#لارين_تحكي
قدمت وين الطاولة لي حضرهالي خالد وقعدت بش نفطر.. تبسمت ك ريتو بقى واقف يغزرلي حتى قعدت.. تبسيمتي تمحات اول ماريتها خلطت عليا ووقفت قدامي تحكي
جيهان :" ميسالش نقعد نفطر معاك؟"
نفخت بالشوي نحكي
انا :" علاش وينهم صحابك ؟"
جبدت الكرسي وقعدت قدامي.. خذات كعبة فراز تاكل فيها وتحكي
جيهان :" فما لي مازالو راقدين ولي خرجو باليخت من الصباح "
انا :" شبيك ماخرجتش معاهم ؟"
جيهان :" ماحبيتش.. بقيت نعوم وحدي..اصلا خير ك مامشيتش معاهم خاطرني قابلتكم "
قحرتلها وخذيت كاسة العصير بقيت نشرب ساكتة ونغزرلها كيفاه تاكل كاني استدعيتهاا.. غزرتلي تحكي
جيهان:" مالا اسمك لارين؟"
انا :" اي "
جيهان :" حلو اسمك.. عجبني "
هزيتلها براسي باهي وبقيت نفطر ساكتة.. نفخت بالشوي ك سمعتها رجعت تحكي
جيهان :" عيسى طلع ولد خالك هكا ؟"
انا :" ولد عمتي "
جيهان:" فرحت انو طلع عنا أصحاب مشتركين.. هكاا نعملو جو مع بعضنا.. ساعة قلي قداه ناوين تبقاو ؟"
قحرتلها نحكي
انا :" والله انا حالياا مذابياا نروح تو "
ضحكت تحكي
جيهان:" ههههه قول لخالد تو يروح بيك وخلي ولد عمتك "
قربتلها شوي وعديت بعينيا عليهاا نحكي
انا :" ولد عمتي مايخلينيش نروح وحدي.. يحب وين مايكون هو نكون اناا..مالا كان انا روحت كون متأكدة انو هو بش يروح معايا بلا حتى مانقلو "
هزت بحاجبها وتبسمت على جنب تحكي
جيهان :" عندو حق..اكيد يخاف عليك خاطرك مازلت صغرونة "
كبست عالبونية متاعي نهدي ف روحي بش مانقومش نجيبها من شعرها.. تبسمت نحكي
انا :" امم يخاف علياا حتى من النسمة على هذاكا انا ديما معاه جنبي ف جبنو "
جيهان :" فهمتك.. اما نصيحة مني ماتبقاش ياسر بجنبو بش ماتخنقوش.. مدام جيتو هناا خليه يعمل جو مع صحابو "
انا :" ك يجي يشكليك وقتها اعطيني نصايحك "
ضحكت وحطت صحن الكيوي تاكل فيه.. قحرتلها نحكي
انا :" يابنتي كملتي الغلة متاعي لكل "
جيهان :" تو نقول لخالود يجيبلك "
قحرتلها وغزرت قدامي ساكتة.. حسيت روحي شوي وبش نبكي على حظي.. ف بالي جاية بش نتفرهد ياخي طلعت الشعشوطة هاذي قدامي.. مش فاهمة شتعمل حذاياا ولا علاش مركزة مع عيسى.. اما ياانا ياهي.. ريتها ك غزرت قدامها وعضت على شفتها.. عديت بعينيا عليها نغزرلها كيفاه تغزر.. تلفتت بالوقت بش نشوفها ف شنوة باهتة.. حليت عينيا على وسعهم ك ريتها طلعت تغزرلو.. رسيت على سنيا بالقوي ك شفتو كيفاه نحى مريولو وبقى كان بشورط.. كبست عالبونية متاعي بالقوي اول مارجعت غزرتلها وين لقيتها باقي تغزرلو مانعرفش علاش ف لحظة هاذي حسيت روحي بش نبكي بلحق..رجعت غزرتلو وين شفتو دخل للماء يعوم.. خليتها قاعدة ومشيتلو للشط.. قلبي دق بقوة اول ماوصلت وريتو بصورة أوضح.. قعدت عالشازلونج وبقيت نتبع فيه بعينيا كيفاه يعوم ويضحك مع خالد.. للحظة حسيت روحي سرحت معاه كأنو كان هو موجود ف الماء..عينيا معادش ترا ف حد اخر غيرو.. تبسمت من غير مانشعر ك ريتو غطس وخرج راسو.. عديت بعينيا على شعرو لي هبط على عينيه وين هو رجعو لتالي بالوقت.. مانعرفش قداه بقيت قاعدة هكاا نغزرلو وين لقيت روحي نسيت لخرى وكلامها بقيت مركزة كان مع عيسى قدامي.. عضيت على شفايفي اول ماريتو خرج من الماء وحدو وخلا خالد يعوم.. طبست راسي من الحشمة لي حسيتها ك شفتو عريان قدامي و قطرات الماء نازلة على بدنو.. نفخت بالشوي ك ريت لخرى واقفة بجنبي.. حليت عينيا على وسعهم ك ريتها نزعت الكاش مايو قدامناا بلاحشمة ولا جعرة وغزرتلو درا كيفاه..لحظتهاا قمت من بلاصتي وهزيت مريولو.. قربتلو نحكي
انا :" شد البس مريولك "
خذاه من يدي ولبسو بالوقت.. غزرلي يحكي
عيسى:" شبيك زادة ؟"
انا :" شبيني ؟مابياا شي.. جبتلك مريولك خاطر الشمس قوية تو تتحرق "
هزلي براسو باهي يحكي
عيسى :" باهي..برا افطر تو نخلط عليك.. "
قصيت عليه نحكي
انا :" تسقمت.. شبعت.. عيسى مش لازم ترجع تعوم هياا نرجعو للشاليه "
عدا بعينيه عليا وغزرلي درا كيفاه يحكي
عيسى :" علاش ؟"
دورت وجهي عليه نحكي
انا :" هكاا "
عيسى :" لخرى قلقتك ؟"
غزرتلو ونطقت من غير مانشعر نحكي
انا :" لخرى لي ماتحشمش من بكري تحكي عليك وتو خالطة علياا لهناا وقاعدة تغزرلك وتتفرج فيك "
دوب تبسم يحكي
عيسى :" اي شيهمك فيهاا.. طفيها "
عديت بعينيا عليه نحكي
انا :" عيسى ياخي هي بش تبقى معانا ؟"
عدا بيديه على شعرو وقعد عالشازلونج..قعدت عالشازلونج لي قدامو وغزرتلو يحكي
عيسى:" لارين ماتركزتش معااهاا..احسبها مش موجودة..علاش عاملة هكا؟ "
انا :" انا عاملة هكاا خاطر هي تستفز فياا والله "
عيسى :" كان تكلمك ولا تقلقك تو انا نتفاهم معاها "
انا :" باهي وانت رد بالك تفدلك ولاتضحك معاها "
عقد بحواجبو يحكي
عيسى :" وانا من وقتاه نفدلك ولانضحك مع عبد مانعرفوش "
تبسمت نحكي
انا :" اي خليك هكا"
قحرلي يحكي
عيسى :" ساعة كان وصيت روحك خير.. ومازال حسابك على خروجك الصباح هكاكا "
انا :" تهنى معادش بش نخرج والله.. اصلا مش جنبك تو معادش بش نتحرك "
ضيق عينيه فيا يحكي
عيسى :" سبحانو مغير الاحوال "
تبسمت ورجعت غزرت قدامي.. ريتها كيفاه تعوم مع خالد وعيناها عليناا.. كان لقيت راني دخلت غرقتهاا لي ماتحشمش.. عمري ماحسيت روحي غزلت عل عبد قد ما غزلت علاها هي.. كانو مايكفيش لي عملتو ف الطايرة خالطة علياا لهناا بش تكمل عليااا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
