشعل ف كل بلاصة.. تلفتت لعبودة نحكي
انا :" شفما غادي ؟"
ضحك يحكي
عبودة :" فكرة الديزل هذيكا "
ضغطت على يدي بالقوي اول ما الكرهبة وقفت وغزرت للطبال لي كان يضرب قدام الورشة وادم يشطح.. تلفتت لعبودة نحكي
انا :" حسابكم معايا انتوما الزوز..هاذي للخدمة المستعجلة ؟..اهبط هبط معايا الفاليجات "
هزلي براسو باهي وهبط.. هبطت بعدو وين شفتها كيف حلت الباب وهبطت قدامي.. دورت وجهها عليا ولفت من الناحية لخرى وين صحبتها ووقفوا يتفرجو ف الطبال من بعيد.. حطيت الفاليجات قدام العمارة وقربت للادم لي ضحك وقربلي يحكي
آدم :" نورت باب سوييييقة ياا الحوت "
تبسمت وقربت عنقتو بالوقت نحكي
انا :" شنوة العرس هذا لي عاملو ؟"
بعد علياا وحل يديه يشطح ويحكي
آدم :" حبيت نفرح بيك.. لميت حومة كاملة على خاطرك وجبت الطبال يضرب بش تعرف قداه توحشتك "
ضحكت وهزيتلو براسي..قربت نسلم على أهل الحومة و الصناع قبل مانطلع للدار وفرد وقت نغزر للادم لي مازال يشطح مع عبودة وعامل جو وحدو.. اول ماتلفتت ريتها كيف هزت صاحبتها وطلعت لحظتهاا ماحبيتش نطلع وراها.. بقيت واقف مع آدم نحكي معاه حتى تكمل هي تسلم عالجماعة على راحتها وحدها..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
