#لارين_تحكي
تململت شوي وحليت عينياا.. هزيت روحي شوي تكيت بظهري عالفرش.. عديت بعينيا عالبيت محاولة مني نتفكر لي صار لبارح.. آخر حاجة نتذكرها اني نحكي معاه.. مش عارفة كيفاه جيت للفرش.. طبست راسي وين شفت روحي راقدة بحوايج لبارح..قمت من بلاصتي وغزرت للوقت.. حليت عينيا على وسعهم ك لقيتها قريب 8 لحظتهاا تفكرت انو احنا ماشين لسانتا جوليا.. ضحكت وجريت فيسع لسالدوبان بش نحضر روحي.. نحيت حوايجي فيسع وحليت الماء السخون.. دخلت تحتو بالوقت وعملت دوش دافي وين حسيت روحي تنعوشت.. اول ماكلمت خرجت فيسع بش نحضر روحي ونخرج.. حسيت روحي فرحانة خاطر اليوم ماشين للبحر والشاليه متاع خالد.. اما فرحتي كانت اكبر خاطرو خذا بخاطري.. لبست الكابدوبان ورجعت للبيت.. نفخت بالشوي ك تفكرت اني ماسالتوش لبارح على تاليفوني..قربت للفاليز فيسع حليتها وعديت بعينيا على حوايجي.. خذيت روبة طويلة ف الأخضر الفاتح بش نلبسها.. ماحبيتش نعمل مشاكل ليوم اصلا قررت بش نولي نرد بالي ف حكاية حوايجي.. مدام هو وعدني معادش بش يتصرف معايا هكاكا انا زادة حبيت معادش نلبس هكاكا مدام هو يتقلق.. لبستها فيسع وشيحت شعري فردتو وراياا وقربت وين لمرايا ريقلت أموري لكل حتى كملت..لبست صاندالي وخرجت نجري بش نفيقو.. عضيت على شفايفي ك وصلت قدام باب بيتو.. حسيت روحي دخلت بعضي قبل مانشوفو.. خذيت نفس طويل وقربت دقيت.. نفخت بالشوي ك لقيتو مايجاوبش وين عرفتو مازال راقد سيادتو.. رجعت دقيت بالقوي وراء بعضو نحكي
انا:" عيسى.. عيسى فيييق.. ياااا عيسى "
رسيت على سنيا بالقوي ك لقيتو ماجاوبنيش لتو.. لحظتهاا عليت ف صوتي شوي نحكي
انا :" رااقد لتو بلعاني بش يفوتنا الوقت.. مستانس تسري من 6 تاع الصباح.. ليوم هبط عليك النوم "
قلبي ضرب بقوة مع حلة الباب.. هزيت راسي معاه وغزرتلو كيفاه عدا بعينيه عليا ساكت.. بلعت ريقي نحكي
انا :" فيقتك ؟"
ميل راسو وضيق عينيه فيا يحكي
عيسى :" حسب رايك؟"
انا :" ياخي شبيك راقد لتو ؟ مستانس انت ؟"
تبسم على جنب يحكي
عيسى :" هبط علياا النوم كيما قلت انت "
رجعت قصتي وراء وذنياا نحكي
انا :" احم.. ميسالش ندخل؟"
حلي الباب واشرلي بيديه يحكي
عيسى :" تفضل "
دخلت وغزرتلو ك سكر الباب وبقى واقف يشوف فياا ساكت.. عديت بعينيا عليه نحكي
انا :" وقتاه بش نخرجو من هنا ؟"
عيسى :" 9 "
حليت عينيا على وسعهم نحكي
انا :" شنوة ؟ وانت لتو لا حضرت روحك ؟؟"
عدا بيديه على شعرو يحكي
عيسى :" كان تتفضلي تو نحضر روحي "
قحرتلو نحكي
انا :" كان قمت بكري كيفي راك حضرت روحك "
نفخ بالشوي يحكي
عيسى :" المرة جاية تو نقوم من الفجاري على خاطرك "
تبسمت وعديت بعينيا على بيتو ورجعت غزرتلو نحكي
انا :" حقهاا.. ساكي وينو؟"
قربلي شوي يحكي
عيسى :" وراك "
غرزت ورايا بالوقت وين شفتو عالفوتاي.. تبسمت ورجعت غزرتلو نحكي
انا:" ايا مزية ك استحفظت عليه.. خفت لاتضيعو هو زادة "
ضيق عينيه فيا يحكي
عيسى :" هو زادة؟ علاش انا شنوة ضيعت غيرو ؟"
هزيت بكتافي نحكي
انا :" مانعرفش أسأل روحك "
عيسى :" لي ضيعتو رجعت لقيتو "
انا :" مرة اخرى معادش بش تلقاه "
تبسم على جنب يحكي
عيسى:" معادش فما مرة اخرى "
ضحكت وتلفتت ورايا نحكي
انا :" حضرت فاليزتك ؟"
قرب وين الفرش يحكي
عيسى:" لا مازلت.. نعمل دوش ونحضرها "
فركت يديا ف بعضهم وقربتلو نحكي
انا:" ميسالش نحضرهالك انا ؟"
عدا بعينيه عليا وغزرلي درا كيفاه يحكي
عيسى:" خلي عليك ميسالش "
عضيت على شفايفي نحكي
انا :" مش على حاجة.. اما مانحبش نتعطلو.. انت دوش وحضر روحك وانا تو نحضرها فيسع "
هزلي براسو باهي يحكي
عيسى :" باهي "
ريتو ك قرب حطها عالفرش وحلها يحكي
عيسى :" نحبها منظمة.. مانحبش حوايجي مكرمشة "
قحرتلو نحكي
انا :" جاي تدلل علياا "
عيسى:" انا ماقتلكش ايجا حضرها..كان ماتنجمش روحك خلي عليك "
قربت للدريسينغ حليتو وين شفت حوايجو كيفاه منظمين حسب الألوان وكل حاجة فبقعتها.. عوجت شفايفي ك تفكرت روحي حوايجي لتو ف الفاليز اما انا ف بالي بش نروحو فيسع علاش التعب.. فقت من سرحتي على صوتو ورايا يحكي
عيسى:" عجبوك حوايجي باهتة فيهم ؟"
قحرتلو نحكي
انا :" ايجا هز شنوة بش تلبس وبراا "
ريتو ك قرب ناحيتي ووقف بجنبي بقيت نغزرلو شنوة بش ياخذ.. عضيت على شفايفي نحكي
انا :" ميسالش تلبس المريول هذا "
بدني رعش اول مامديت يدي وين مست يديه.. طبس راسو وعدا بعينيه عليا.. جبدت المريول فيسع نحكي
انا :" هذاا..نحس اللون هذا يخرج عليك "
خذاه من يدي وغزرلو..رجع غزرلي يحكي
عيسى :" باهي "
بعد علياا ورجع يحكي
عيسى :" اياا كمل فيسع "
نفخت وقربت نجبد فالحوايج وين هو دخل لسالدوبان وسكر الباب وراه.. اول ماكملت جبدتهم لكل وحطيتهم عالفرش قعدت وبقيت أنظم فيهم ف الفاليز كيما يحب هو.. تبسمت من غير مانشعر من فكرة اني قاعدة نشارك فيه فكل شي.. اصلا استغربت روحي كيفاه قتلو انا انظمهم اما حاجة داخلي خلاتني نحب تبقى هناا ف بيتو اكثر وقت معاه.. قلبي دق بقوة اول ماهزيت مريولو وقربتو مني..غمضت عينيا وخذيت نفس من ريحتو..وين لقيت روحي مش منجمة نبعدها علياا..للحظة حسيت كانو هو بجنبي وقريب مني.. كبست على مريولو اكثر وين دقات قلبي قوات..حاجات جديدة قاعدة نحس فيهم فاللحظة هاذي.. حاجات عمري لاحسيتهم من قبل.. مشاعر مخلطة داخلي قاعدة تلعب بيا ورغم اني مش فاهمتهم ومش قادرة نحدد هوما شنوة.. اما انا فرحانة بيهم ومانحبش نتخلص منهم..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
