#عيسى_يحكي
حطيت لمغرفة من يدي وبقيت نغزر لخالي والأولاد كيفاه يحكيو ويضحكو وانا ساكت مش معاهم جملاا.. تفكيري لكل كان ف لي صار بكري معاهاا.. كل مانتفكر كلامهاا وغزرتهاا لياا نحس روحي نتخنق ونار داخلي تشعل.. لي ريتو بكري منهاا خلاني نتفكر كلام صحبتها ليا ونتأكد منو زادة..اني خسرتها قبل حتى مانكسبها.. للحظة بقيت نخمم كيفاه بش ناخذ برايهاا ونبعد علاها وقتلي نراها فمشكلة ولا مستحقتني.. مستحيل انجم نتحمل شوفتها كيما بكري ونخلاها وحدهاا من غير ما نتدخل.. للحظة بلحق استغربت من روحي كيفاه ف لحظة وحدة نسيت كل شي ومشيت جبدتها وحطيتهاا قدامي لحظتهاا مافكرت ف شي كان فيها هي.. رغم اني عارف انها متغششة وممكن حتى كرهتني واني انا لي بعدتها من طريقي اما هذا لكل مايعنيش اني نسلم فيهاا ونخلي حد يكلمها ولا يوصل يعفسلها على طرف..مهما بش تبعد علياا بش تبقى ديما تحت عيني عالاقل هكا نحاول نوفي بوعدي ليهاا اني مانخلي حد يمسهاا.. ضغطت على يدي بالقوي وقت تفكرت غزرتها لياا وانها معادش حاملة حتى اني ننطق اسمهاا.. للحظة حسيت روحي ندمت اني وصلتها لهناا ومش عارف كيفاه بش نصلح لي صار هذا اذا مازالت فما حاجة تتصلح اصلا.. فقت من سرحتي على صوت خالي يحكي
جابر :" اياا صحة ليكم.. نخليكم انا نمشي نتفقد ورشة اللحام "
انا :" خليك خالي كان تحب تو نمشي انا نتفقدهاا "
وقف من بلاصتو وهز عكازو يحكي
جابر:" لا عيش ولدي.. انت خليك ف ورشتك يزي ماسلمت ف خدمتك "
هزيتلو براسي باهي نحكي
انا :" باهي خالي سايس روحك "
عدا بعينيه علينا يحكي
جابر :" اياا انستوو "
بقيت نتبع فيه بعينيا حتى خرج.. ريت عبودة ك وقف يحكي
عبودة :" دايمة انشالله.. يعطيها الصحة خات غالية عالفطور القمقوم "
انا :" صحة "
وقف من بلاصتو يحكي
عبودة :" نمشي نجيب كيسان تاي ونجي نشد خدمتي "
هزيتلو براسي باهي من غير حتى كلمة وتكيت بظهري لتالي.. غزرتلو كيف هز بحاجبو يحكي
ادم :" شبيك قالب وجهك ؟"
انا :" شي "
ادم :" مالا شبيك ساكت ؟ من بكري نرا فيك كيفاه سارح ف ملكوت الله وحدك "
نفخت بالشوي نحكي
انا :" مابياا شي.. قاعد نخمم ف الشحنة لي بش توصل الجمعة الجاية من عند جمال.. اهوكا تلهى بيها انت ادم "
هزلي براسو باهي يحكي
ادم :" باهي تهنى خلاهاا علياا "
انا :" عيشو الديزل "
ريتو ك مسح يديه ووقف يحكي
ادم :" نمشي نضرب طلة على لمحل لاخر ونجيك.... "
قصيت عليه ك وقفت نحكي
انا :" اصبر بش نمشي معاك.. نشوف جبران واكا الطحان حمزة وف الثنية تحكيلي شصار علاش تعاركو "
ادم :" باهي هياا "
هزيتلو براسي باهي وخرجت ناديت لعبودة نحكي
انا :" عبودة قدامك الورشة انا واصل مع ادم وراجع "
أول ماريتو رجع خرجت انا وادم وشدينا الورشة.. غزرتلو يحكي
ادم :" قابلت خوك ؟"
تنهدت بالشوي نحكي
انا :" لاا "
ادم :" علاش ؟؟"
انا :" خاطرو ماروحش لبارح وانا ماشيتلوش "
ادم :" فهمتك "
انا :" اي نسمع فيك.. احكيلي شصار "
ادم :" تي لحكاية ومافيها انو حمزة يكركر ف الخدمة ومسلم ف كل شي لجبران.. نهار قلو هاني ماشي نفطر ونرجع ضرب أكثر من ساعتين لبرا وجبران يستنى فيه حتى كرز.. مالا ك رجع حمزة كلات بعضهاا ولحمت بيناتهم.. اصلا جبران مغزل عليه من ربي.. قلي راو يكركر ورامي علياا حمل الخدمة لكل.. وجبران كان بش يمشي للمعلم جابر يشكيلو ويبطل الا ما انا حكيت معاه بش برد شوي وراني زدتو تفتوفة ف الشهرية بش يكون فعلمك "
بقيت كابس عالبونية متاعي بالقوي ونسمع ف ادم وين حسيت روحي بلحق كرزت ووصلت بيااا للسماء من الطحان حمزة لي بقيت متحملو عامين تو وهو ماحبش يفهم ** قدروو.. نحكي
انا :" **** هذااا مااحبش يفهم ** قدرو.. راني شاد روحي بالسيف عليه.. غير محكر خالي لي مازال مخليه يخدم ولا راني طيشتو ك الكلب"
ادم:" ياولدي وسع بالك.. لحكاية وفات... "
قصيت عليه نحكي
انا :" راااي ماهييش اول حكاية هاذي.. الطحان عمال يزيد على قدام.. فقت بيه يتفتف من الكاسة وعديتها فقت بيه سرق المحركات وعديتها من جرة الساقط خوياا اما لهنااا ويزي "
ادم :" باهي شناوي تعمل ؟ بش تطردوو ؟"
انا :" مالا بش نخاف منووو.. مش على آخر عمري بش يجي **** كيفو يتبلعط ويعديهاا عليااا ونسكتلووو "
ادم :" باهي باهي شوف هاك انت رجعت تو.. خليك ديما ف المحل بش يبدأ قدام عينك.. والورشة اهيكا حذا عبودة انت امشي كان ك تبدأ فما خدمة أكيدة.. وكان ريت عليه غلطة وقتها طيش عليك لخرااا "
هزيتلو براسي باهي وبقيت نمشي ساكت حتى وصلت للورشة..اول مادخلت عرضني جبران لي وقف يحكي
جبران :" الحمدلله على سلامتك معلم..نورت الورشة "
طبطبت على كتفو نحكي
انا :" عيشو جبران.. شحالك وشحال داركم لباس؟"
تبسم يحكي
جبران:" الحمدالله عيشك معلم يسأل عليك الخير "
هزيتلو براسي باهي وعديت بعينيا عالورشة.. دمي فور اكثر ك مالقيتوش قدامي.. تلفت لجبران نحكي
انا :" حمزة وينو ؟"
عدا بعينيه علينا وغزرلي يحكي
جبران :" قال واصل ب قضية من بكري ولتو مارجع "
كبست عالبونية متاعي بالقوي من لعصب لي ركبني منو.. مانعرفش لوين يحب يوصل معايا الطحان هذا..
VOUS LISEZ
#مُتمردة_العيسى ❤️🔥 (الستاتي الثاني)
Roman d'amour#مُتمردة_العيسى ❤️🔥 عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر العشق ونحن بعيدين هو ذلك الشعور الذي لا يشبه مشاعرًا هو عندما نتنشق عطرهم...
