#عيسى_يحكي
عديت بعينيا عليها نغزرلها ك طبست راسها تفرك فيداها..خذيت نفس طويل وقدمت بخطواتي ناحيتها.. قعدت بجنبها من غير حتى كلمة كان عينيا بقات تتعدا على كل تفصيلة فيهاا كاني حبيت نتأكد انهاا بجنبي وقدام عينيا..كيما حبيت نطمن روحي اكثر انها مليحة تو وماصارلها شي..اصلا للحظة هاذي مانيش مصدق لي صار بكري..كل مانتفكرها كيفاه كيفاه طاحت بين يديا نحس روحي نتخنق..فكرة انو تصيرلها حاجة خلاتني بلحق نترعب..للحظة تمنيت كان نلقى كيفاه نحطهاا داخلي ونسكر علاها ومعادش نخليها تبعد عليا ثانية وحدة بش مايصيرلها شي ف غيابي حتى ماترجعش تعيش الخوف لي عاشتو بكري ومانرجعش انا نراهاا ب الحالة هذيكاا..عديت بيديا على وجهي نحكي
انا :" لارين..كيفاه تحس ف روحك تو؟"
دوب غزرتلي ورجعت طبست راسها تحكي
لارين :" انا مليحة "
عديت بعينيا عليها وقربتلها اكثر..حطيت يدي على دقنونتهاا وهزيتلهاا راسهاا قدامي وين شفت عيناها لي كانت تلمع بالدموع غير وجهها لي مازال اصفر.. عديت بصوابعي على خصلات شعرهاا لي حسيت روحي توحشت ملمسهم.. نحكي
انا :" خفت عليك لارين.. خفت كان تصيرلك حاجة..."
عدات بعيناها علياا ورجعت طبست راسها.. قصت علياا تحكي
لارين :" انا ماقصدتش "
عقدت بحواجبي مش فاهم شتقصد بكلمتهاا.. رجعت هزيتلها راسهاا شوي نحكي
انا :" لارين ديما نقلك ك تحكي معايا اغزرلي.. فهمني انت شنوة لي ماتقصدوش ؟"
ضمت على شفايفها تحكي
لارين :" ماقصدتش نخوفك ونرجع.. نرجع ندخلك ف مشاكلي مرة اخرى "
عديت بعينيا عليها مش مصدق طريقة تخمامهاا تو وانهاا رجعت تفكرت كلامي الشي لي خلاني نرجع نغزل من روحي ونلعن الليلة هذيكا لي خلاتني نوصلها تخمم هكاا حتى وهي ف الحالة هاذي.. غمضت عيناها ورجعت حلتهم على صوابعي لي تعداو على خدهاا نحكي
انا :" سوى تقصد ولا ماتقصدش انا ديما نخاف عليك وبش نبقى على طول خايف عليك ومفما حتى شي ينجم يصير ويبدل هذا.. خوفي عليك مستحيل يقل لارين بالعكس..وكان على مشاكلك انا بكري قتلك انت بكلك تهمني.. سوى انت تدخلني ولا ماتدخلنيش انا بش نتدخل.. خاطرهم يخصوني.. انت بكلك تخصني "
هزتلي براسها لا تحكي
لارين :" تو تقول هكا وبعد... "
قربتلها شوي وقعدت مقابلها بالضبط.. مسحتلهاا دمعتها لي نزلت وقصيت علاهاا نحكي
انا :" وبعد بش نبقى نقول هكا زادة.. لارين نعرف مش وقتو لكلام لي بش نقولو تو.. اما صدقني كلامي هذاا هو لحقيقة.. اي حاجة سمعتها مني عكس هذاا راي تقالت فوقت غالط ومن غير قصد..نعرف ماكش بش تصدقني تو وانا مانيش بش نلومك لاعلى تو ولاعلى قبل خاطر عارف عندك حق وعاذرك..اما بش يجي وقت نحبك تسمعني فيه ونحبك تفهمني زادة ومن هنا لي يجي الوقت هذا خليني نكون بجنبك "
عدات بعيناها علياا وغزرتلي درا كيفاه تحكي
لارين :" انا تاعبة تو مانحب نحكي ف شي ولا نسمع شي.. خليني وحدي أمان "
تنهدت بالشوي وشديتها من يداها نحكي
انا :" مانيش بش نخليك خاطرني عارفك مازلت خايفة.. مش احنا تفاهمناا حتى ك نكونو متعاركين ولافما حاجة مقلقتك مني ومغششتك تخلاها على جنب وتهربلي وقت خوفك..انت بكري قتلي ماتمشيش وانا مانيش ماشي "
دورت وجهها علياا تحكي
لارين :" انا ماقلتش هكاا بكري.. انت غالط "
تبسمت نحكي
انا :" باهي انا غالط.. انت ماقلتش "
رجعت غزرتلي وقحرتلي تحكي
لارين :" مدام هكاا اخرج علياا "
عديت بيديا الزوز على وجهي نحكي
انا :" لارين مش وقت عنادك تو.. تسطح ارتاح انت تاعبة "
غزرت للباب ورجعت غزرتلي..عدات بعيناها علياا وغزرتلي درا كيفاه تحكي
لارين:" ياخي مايا ويني ؟"
انا :" تو تجي خلاها ترتاح شوي هي زادة تفجعت "
حليت عينيا على وسعهم اول ما شفت دموعها لي رجعو نزلو فجاة..تحكي
لارين :" انا بكري خفت لاتصيرلها حاجة ونلقى روحي عاجزة بش نحميهاا.. خوفي بكري خلاني مانخمم ف شي لقيت روحي كاني مربوطة.. كان صارت حاجة لمايا ماكنتش بش نسامح روحي جملاا "
عديت بعينيا عليها نغزرلها كيفاه تبكي وتحكي بالشهقة وين حسيت قلبي وجعني وانا نشوف فيهاا هكاا..حطيت يدي على خدها مسحتلها دموعهاا لي بقاو نازلين نحكي
انا :" اششش يزي من لبكاا لارين..مايا ماصارلها شي ومش بش يصيرلكم شي الزوز.. انا مستحيل نسمح لحاجة تضرك ولا تضرهاا نوعدك بهذا.. غير انت يزي من لبكاا "
عدات بعيناها عليا وهزتلي براسها باهي من غير حتى كلمة كان دموعهاا بقاو نازلين وين حسيت روحي خفت علاها كان ترجع تتعب كيما صارلها ففرنساا..من غير لحظة تفكير وحدة دورت بيديا علاها وجبدتها عندي..دوب تبسمت كِ لقيتها طاوعتني وتكات براسها على صدري.. مسحت على شعرها نحكي
انا :" فهمني علاش تبكي تو ؟"
طبست راسي غزرتلها ك غمضت عيناها من غير ماتجاوبني.. بقيت نمسح على ظهرها وشعرها حتى حسيت بصوت انفاسهاا هدات وبدنهاا ترخف اكثر وين عرفتها غفات..لحظتها كبست على ظهرها وسطحتهاا بالشوي عالفرش.. قمت من بلاصتي وطبست علاها شوي استويتلها مخدتها وغطيتها.. هزيت روحي شوي وعديت بعينيا عليهاا نغزرلها كيفاه راقدة وين حسيت روحي اطمنت علاها شوي خاطر غفات ورغم هكاا حسيت اني مش منجم نخلاهاا كان لقيت نبقى نعس علاها حتى وهي راقدة..رسيت على سنيا بالقوي ك سمعت صوت الباب تحل وصواتهم لكل دخلوا وين حسيت روحي رجعت غزلت علاهم لكل واحد واحد خاطر خلاوهاا وحدها هكاا وخرجوا..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
