#لارين_تحكي
عديت بعينيا على ماياا نسمع فيهاا تحكيلناا انا وعمتي على شنوة صار بكري.. نفخت بالشوي وغزرت لعمتي نحكي
انا :" عمتي ياخي رقية هاذي شتحب مننا ؟ شبيها ورانا هكا ؟"
تنهدت بالشوي تحكي
غالية :" مرا ماتحشمش ماقال حياهاا..شيهمكم فيهاا المرة جاي تعرضكم ابعدو من ثنيتهاا وانا وقت تعرضني تو انبه علاهاا ونعطاها كلمتين كيما نعرف انا نخلاهاا تشد ببوشتها "
تلفتت لمايا ك عضت على شفايفها تحكي
ماايا :" انا تصدمت تو ك عرفت انها ام البهلول لي حكاتلي عليه رينو.. والله كان جيت نعرف انو هي نفسها لا نكلمهاا "
شديتها من يداها نحكي
انا :" ميسالش مايا.. اصلا هي كيما قالت عمتي ماتحشمش.. خير ك مشى معاك ادم "
غالية:" اي خير.. ادم انا نتهنى بيه.. خلاهاا تعرف انك مش وحدك وانك من عيلتنا.. لي يمسك يعني مسناا "
تبسمت على كلام عمتي لي عزّ بياا.. غزرت لمايا ك قربت باستهاا من خدها تحكي
مايا :" عيشك عمتي وسامحني خاطر عملت مشكل والله لاقصدت "
مسحت على شعرها تحكي
غالية:" السماح ياماما.. ماتقلقش روحك انت ماعملت شي "
ماايا :" ربي يخليك لينا "
ريتها ك قامت من بلاصتها وعدات بعيناها علينا تحكي
غالية ؛" ويخليكم لياا.. هياا قومو المغرب مازالو نص ساعة يزيكم من النوم "
هزيتلها براسي باهي نحكي
انا :" باهي عمتي هانا جايين تو "
هزتلي براسها باهي وخرجت.. تلفتت لمايا وين شفتها سارحة.. ربعت ساقياا قدامها نحكي
انا :" فاش سارحة؟"
عدات بعيناها علياا ورجعت شعرها لتالي تحكي
مايا :" نو ف حتي شي.. هياا خلينا نقومو.. هاني سبقتك انا بش نعاون عمتي "
ضيقت عينيا فيها نغزرلها كيفاه قامت فيسع وهربت عيناها مني وخرجت فيسع.. ماحبيتش نشد فيها صحيح تو وقمت لبست ف ساقياا وخرجت.. تعديت لتوالات غسلت حالتي وريقلت أموري وخلطت علاهم للكوجينة وين شفتهم حايسين كلهم.. عديت بعينيا علاهم وغزرت لعمتي نحكي
انا :" عمتي شنوة نعمل انا ؟"
غالية :" هز التمر والخبز انت وماياا تو تجيب الشربة"
هزيتلها براسي باهي وهزيت الي قتلي علاهم حطيتهم فوق الطاولة ورجعت للكوجينة وين شفت مايا لي كانت تسكب فالشربة فالصحفة لكبيرة وهزتهاا للطاولة.. تلفتت على صوت عمتي وبت سفت ف يداها قفة تحكي
غالية :" رينو بنتي يفرحك اهبط فيسع قدام العمارة.. عيسى واقف اعطيه هاذي بش يمشي لجامع بوك وادم يستناو فيه "
عديت بعينيا عليها مش عارفة علاش انا ديما نجي ف الصدافة بش نهبط.. هزيتلها براسي باهي وخديتها من يداهاا.. خذيت نفس طويل وخرجت بالسيف خاطر مانحبش نراه تو.. اول مانزلت ريتو ك هز راسو معاياا وغزرلي درا كيفاه.. قحرتلو وقربت ناحتيو نحكي
انا :" شد "
عدا بعينيه عليا وخذاها من يدي ومشى من غير مايجاوبني.. قربت وين باب العماره نغزرلو مش عارفة شبيه هذا ليوم يغزرلي بنظرة غريبة ومطفيني..ف بالو بش نتقلق ظاهرلي محسوب انا بيدي مانحبوش يحكي معايا.. عوجت شفايفي وطلعت فيسع..رجعت للكوجينة وبقينا نتعاونو يد يد حتى الطاولة حضرت مع الأذان بالضبط.. خذيت كأس لبسيسة من يد عمتي نحكي
انا :" عيشك عمتي "
قلت الدعاء وشربت شوي وين حسيت روحي ترويت.. حطيت الكاس ودخلت توضيت ورجعت للبيت لبست عبايتي وهزيت سجادتي وخرجت للصالة وين لقيتهم لكل حضرو..فرشت السجادة بجنب عمتي وبدينا صلاة المغرب..اول ماكملناا هزيت سجادتي طويتهاا ومشيت معاهم للطاولة.. قعدت بجنب مااياا وعمتي لي عطاتني صحفة شربتني تحكي
غالية :" رينو ماما ابدا كول انت كيف رانية ماتبقاش تستنى فيهم "
هزيتلها براسي باهي وخذيتها من يداها سميت بسم الله وبديت ناكل.. شوي وقت وريتهم لكل كيف رجعو من الجامع.. غزرت لجابر كيف قربلنا يحكي
جابر :" صحة ليكم "
كلنا :" يعطيك الصحة..تقبل الله صلاتكم "
غزرت للاخر ك قعد قدامي وادم بجنبو لي غزرلي يحكي
ادم :" شحالك لارين ؟"
تبسمت نحكي
انا :" اهلا ادم الحمدلله وانت؟"
ادم :" الحمدالله "
هزيتلو براسي باهي وغزرت لجابر ك قعد بجنبي وغزرلي.. تبسم يحكي يحكي
جابر :" ضي جابر.. توحشت بنتي.. خليتي علياا بلاصة ليوم"
عديت بعينا على لآخر وادم ك قعدو قدامي ورجعت غزرتلو.. تبسمت نحكي
انا :" عيشك جابر.. سامحني روحت بعد العصر صليت ورقدت طول "
جابر :" ميسالش ياروحي "
عدا بعينيه عليا انا ومايا ورجع يحكي
جابر :" المهم كيفاه تعدا نهاركم لباس ؟"
مايا :" اي عم جابر لباس تهنى "
رجع غزرلي يحكي
جابر :" ايا باهي.. قلي شعملت ف المعرض؟"
عديت بلساني على شفايفي وغزرت للاخر كيف حط لمغرفة من يديه وغزرلي درا كيفاه.. خذيت نفس طويل ورجعت غزرت لجابر نحكي
انا :" جابر تعشى تو بش تشرب دواء الدم متاعك وبعد تو نحكيلك "
نفخت بالشوي ك سمعتها ضحكت تحكي
سمحية :" مدام قتلك هكاا يعني بش تقلك حاجة تطلع الدم "
قحرتلهاا وسمعتو ك سبقني يحكي
جابر :" اياا مانبداوش.. خليوناا نشوقو فطرناا ك الناس "
هزيتلو براسي باهي وغزرت لمايا لي غزرتلي هي زادة.. خذيت نفس طويل وطبست راسي غطست ف الماكلة لي كانت بنينة ماحبيت نخمم ف شي تو كام اني ناكل خاطرني جعت ليوم..غمضت عينيا بالقوي و رجعت حليتهم وقت ذقت الطاجين لي حضرتو عمتي نحكي
انا :"امم يعطيك الصحة عمتي.. مابنو الطاجين هذا اول مرة ناكلو "
ضحكت تحكي
غالية :" صحة وفرحة لبنتي "
تبسمت ورجعت ناكل وفرد وقت نسمع فيهم كيفاه يحكيو ويفدلكو وين لقيت روحي نخمم كيفاه بش نجبد الموضوع لجابر اصلا مش عارفة قتاه نقلو تو ولا نخلي بعد..
VOUS LISEZ
#مُتمردة_العيسى ❤️🔥 (الستاتي الثاني)
Romance#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
